Read Tobelo O ROMA 4 Bible Online

O ROMA 4 - Tobelo bible

O ROMA 4

¹Nako hokogënanga, okia yakunu ngone hotemo mangale o Abraham nangaete de nangatohora? Sarakia wamäke idädadioka?

²Nako o hali-o hali wadodiaioka idadi o hababu ma Jou Madutu wïtarima ünanga hokä o nyawa yasosanangi ma Jou Madutu aihininga, done nagaö idadi o titi unangika la womahi amo-amoko. Mä unanga wakunua womahi amoko ma Jou Madutu aihimangoka.

³ Ma Jou Ai Demo ma Buku magoronaka yatulihi, ”O Abraham wïngaku ma Jou Madutuika, deʼ karana aingongaku nënanga ünanga ma Jou Madutu wïtarima hokä o nyawa yasosanangi ma Jou Madutu aihininga.”

⁴O nyawa yomomanarama yatarima manga hewa; deʼ aihewa wapulonua hokä o ngongike moi, hababu ënanga ganga aihaku.

⁵Mä naga o nyawa imahigagaoua manga hidailako mahireteika; ünanga wohidöaka aidiri ma Jou Madutuika kiaka wohinyönyata-nyata o baradoha manyawa yolapahioka de o howono. Matiti de aingongaku gënanga ma Jou Madutu wïtarima o nyawa gënanga hokä o nyawa yasosanangi ma Jou Madutu aihininga.

⁶Hoko gënanga ma Koano Daudö aidamäke; mahababu gënanga ünanga wotemo o nyawaika halamati youtumu kiaka ma Jou Madutu wätarimaka hokä o nyawa yasosanangi Ai hininga, ma Jou Madutu watailakoua o nyawa gënanga aimanarama. Ma Koano Daud wotemo hokonënanga,

⁷ ”Halamati woutumu o nyawa aihowo-howono ya apongoka deʼ aibaradoha-baradoha ma Jou Madutu walungunoka!

⁸Halamati woutumu o nyawa aibaradoha ma Jou Madutu wölehaokaua!”

⁹Boteka o demo halamati youtumu nënanga duga-duga yahidumutu o nyawa yamote-moteke o huna madatoro dika? Ekola o nyawa yamote-motekuaö o huna madatoro? Madihirahi ngomi mia hetongoka, ma Jou Madutu wïtarima o Abraham hokä o nyawa yasosanangi Ai hininga, karana o Abraham wïngaku ma Jou Madutuika.

¹⁰Aa, kahuruono de ma Jou Madutu wohinyata o hali gënanga? O Abraham womahunaowahi ekola womahunaka? Igoungu ünanga womahunauwahi, ipahainoua.

¹¹ Unanga iwihuna ituru, deʼ aihuna gënanga duga-duga hokä o nonako ma Jou Madutu wïtarimaka hokä o nyawa yasosanangi ma Jou Madutu aihininga, karana wïngaku ma Jou Madutuika. Unanga ma Jou Madutu wïtarima maöraha ünanga wanïkowahi o huna madatoro. Deʼ o nyawa mata-mata yongaku-ngaku ma Jou Madutuika, o Abraham wodadi manga ama mangale o ngongaku, deʼ karana ünanga ma Jou Madutu wätarimaka önanga hokä o nyawa yasosanangi Ai hininga, ngarokö önanga yanïkua o huna madatoro.

¹²O Abraham ö wodadi manga ama mangale o ngongaku mangale o nyawa yamote-moteke o huna madatoro. Unanga to önanga manga ama mangale o ngongaku koigoungua duga-duga karana önanga yamoteke o huna madatoro, mä karana ö önanga yowango de iwi ngaku ma Jou Madutuika, ima tero hokä o Abraham maöraha ünanga wamotekowahi o huna madatoro.

