Read Tobelo O GALATIA 1 Bible Online

O GALATIA 1 - Tobelo bible

O GALATIA 1

¹O Roriadodoto o jemaat-jemaat o Galatia madaeraoka. Ngohi, o Paulus, deʼ o riadodoto Haranioka mata-mata mima komoteke de ngohi, minganono tanu ma Jou Madutu tongone nanga Ama de ma Jou Yesus Kristus wohi döaka o barakati deʼ o lolä nginika. Ngohi todadi o rasul de o nyawaua mahuhuloko ekola karana o nyawa ihi göraka, duga-duga de o Yesus Kristus deʼ ma Jou Madutu nanga Ama wihiwango okali Unanga o honenge mahidogoronaka.

⁴Wamoteke de wadiai ma Jou Madutu tongone nanga Ama ai mau, o Kristus wohi döaka Ai diri idadi o huhuba mangale hagala tongone nanga baradoha, hupaya ngone inahi halamati o öraha i totorouino nënanga.

⁵Ma Jou Madutu iwihi gogiriri kahi ado-adonika! Amin.

⁶Ngohi tinï hëranga Roriadodoto! Ngini ma Jou Madutu winï ahoko mangale karana o Kristus Ai hayanga de ai dora, mä o öraha nanga ngini hoko gënanga majapati niwïporete ma Jou Madutu deʼ nia moteke ö abari ma oa” hara moioli de o Abari ma Oa ma Jou Madutuino.

⁷I moteke madiai koiwa naga ö abari ma oa mahomoa”. Duga-duga naga o nyawa inihi ngahu nginika ö abari ma oa” mangale o Kristus ma önanga yataka idulu hiädono inï ruae ngini.

⁸O nyawa ihi ngahu-ngahu ö abari ma oa” haramoioli de o Abari ma Oa ngomi mihi ngahu-ngahuoka, mal̄aikala Unanga ma Jou Madutu wïhukumu — ngarokö o nyawa gënanga ngomi mahirete ekola o malaekat o horogaino!

⁹Mahira ngomi mihi ngahuoka ganga, öraha nanga ngohi tohi ngahu mamoioli: O nyawa i hi ngahu-ngahu nginika ”o abari ma oa” hara moioli de o Abari ma Oa ngini nia totarimaka ngomino, o nyawa ge önanga kokiani ma Jou Madutu wähukumu!

¹⁰Boteka de gënanga nihi mäke ngohi hokä tönganono o nyawa ihï igo? Hakali-kali kowali! Ngohi duga-duga tönganono o mangaku ma Jou Madutuino. Boteka ngohi tohi dodailako tal̄ë o nyawa manga hininga hupaya o nyawa ihi sanangi? Nako ngohi katodiaiohi hoko gënanga, ngohi o Kristus ai gilaongua.

¹¹Roriadodoto kokiani nihi öriki o Abari ma Oa ngohi tohi ngahu-ngahu gënanga ma ahali o nyawa inoua.

¹²Ngohi tatarima o abari gënanga o nyawa inoua, deʼ moiua ihihi dotoko ngohino. O Yesus Kristus mahirete wohi demo o Abari ma Oa madol̄a gënanga, ngohino.

¹³ Marai ngini ni ihenoka mangale tongohi ahi wowango mahira hokä o agama Yahudi tamote-moteke. Ngini nihi öriki sarakia ngohi tähidiai de mahayanga koiwa ma Jou Madutu ai jemaat deʼ sarakia takai goungu tohidailako takilianga.

¹⁴ Mangale todiai o agama Yahudi mamau-mau ngaro de o Yahudi manyawa biaha mimaku umuru moi dede ngohi ma ngohi tomahiholoi. Ngohi duru töigo tadiai mangale mia ete de mia tohora manga adati de manga biaha.

¹⁵ Mä karana ma Jou Madutu ai hininga maoa, Unanga wohi iriki ngohi ihira de ngohi tomakil̄au deʼ wohi ahoko ngohi la tïleleani Unanga.

¹⁶Ma Jou Madutu wihi nyata Ai Ngohaka ngohino hupaya o Abari ma Oa mangale Ai Ngohaka yakunu ngohi tohi ngahu o Yahudi manyawa ikaua. O öraha gënanga ngohi kotoikua ka o nyawa moikaö de la togahoko o nasihati.

¹⁷Ngohi ö toikua o Yerusalem manyawaika kiaka ihiraka önanga yodadi rasul de ngohi. Mä ngohi toiki o Arab mabereraika, dahaö genangoka de tomaki lioro o Damsyikikaoli.

¹⁸ O taongo hange ipaha, ngohi toiki o Yerusalem mabereraika la mimanäko de o Petrus. Ngohi togogere dede ünanga duga-duga o wange ngimoi de motoa madëkana.

¹⁹Ngohi mima ka mäkeua de o rasul-rasul mahomoa, sowaliua o Yakobus ma Jou ai dodoto.

²⁰Okia ngohi totuli-tulihi nënanga itiai. Ma Jou Madutu wohi öriki ngohi koto elukua!

²¹I böto de gënanga ngohi toiki o Siria deʼ o Kilikia madaera-daeraika.

²²Hiädono o öraha gënanga o Harani ma jemaat-jemaat o Yudea madaeraoka ihi näko owahi marupa mimateke rihimangino.

²³Onanga duga-duga yoihene o nyawa yahëtongo, ”Manyawa mahira wonä aniaya ngone, öraha nanga wohingahu okia naga hangaku-ngaku, kiaka mahira womau wahohohihanga.”

²⁴Ho önanga i wi higiriri ma Jou Madutu karana ngohi.