Read Tobelo O ULANGAN 9 Bible Online

O ULANGAN 9 - Tobelo bible

O ULANGAN 9

¹”Ni ihene Roriadodoto! O wange nënanga ngini nia tobongo o Yordan ma Ngairi mangale nio gogere hagala o hoana de o berera manga daera iholoi ilago-agomo deʼ iholoi ikuata de ngini. Toönanga manga kota ma ago-agomo deʼ ma bebeno o mehele igorakil̄e hokä o dihanga ma gurutil̄e.

²Manyawa manga ago-agomo deʼ manga röehe iputurungu; önanga gënanga o meki, deʼ ni ihenoka kao nyawa moiö mayakunua yalawani önanga.

³Maöraha nanga ngini aha nia hakihi mahirete sarakia ma Jou nia Jou Madutu wotagi tingini nia himangoka hokä o uku ihi tö tuhu-tuhuku. Unanga aha wä hohihanga önanga nia lako mahimangoka, hiädono ngini ni akunu niä duhu deʼ niä binaha önanga de ma japati hokä wohi jajaji ma Jou.

⁴Ma Jou nia Jou Madutu wä duhu önanga mangale ngini de ipahaika, uha niato bote ngini winï ao dokengika mangale nima hitingini o tonaka gënanga karana ngini yaoa deʼ nia diai ma Jou nia Jou Madutu Ai mau hiädono ipatutu nia tarima. Hakali-kali kowali! Ma Jou wä duhu hagala o hoana de o berera gënanga mangale ngini karana önanga itorou. Ma Jou wa mal̄aika ngini nia l̄ë toönanga manga tonaka karana Unanga womau watotomo Ai jaji nia ete de nia tohoraika o Abraham, o Ishak deʼ o Yakub.

⁶Ni ngaku ma Jou nia Jou Madutu wohi döaka o tonaka ma bo burere gënanga nginika koigoungua karana ngini ipatutu nia tarima. Kowali! Ngini nënanga manyawa manga haëke ito-togowini.

⁷Nio hohininga sarakia ngini nidiai ma Jou nia Jou Madutu wongamo o tonaka ikokakahaoka. Kadema dero ngini nia mal̄a o Mesir hiädono ngini nimahi ädono nenangino ngini niwi lawani ma Jou.

⁸Maboboloi o Sinai mal̄okuoka ngini nia diai ma Jou nia Jou Madutu duru iwi tohata, hiädono Unanga womau winï binaha ngini.

⁹ Ngohi tadoa ol̄oku gënanga mangale tatarima o jaji ma helewo wadodiai ma Jou dede ngini. O hutu moruata deʼ o wange moruata madekana ngohi togogere ol̄okuoka gënanga tol̄omua deʼ tokerua.

¹⁰De ipaha ma Jou wohihi döaka o helewo o gahumu hinoto wa tuli-tulihoka ma Jou Madutu mahirete. O helewoika gënanga i tulihika o demo-demo waheto-hetongo nginika o uku mahi dogoronaka, maöraha ngini nimatoomu ol̄oku matimioka.

¹¹Igoungu, o hutu moruata deʼ o wange moruata ipahaika, ma Jou wohihi döaka ngohino o jaji ma helewo gënanga hinotö.

¹²Daha ma Jou wohitemo ngohino, ’Itaiti nouti, hababu ani nyawa naö ao-ao yohupu o Mesirino yodiaioka o dorou. Onanga yamotekokaua Ahi pareta-pareta, deʼ yodiai o dulada mangale yahuba,’

¹³Ma Jou wo hi temoli ngohino, ’Ngohi to hi oriki o nyawa geönanga duru manga haeke i togowini.

¹⁴Uha nataili nohitatoko ngohi. Ngohi tomau täbinaha önanga hiädono önanga tahohininga okauaoli. Mä ngona aha Tonihi dadi moi o hoana de o berera manga ama iholoi ilamoko deʼ iholoi yokuata dede önanga.’

¹⁵Daha toma idulu, deʼ inoli tao o jaji mahelewo hinotö de ahi giama hinoto, ngohi tauti mal̄oku magogiria itoka-tokara.

¹⁶Ngohi ta make ngini nia tilakuroka ma Jou nia Jou Madutu aipareta. Ngini nibaradohaka ma Jouika karana nia diai mangale nia diri moi o dulada o hapi o gurasi.

¹⁷De nia lako ma himangoka o jaji ma helewo hinotö gënanga ngohi tohipaka hiädono iwedere ibela-belakuku.

¹⁸De mamoioli ngohi tatilabukuku de tomahi tudukuku o tonakuku ma Jou Ai himangoka ol̄oku ma tubuoka o hutu moruata de o wange moruata, tol̄omua deʼ tokerua. Gënanga ngohi tadiai karana ngini ni baradohaka ma Jouika de nia dodiai okianaga wa mäo itorou, hiädono Unanga iwi tohata.

¹⁹ Ngohi to modongo ma Jou Ai dohatika itö toka-tokara ngini-ka hiädono Unanga womau winï binaha, mä mamoi nënanga ma Jou wohihi gihene ngohi.

²⁰Ma Jou o duru wï ngamo o Harunika hiädono womau wïtoma, done ngohi to hubayanga mangale ünanga.

²¹O dulada o hapi o gurasi nia dodiai, ngohi tohikaweli o uku magoronaika. Daha tawedere deʼ tatutuku ta alu-aluhuku hokä o kafo, deʼ o kafo gënanga ngohi tohikaweli o ngairi maitiuku ihä hahuru ol̄okuino gënanga.

²² O Tabera, o Masa deʼ o Kibrot-Taawa okaö, ngini nia diai ma Jou iwi tohata.

²³ De maöraha ma Jou winï huloko nia mal̄a o Kades-Barnea mangale nitagi nia himangika deʼ nio gogere o tonaka winihi döa-döaka nginika, ngini nia lawani ma Jou nia Jou Madutu Ai pareta; ngini nioluku niwi ngaku de niwihi ngounu Unangika.

²⁴Ka de ma dero ngohi tinï nako ngini, salalu ngini niwi lawani ma Jou.

²⁵Ngohi tohiöriki ma Jou Ai adekati womau winï binaha ngini. Done madekana o hutu moruata deʼ o wange moruata tatilabukuku o tonakuku ma Jou Ai himangoka deʼ tohubayanga hoko nënanga:

²⁶Ya Jou Duru no Kokurutil̄e, uha nabinaha Ani umati nënanga, o nyawa Nahi bebasoka deʼ Nä ngota-ngotakoka yohupu o Mesirino deʼ o kuata deʼ Ani kuaha ma amoko.

²⁷Nä hininga Ani gogilaongo o Abraham, o Ishak, deʼ o Yakub, deʼ uha nohiningaika toönanga manga biaha manga haëke madodo-gowini, manga dorou deʼ manga baradoha o nyawa neönanga.

²⁸Nako Ani umati maka Nä binaha dika, done o Mesir manyawa aha yotemo Ngona näpoaua na ao Ani nyawa neönanga o berera Nahijä jajaji onangika, deʼ Ngona na ao önanga o tonaka ikokakahaika mangale Nä toma önanga, karana Ngona nä dohata önanga.

²⁹Mä nomahininga, Jou, önanga nënanga o nyawa Nä iri-irikoka yodadi Ani umati, deʼ Na ao o Mesir deʼ yaino de ani kuata deʼ Ani kuaha ma amoko.”