Read Tobelo O ULANGAN 29 Bible Online

O ULANGAN 29 - Tobelo bible

O ULANGAN 29

¹Nenanga o jaji mabetongo deʼ ma Jou Ai pareta o Musa deʼ o o Israel manyawa yadiai maöraha önanga naga o Moab ma tonakoka. O jaji gënanga marupa madogo o jaji ma Jou wadodiai deʼ önanga o Sinai mal̄okuoka.

²O Musa wä huloko o Israel manyawa mata-mata ima toomu, daha wätemo onangika, ”Ngini mahirete nia makeoka okianaga ma Jou wa dodiai o Mesir ma koanoika, ai popegawe deʼ ai berera yamode-modekika.

³Nginiö nia makeoka o bodito-bodito nio modo-modongo, idö dadadi ihera-heranga, deʼ ihö hera-heranga ma Jou wadodiai.

⁴Mä hiädono o wange nënanga winihi doakowahi ngini ni mangarati mata-mata ngini nia mö make-make gënanga.

⁵O taongo moruata madekana ma Jou winï tuda ngini nia nonu o tonaka ikokakaha, mä nia pakeanga deʼ nia sandal koi babitua.

⁶Ngini koiwa nia roti mangale nia inomo, o angguru mateongo ekola nia oke-okere ikokua-kuata, mä ma Jou wini hidöaka hagala ngini nipoparalu hupaya ngini nihi öriki Unanga gënanga ma Jou nia Jou Madutu.

⁷ De maöraha ngone homa hiädono o ngï ino nënanga, ma Koano Sihon o Hesybonino deʼ ma Koano Og o Basanino yoboa i nä parangi ngone. Mä ngone hahohihanga önanga.

⁸ Toönanga manga tonaka ngone haora deʼ ngone hahi kodoku o Ruben, o Gad manga hoanika deʼ mahononga o Manasye ai hoanika.

⁹Done kokiani ngini nisetia nihi ngounu ingodumu o jaji nënanga, hupaya ngini nihasili hagala nia usaha magoronaka.

¹⁰O wange nënanga ngini mata-mata nima okoino ma Jou nia Jou Madutu Ai himangoka, mata-mata nia hoana ma hae-haeke, o balu-baluhu, o kokapita, mata-mata o nau-nauru,

¹¹O ngongoheka, deʼ mata-mata o nyawa yotagi-tagino yogogere tingini nia hidogoronaka deʼ iniriwo ngini yotobiki o gota deʼ o akere yomoku.

¹²Ma Jou nia Jou Madutu wodiai o jaji dede ngini, deʼ ngini mata-mata nima toomu nenangoka dau mangale nia liko o jaji gënanga ikali nia tarima mamanarama inihi patu-patutu.

¹³Deʼ o jaji gënanga o wange nënanga ma Jou wohi kuata ngini nidadi Ainyawa, deʼ Unanga wodadi nia Jou madutu hokä wojajajioka nginika deʼ nia ete deʼ nia tohoraika o Abraham, o Ishak deʼ o Yakub.

¹⁴O jaji gënanga deʼ hagala ipatu-patutu idiai ma Jou wadiai kadede nginiua dika,

¹⁵Mä de moi-moi o nyawa naga o wange nënanga imaokoino nënangoka dau, nanga Jou ma Jou Madutu Ai himangoka, deʼ tongone nanga difaukuö o öraha nanga himangika.”

¹⁶”Ngini kanio hiningahi sarakia tongone nanga ngango o Mesiroka deʼ sarakia ngone hotagi hanonu o hoana deʼ o berera manyawa mahomoa manga berera.

¹⁷Ngini nia make toönanga manga barahala madulada ha emo-emono yadodiai deʼ o gota, o helewo, o haaka deʼ o gurasi.

¹⁸ Hoʼ nima goana uha hiädono imatengo ani nia hidogoronaka, o nauru ekola o ngoheka, nia tau madol̄a ekola nia hoana ima oko-okoino nenangoka dau, iwï porete nanga Jou ma Jou Madutu mangale yahuba o hoana deʼ o berera manyawa mahomoa manga gikiri. O manarama gënanga hokä o ngutuku iwö wango-wango idadi idö dato-datomo mamali-mali deʼ ipopadoha.

¹⁹Ngini nia hidogoronaka ni ihe-ihene o gogahoko ikokiria gënanga uha naga ima pikiri manga wowango madodagi aha kahirahi yaoa, ngaroka ünanga deʼ ai hininga mabuturungu wanïki ai ngekomo mahirete. O hali gënanga aha inï binaha ngini mata-mata, o nyawa madorou kayaoa o nyawa maoa.

²⁰Ma Jou aha wahi apongua o nyawa hoko gënanga. I idulu yaino, ünanga aha iwi korona ma Jou Ai gangamo ihebu-hebulu, deʼ hagala o bodito yatö tuli-tulihi o buku nënanga magoronaka aha iwi tapal̄u ünanga hiädono ünanga ma Jou wï binaha.

²¹Ma Jou aha wadiai ünanga o dulada moi mangale mata-mata o Israel manyawa, deʼ wï hukumu ünanga deʼ o lolai ya heto-hetongo o jaji magoronaka yatö tuli-tulihi o buku nënanga magoronaka, ma Jou Ai Tita mabuku.

²²O wange maduruino, ani difauku deʼ o nyawa yotagi-tagino o berera magogurutoka deʼ yaino aha yamake o bodito-bodito deʼ o huha deʼ o hangihara ma Jou wodotagao ani bererauku.

²³ Ani dumule aha imadadi o tonaka ikokakaha o walira deʼ o gahi yatamunuku. matonaka yakunua yodatomo deʼ o momo ioluku iwango genangokadau. Ani berera aha imahi rupa o Sodom deʼ o Gomora, o Adama deʼ o Zeboim makota wabö bobinaha ma Jou maöraha ai dohata irama.

²⁴Done o dunia yamode-modekika aha yoleha, ’Yadodoa homa Jou wadiai hoko gënanga toönanga manga berera? Mahababu okia ünanga wongamo mamogiria gënanga?ʼ

²⁵Deʼ mabobaluhu genangala, ’Karana önanga ihi pongono ma Jou ai jaji toönanga manga ete deʼ manga tohora manga Jou Madutu; o jaji wadodiai dede önanga maöraha Unanga wä ao önanga yuhupu o Mesirino.

²⁶Onanga imahi gilaongo o gikiri mahomoaika koyanö nako-nakoua önanga, ena hioko ma Jou waduhunu önanga yahuba hagala o gikiri gënanga.

²⁷Mahababu gënanga ma Jou wä ngamo Ai umatika deʼ wodotagao toönanga manga bereraika mata-mata o bodito yatö tuli-tulihi o buku nënanga magoronaka.

²⁸Ma Jou Ai dohata ipotoka de magiria, deʼ ai dohata ma amoko magoronaka Unanga warahuku o Israel manyawa toönanga manga tonakoka deʼ wahikaweli o berera mahomoaika hiädono önanga naga dokengoka.’

²⁹Naga o hali muruono naga ma Jou tongone nanga Jou Madutu warorahasia; mä Ai tita wohi nyataka ngoneino, deʼ ngone ikali tongone nanga difauku kokiani hohingounu kahi ado-adonika.”