Read Tobelo O ULANGAN 10 Bible Online

O ULANGAN 10 - Tobelo bible

O ULANGAN 10

¹”De ipaha ma Jou wohitemo ngohino, ’Musa, nohonotoko o helewo o belaka hinoto hokä madodi hiraka, deʼ nodiai mangï o gahumu moi o peti o gota, daha naino Ngohino ol̄oku matubu oka.

²O helewo-helewoika gënanga aha Tatulihi o demo-demo gënanga, hoʼka o helewo tapopootekoka, dahao kokiani nö noa o petiuku gënanga.’

³Daha ngohi todiai o peti de o gota o akasia deʼ tohonotoko o helewo o gahumu hinoto hokä mahira deʼ tao ol̄okuil̄e.

⁴O helewoika gënanga ma Jou watulihi o Tita Ngimoi ima tero dema dodihiraka, enagënanga o pareta-pareta wohi döa-doäka nginika, maöraha Unanga wo temo-temo o uku mahi dogoronaka mawange ngini nimatoomu ol̄oku matimioka. Gënanga de iboto ma Jou wohi döaka o helewo watuli-tulihoka gënanga ngohino,

⁵deʼ ngohi tomakilioro tauti ol̄oku. Daha imamoteke de ma Jou aipareta. O helewo hinoto gënanga tö noa o petiuku tadodiai-ukuoka — deʼ kadema dero o öraha gënanga hiädono o öraha nënanga o helewo watö tuli-tulihi hinotö gënanga ka dema enangohi genangoka.” (

⁶ De ipaha o Yaakan manyawa manga humuoka de o Israel ma nyawa ima goraka, deʼ yoiki o Moseraika. Genangokadau o Harun wohonenge deʼ iwi lungunu. Aingohaka o Eleazer wïtagali hokä ma imam.

⁷Genangokadau önanga yoiki o Gudgodika, genangoka de yo gila-gila o Yotbataika, o daera dema akere mangöe.

⁸ Ol̄okuoka gënanga ma Jou wä tingaka o Lewi ai hoana mangale ihi dailako o Jaji ma Peti deʼ iwï leleani ma Jou, ikali yahetongo o barakati de Tounanga ai romanga. Genanga toönanga manga manarama hiädono o öraha nënanga.

⁹Mangale karana gënanga o Lewi ai hoana yatarimaua o tonaka o puhaka hokä o hoana ma homoa, hababu ma Jou dika toönanga ma-nga hidoku idadi manga puhaka, hokä ma Jou nia Jou Madutu waheto-hetongoka nginika.)

¹⁰ ”O hutu moruata de o wange moruata ngohi togö gogere ol̄okuoka hokä ngohi todiai madodi hiraka. Mamoi hongoli ma Jou wohigihene ngohi deʼ Unanga wömodeke mangale ngini winï binahaua.

¹¹Genangoka de Unanga wohihuloko ngohi toiki mangale tinï tuda ngini hupaya ngini yakunu nia l̄ë nima hitingini o tonaka tonaka wahijä jajioka nia ete de nia tohoraika.”

¹²”O öraha nënanga, Roriadodoto, nia tailako nihi dodiai ma Jou nia Jou Madutu okia wogahoko nginika: Niwi horomati ma Jou nia Jou Madutu deʼ nia diai hagala Ai pareta. Niwi hininga Unanga deʼ ni puji Unangika de ingodumu nia röehe de nia jiwa.

¹³Nihi ngounu hagala ma Jou Ai pareta o wange nënanga ngohi tohiädono nginika mangale nia oa mahirete.

¹⁴Ma Jou nia Jou Madutu ka Tounanga o dihanga ikö kurutil̄e; o dunia maka Tounanga de ikali hagala nä naga mal̄okuoka.

¹⁵Mä ma Jou Ai dora nia ete de nia tohoraika hoko gënanga ma amoko, hiädono hagala o hoana de o berera mahi dogoronaka ngini dika winï iriki deʼ hiädono o öraha nënanga ma ngini Ai umati winï iri-iriki.

¹⁶Hoʼ imulaenge o öraha nënanga kokiani ngini nihi ngounu ma Jouika deʼ uha nia haëke nia togowinoli.

¹⁷ Ma Jou nia Jou madutu naga hagala o gikiri mal̄okuoka deʼ woma hiholoi de hagala o kuaha. Unanga ma Jou Madutu wo lamo-amoko deʼ wokokuaha kokiani niwihi ngounu. Unanga wö igoua yo iri-iriki de kowö igouaö o uru mabobokumu.

¹⁸Unanga wä riwo o gohihi ma ngohaka deʼ o ngoheka bobao manga haku hupaya önanga yahidiai iadili, Unanga wä dora o nyawa ma homoaino naga yogogere de tongone nanga hoana de nanga berera deʼ wahi döaka önanga o inomo deʼ o pakeanga.

¹⁹Done nginiö nihidumutu nia dora o nyawa o berera mahomoaino gënanga, hababu mahira nginiö ma o berera mahomoaino manyawa o Mesiroka.

²⁰Niwi horomati ma Jou nia Jou Madutu deʼ nipuji Unangika. Kokiani ngini kahirahi nisetia Unangika deʼ nikoboto de Tounanga ai romanga dika.

²¹Niwi puji Unanga hababu Unanga nia Jou madutu. De nia lako mahirete nia make hagala o manarama ipoputurungu deʼ hö modo-modongo Wadodiai mangale ngini.

²² Maöraha nia ete de nia tohora yoiki o Mesirika, önanga manga ngöe duga-duga yamoritumidi. Mä ma Jou nia Jou madutu wadiaioka manga ngöe hokä o murumu o dihangoka.”