¹³ Ma Jou Madutu wïjaji o Abrahamika deʼ aidifauku o dunia nënanga aha idadi madutu to Abraham. Ma Jou Madutu wïjaji hokogënanga hababuua o Abraham wohingounu wamoteke o agama Yahudi matita, mä karana ünanga wïngaku ma Jou Madutuika, hiädono ma Jou Madutu wïtarima ünanga hokä o nyawa yasosanangi Ai hininga.

¹⁴ Hababu nako duga-duga o nyawa ihingou-ngounu yamoteke o agama Yahudi dika aha yatarima okia ma Jou Madutu wojäjajioka, done hongaku ma Jou Madutuika hakali-kali koiwa mabaraguna, deʼ ma Jou Madutu aijajiö duru o homoa.

¹⁵O agama Yahudi matita inägao ma Jou Madutu aihukumanga. Mä nako o tita koiwa, o dodilakuru mä koiwa.

¹⁶ Hoʼ ma Jou Madutu aijaji gënanga mahohol̄e o nyawa iwingaku ma Jou Madutuika. Gënanga idadi o ngongike moi o Abraham aidifaukuika mata-mata, ho o jaji gënanga yahidöaka onangika hokä o ngongike moi karana o dora ma Jou Madutuino; ka onangikaua dika yamote-moteke o agama Yahudi matita, mä onangikaö yongaku-ngaku ma Jou Madutuika, imatero hokä o Abraham wongaku Unangika. Hababu o Abraham gangala mata-mata tongone nanga ama cara rohani.

¹⁷ Hababu ma Jou Madutu wïtemo o Abrahamika hokonënanga, ”Ngohi tonihidadioka ngona o hoana de o berera mangöe manga ama.” Hoko gënanga ma Jou Madutu wohidöaka o jaji gënanga o Abrahamika. Deʼ o Abraham wïngaku Unangika. Unanga ma Jou Madutu wahiwango-wango o nyawa yohone-honengoka; Unangö ma Jou Madutu kade wotemo dika wadiai okia komaiwa naga idadi dema ënanga.

¹⁸ O Abraham kagila-gila dika wönganono deʼ wongaku ngarokö koiwaka aingonganono. Karana gënanga ünanga wodadi o hoana de o berera mangöe manga ama. Hokä itulihi Ma Jou Ai Demo ma Buku magoronaka, ”Ani difauku aha yodadi duru ka mangangöe.”

¹⁹ O Abraham o öraha gënanga wohiöriki ünanga idadiokaua de aidifauku, hababu airöehe yaperekioka holi deʼ aiumuru yodangadeoka o taongo ratuhu moi; inoli o ngo Sarah, ngoihekata gënanga komo ngohakua. Mä o Abraham aingongaku ikurangua.

²⁰Unanga kahirahi wongaku deʼ wododatoua mangale ma Jou Madutu aijaji. Gënanga hongoli aingongaku yadiai ünanga idogo wokuata, hiädono ünanga wihigogiriri ma Jou Madutu.

²¹Unanga duru wongaku ma Jou Madutu wakunu wadiai okianaga wohijäjajioka.

²²Mahababu gënanga o Abraham, ma Jou Madutu wïtarima hokä o nyawa yasosanangi ma Jou Madutu aihininga.

²³O demo ”wï tarima hokä o nyawa yasosanangi ma Jou Madutu aihininga” i tulihi duga-duga kao Abrahamua dika mahirete,

²⁴mä mangale ngoneö. Ngoneö aha ina tarima hokä o nyawa yasosanangioka ma Jou Madutu aihininga, karana ngone hongaku ma Jou Madutuika wihiwöwango-wango o Yesus, tongone nanga Jou, o honenge mahidogoronaka.

²⁵ O Yesus gënanga iwihilapahioka Ai diri la iwitoma karana nangabaradoha; daha Unanga ma Jou Madutu wihiwangookali la ngone yakunu homateke oa-oaokali de ma Jou Madutu.