Read Tobelo O ULANGAN 19 Bible Online

O ULANGAN 19 - Tobelo bible

O ULANGAN 19

¹ ”Hagala o hoana deʼ o berera manyawa gënanga ma Jou nia Jou Madutu wä binahaka deʼ iböto deʼ ngini nia l̄ëoka manga berera deʼ toönanga manga tau deʼ niö gogere genangokadau,

²o daera gënanga kokiani ngini nia regu o hidoku hange, moi-moi deʼ maroriwo maberera deʼ magapanga yadono hupaya moi-moi yotoma-toma yakunu ihi oara manga diri dokengika.

⁴Nako womatengo ani kowo hangajaua wä tomaka o nyawa ma homoa ko ai haturuua, ünanga yakunu wohi oara ai diri o berera moika gënanga deʼ yakunu wowango.

⁵O demo ma ade o nyawa yahinoto ima nïki o honganika yowohama mangale o gota yotol̄anga. Magogiria womatengo wotol̄anga, ai bahuku madoto ma otinoka deʼ huputu deʼ iwi korona ai dodiawo hiädono wohonenge. Done o nyawa wotoma-tomaka kowohangajaua gënanga kowa howonua deʼ yakunu woara iti wadaene o roriwo maberera hange gënanga hupaya wohalamati. Nako o roriwo maberera naga kamoi dika, yakunu idadi mahoana dokengika ikurutika holi, deʼ o tau madol̄a womahi tago-tagongo mangale wabalaha o doma gënanga yakunu wikinïki ünanga deʼ ai dohata magoronaka wïtoma o nyawa wahowo-howonua.

⁷Hababu gënanga ngohi tinihi pareta ngini mangale nia sadia o berera hange.

⁸Nako ma Jou nia Jou Madutu wohi woatoka nia daera hokä wä jajioka nia ete deʼ nia tohoraika, deʼ mata-mataika o berera gënanga Winihi döakoka nginika,

⁹kokiani ngini nia iriki o roriwo maberera hangeoli. (O berera gënanga aha winihi döaka nginika nako ngini nia diai hagala tohi popareta nginika o wange nënanga, deʼ nako ngini niwi hininga ma Jou nia Jou Madutu deʼ niwango imoteke Ai dodotoko.)

¹⁰Nia diai gënanga hupaya ngini uha nibaradoha karana nia mal̄aika o nyawa yahowo-howonua yätoma o bereraka ma Jou nia Jou Madutu winihi döa-döakoka nginika.”

¹¹”Mä hara moioli mahali nako womatengo wï gogoana ai haturu deʼ wohangaja deʼ ai dohata wïtoma ünanga, daha wohi oara ai diri o roriwo ma kota moika mangale wamake o roriwo.

¹²O hali gënanga magoronaka maberera matutuda-tutuda kokiani iwi ahoko o nyawa gënanga daha iwi hilapahi ünanga o riadodoto imahi tago-tagongika mangale yabalahi o doma gënanga, hupaya ünanga yakunu iwi toma.

¹³Uha niwï dora unangika. Nia hibebasi o Israeloka deʼ wotoma-toma gënanga hupaya ngini nihalamati.”

¹⁴ ”Nako ngini nima hiadonoka o bereraika ma Jou nia Jou Madutu winihi döa-döaka nginika, uha nia heloro nima koka dateke manga tonaka mabatingi ihitö tantuoka mahiraino.”

¹⁵ ”O hakihi kawoma tengo dika koi kuatua mangale ihi nyata nyata womatengo iwi kokalaki wahowono; makuranguku o hakihi yahinoto iparalu mangale o hali gënanga.

¹⁶Nako womatengo ani womau wadadi dorou o nyawa mahomoa deʼ o galaki ielu-eluku o juru hakimoka, done

¹⁷yahinotö kokiani yoiki o pupuji mangï ika ma Jou wo hi tö tantu hupaya o imam deʼ o hakimi kayo manaramohi yatailako o perkara gënanga ihidodiai, deʼ nako inyata o nyawa gënanga iwi fitanäoka ai dodiawo o Israel manyawa,

¹⁸O haki-hakimi kokiani yatailako ihi dodiai o perekara gënanga de nako i nyata o nyawa genanga o romanga madorou iwi diai ai dodiawo o Israeloka manyawa.

¹⁹Unanga kokiani watagongo mahukumanga wohidö dungu-dungutu ai lawanika gënanga. De hoko gënanga ngini nia hohihanga o dorou gënanga.

²⁰O nyawa mata-mata aha yoihene mangale o hali gënanga deʼ yohawana, hiädono koiwaka hoko gënanga mamodorou.

²¹ Uha deʼ nia dora o perkara-perkara hoko gënanga ma goronaka. Mahukumanga marupa: O jiwa madururu o jiwa, o lako madururu o lako, o ingiri madururu o ingiri, o giama madururu o giama de ol̄ou madururu ol̄ou.”