Read Tobelo O MATIUS 6 Bible Online

O MATIUS 6 - Tobelo bible

O MATIUS 6

¹ ”Nimä hohininga, uha ngini nidiai o agama mamau-mau, o nyawa yowöe-wöe manga himangoka, hupaya o nyawa yamäke. Nako ngini hokogënanga nidiai, nia Ama o horogaka wohidöakua o hewa nginika.

²Hoʼ, nako ngini nihidöaka niahadakä o nyawa mihikinika, uha gënanga nihingahu-ngahu, hokä o nyawa yoelu-eluku yodiai. Ona yoigo yodiai o pupuji matauoka, deʼ o ngëkomo maamokoka, hupaya o nyawa yähigiriri. Niohohininga, önanga yatarimaka manga hewa.

³Mä ngini, nako nihidöaka nia hadakä, kokiani kania pongono, hiädono moiua ihiöriki.

⁴Mal̄aika la niamanarama gënanga o nagona dika maihiorikua, duga-duga nia Ama o horogaka. Una wapulono niamanarama iiu-iunu gënanga deʼ aha wohi döaka nia hewa nginika.”

⁵ ”Nako ngini nihubayanga, uha hokä o nyawa yöigo imadodiai. Onanga yöigo yohubayanga ihigokoino o pupuji matauoka deʼ o ngëkomo madupukoroka hupaya o nyawa yämäke. Niohohininga, genangala o hewa önanga yatarimaka.

⁶Mä nako ngini nihubayanga, niwohamika niakamari magoronaka, deʼ o ngorana niabenoino, deʼ nihubayanga nia Amaika niwimäke-mäkeua gënanga. Done nia Ama wapulono niamanarama iiu-iunu gënanga, aha wohi döaka o hewa nginika.

⁷Nako ngini nihubayanga, uha niogogilio, hokä o nyawa iwinäko-näkoua ma Jou. Ona yatobote manga gogahoko aha woihene, hababu manga hubayanga gënanga ikurutu.

⁸Uha hokä önanga. Nigahokowahi, nia Ama wanäko okia niaparalu.

⁹Hö nihubayanga hoko nënanga, ’Mia Ama o horogaka: Ngona ma Jou Madutu noma tëngo-tëngoka. Tanu Ngona ini huba deʼ ini horomati.

¹⁰Ngona mia Koano. Tanu Ngona nopareta o duniaka, deʼ Ani mau yamoteke hokä o horogaka.

¹¹Nomihi döaka o wange nënanga mia inomo ngomi mipöparalu.

¹²Nomi apongo ngomi tongomi miahowono, hokä ngomi miahiapongoka o nyawa yahowo-howonoka ngomino.

¹³Uha nohiguma l̄a ihihanga miangongaku maöraha ngomi imï taili mä o Dorou makuaha nomihirehene. [Ngona o Koano nokokuaha deʼ nomulia kahi ado-adonika. Amin.]’

¹⁴ Nako ngini niahiapongo o nyawa yahowono nginika, nia Ama o horogakaö aha waapongo niahowono.

¹⁵Mä nako ngini niaapongua o nyawa mahomoa manga howono, nia Ama o horogakaö aha wa apongua niahowono.”

¹⁶”Nako ngini nipuaha, uha niabiono ihuha, hokä o nyawa yöigo imadodiai. Onanga yangali manga biono hupaya mata-mata o nyawa ihiöriki önanga yopuaha. Niohohininga, genangala o hewa önanga yato tarimaoka.

¹⁷Mä nako ngini nipuaha, nimamahau, deʼ niatadauru niawuhioka,

¹⁸hupaya moiua ihiöriki ngini nipuaha, nia Ama iwi mäke-mäkeua dika. Una wamäke niamanarama i iu-iunu gënanga, deʼ aha wohidöaka o hewa nginika.”

¹⁹ ”Uha nimä doomu o arata o duniaka, kiaka o buteteke deʼ o pariama aha yabodito, deʼ yotohi-tohiki yaino yatohiki.

²⁰Koaho yaoa, niatoomu o arata o horogaka, kiaka o buteteke deʼ o pariama yaboditoua, deʼ yotohi-tohiki yainoua yatohiki.

²¹Karana kiaka nia arata, genangoka ö niahininga.”

²²”O lako gënanga o röehe mahilo. Nako nialako itararono, nia röehe magahumu itararono.

²³Mä nako nialako igawa, niaröehe magahumu ihuhutu. Hoʼ nako nialako niadirioka gënanga ihuhutu, done duru i huhutu o huhutu gënanga!”

²⁴”Moiua yakunu yomanarama o tuanga hinotoika. Hababu ünanga aha iholoi wïdora womatëngo deʼ womatëngo ikuranga wïdora. Ekola ünanga aha iholoi wosetia moika de moika ikuranga wosetia. Kogenangoli ngini. Ngini yakunua nimanarama mangale ma Jou Madutu deʼ mangale o arataoli.

²⁵Hababu gënanga niohohininga; uha nihawatere mangale niangango, enagënanga okia aha niaol̄omo deʼ okia niaokere, ekola okia aha niapäke. Mode koigoungua o ngango iholoi de o inomo, de o röehe iholoi de o pakeanga?

²⁶Nia pulono o totaleo o gitawaka. Enanga idatomua, iutukua, deʼ yatoomu madumule mahasili matauika makowali. Ngarokö hokogënanga nia Ama o horogaka ënanga wapaliara! Mode koigoungua ngini iholoi ikurutil̄e niaija de o totaleo?

²⁷O nagona nginioka, de manga hawatere, yakunu yakurutu manga umuru ngaroka kama huhutulu?

²⁸Yadodoaho ngini nihawatere mangale niapakeanga? Niatailako nihidodiai o bunga-bunga iwango o gol̄owaika. O bunga-bunga gënanga imanaramua, deʼ o pakeanga idiaiua;

²⁹ mä ma Koano Salomo hoko gënanga aikaya ma, wapäkeua o pakeanga, mahailoa hokä o bunga gënanga!

³⁰O momo o gol̄owaika o wange nënanga iwango deʼ yarehino yatuhuku hokoiwaka. Mä ma Jou Madutu wapäke wohidodiai o momo gënanga hoduru ihailoa. Holoi ngini! Mä ngini kuranga ningaku!

³¹Uha nihawatere deʼ nitemo, ’Okia aha haol̄omo’, ekola ’okia aha haokere’, ekola ’okia aha hapäke’?

³²Mata-mata o hali gënanga o nyawa iwinäko-näkoua ma Jou Madutu salalu yakinïki. Enahioko nia Ama o horogaka wohi öriki mata-mata gënanga ngini niparalu.

³³Hoʼ, ihira nihi dailako hupaya niawowangoka ma Jou Madutu wapareta, deʼ niadiai Ai mau. Done mahomoa mata-mata aha ma Jou Madutu wini hidöaka nginika.

³⁴Hababu gënanga, uha nihawatere mangale yarehe mawange. Hababu yarehino nagaoli toëna mahawatere. O wange nënanga yaoaka toëna mahuha, ngaro uha hodogooli.”