Read Tobelo O ROMA 12 Bible Online

O ROMA 12 - Tobelo bible

O ROMA 12

¹O Roriadodoto! Ma Jou Madutu duru yaoa ngoneino. Mahababu gënanga ngohi togahoko de magiria hupaya nihihuba niadiri hokä o huba mangango niodingaka mangale ma Jou Madutu deʼ aihininga yasanangi. Niapupuji ma Jou Madutuika kokiani hokogënanga.

²Uha niodomoteke o dunia nënanga matotukuna. Nihigumal̄a ma Jou Madutu wadiai niadiri imatëngo-tëngo idadi mahungi, hupaya ngini ningali hara moioli. De hokogënanga ngini niakunu nihiöriki ma Jou Madutu aimau — enagënanga okianaga maoa-oa deʼ yasosanangi Ai hininga deʼ i tötotomo.

³Ma Jou Madutu wohidöakoka o ngongike ngohino. Mahababu gënanga ngohi tinihi döaka o hohidumutu o Roriadodotika mata-mata: Uha niamäo niadiri iholoi ikurutil̄e de okianaga madiai. Kokiani ngini niaetongo niadiri de niahininga maböboluluku; moi-moi waetongo aidiri imoteke o dagakunu ma Jou Madutu wohidöa-döaka unangika, mangale karana una wïngaku o Yesusika.

⁴ Nanga röehe mahidoku mangöe. Moi-moi mahidoku naga de toëna mamanarama i tinga-tingaka.

⁵Hokogenangoli dede ngone. Ngarokö ngone nanga ngöe, mä ngone hodadi marupa o röehe moi, karana ngone horimoi de o Kristus. Deʼ ngone moi-moi homa kodöhanga moioka de mahomoaika hokä o röehe moi de mahidoku-mahidoku.

⁶ Ngone moi-moi de tongone nanga ngongike-ngongike la holeleani de imakokohowono. O ngongike-ngongike gënanga ma Jou Madutu wonahidöaka imoteke Ai hayanga de Ai dora. Hababu gënanga kokiani ngone hapäke o ngongike-ngongike gënanga. O nyawa de toona mangangongike mangale ihiabari o abari ma Jou Madutuino, kokiani ihiabari o abari ma Jou Madutuino gënanga imoteke de toona manga dagakunu naga onangoka.

⁷O nyawa de toona manga ngongike mangale yäriwo o nyawa mahomoa, kokiani igou-goungu yäriwo o nyawa mahomoa. O nyawa de toona manga ngongike la yodotoko, kokiani igou-goungu yodotoko.

⁸O nyawa de toona manga ngongike la ihigaro de ihitotitila, kokiani igou-goungu ihigaro de yahitotitila o nyawa mahomoa. O nyawa de toona manga ngongike mangale yahidöaka o nyawa mahomoaika toona manga kianaga, kokiani yadiai gënanga de manga hininga imura imoteke toena mabiaha. O nyawa de toona manga ngongike mangale yotuda-tuda, kokiani igou-goungu yotuda-tuda. O nyawa de toona manga ngongike la ihimatoko o dora de o hayanga o nyawa mahomoaika, kokiani yadiai de manga hininga i sosanangi.

⁹Niadora de niahininga itebini. Niodohata itotorou, deʼ nia sö maoa-oaika.

¹⁰Kokiani o Roriadodoto moi de moi nimakodora de nirimoi hokä o nyawa o roriadodoto o tau moi, de ngini nihohihira nimateke horomati.

¹¹Nikarajanga de niamagawe. Uha ini tebeturu. Nikarajanga mangale ma Jou de o roriwo ma Jou Madutu ai Womahino.

¹²Kokiani Riadodoto nomahi nganono ma Jouika de animörene, nosabari o huha magoronaka, deʼ nakaigoungu nomä niata.

¹³Näriwo nahi wedono okia naga yopöparalu o Haranioka mahomoa deʼ nä ahokino anitauino de anihininga isosanangi o Roriadodoto nimateke ngongaku moi nä näko-näkoua.

¹⁴ Nogahoko ma Jou Madutuika hupaya Unanga wahibarakati o nyawa yoigo-igo inianiaya ngonaika. Ia, nogahoko ma Jou Madutuika wahibarakati önanga, uha nahilai.

¹⁵Nahimoteke nomörene de o nyawa yomore-morene, deʼ noari de önanga yoari-ari.

¹⁶ Niwango nimahi teke dodiai moi de moi. Uha nimadiai niahininga ikurutil̄e, mä nihitero-tero niadiri de o nyawa itotipokouku manga gogere. Imoteke madiai uha nimapulono i holoi nisawaro.

¹⁷Nako o nyawa inïdiai o dorou ngonaika, uha nabalahi de o dorou. Nodiai okia o nyawa mata-mata yamäo yaoa.

¹⁸Ngonaino, hokokia yakunu nohidailako la nowango de o dame o nyawaika mata-mata.

¹⁹ Ahi Roriadodoto! Uha hakali-kali nabalahi o dorou nodiai, mal̄aikala ma Jou Madutu wähukumu. Hababu Ma Jou Ai Demo ma Buku magoronaka yatulihi, ”Ngohi taböbala-balahi. Ngohi aha tähukumu, ma Jou wato.”

²⁰ Iidulu yaino, nako anihaturü iwi hahini, nihidöaka ünanga wol̄omo; deʼ nako ünanga aikiriti madudungu, nihidöaka ünanga wokere. Karana de nodiai hoko gënanga, Riadodoto aha nadiai ünanga iwimal̄eke.

²¹Uha nohi gumal̄a anidiri yalawani yakunua o dorou, mä Riadodoto kokiani ani oa-oa yalawani yahohihanga o dorou.