Read Tobelo O EFESUS 5 Bible Online

O EFESUS 5 - Tobelo bible

O EFESUS 5

¹Ngini ganga ma Jou Madutu ai ngoha-ngohaka wini hohininga, hababu gënanga ngini kiani nima hiaha nia nïki ma Jou Madutu ai dulada.

² Nia ngango kiani yodol̄a de o dora, hokä o Kristusö wonahininga ngone. Unanga womahi hubaka Ai diri mangale ngone hokä o huhuba moi mabounu ihëmo-hëmoro, deʼ yasanangi ma Jou Madutu ai hininga.

³Ngini ganga ma Jou Madutu ai umati. Hababu gënanga, o manarama-o manarama isosafarune deʼ patu-patutua ekola o kal̄il̄u, ipatutua naga ngini nia hidogoronaka. Uha hiädono o nyawa mahomoa ima l̄ë o hababu mangale yotemo ngini nidiai o hali-o hali hoko gënanga.

⁴Nginiö ipatutua nihidemo o demo ipese-peseke, isosafarune deʼ ipatu-patutua. Ma kokiani ngini nitemo sukur ma Jou Madutuika.

⁵Nio hininga nihidodiai; o nyawa manga manarama isosafarune, ekola ipatu-patutua, ekola yokokal̄il̄u (o manarama hoko gënanga kaima däene dika de yahuba o gomanga), o nyawa gënanga yakunua yodadi o umati wapopareta o Kristus de ma Jou Madutu.

⁶Uha ngini ini tipu o demo-demo mahomoa. Hababu o hali-o hali nënanga ihi puda ma Jou Madutu ai gangamo o nyawaika iwihi ngou-ngounua Unangika.

⁷Hoʼ, uha hakali-kali nima kodohanga de o nyawa manga rupa hoko gënanga.

⁸Ngini mahirete mahira naga o huhutu magoronaka. Oraha nënanga ngini nidadioka ma Jou ai umati, ho ngini naga o dararono magoronaka. Karana gënanga ngini kiani niwango o dararono magoronaka.

⁹Hababu o dararonino gënanga ipuda hagala rupa o manarama maoa-oa, o adili deʼ o hininga marikoto ma Jou Madutu ai bubulonoka.

¹⁰Nihi dailako nia näko okia yasanangi ma Jou ai hininga.

¹¹Uha niadiai o manarama-o manarama mabaraguna koiwa-iwa yadodiai o nyawa yowango o huhutu magoronaka. Ma kokiani ngini nia hekono o hali-o hali marupa hoko gënanga. (

¹²Hababu o hali-o hali önanga yadiai de ima ngiu-ngiunu gënanga, mangale ihi demo ö mayamal̄ekoka.)

¹³Hagala moi-moi yodacahaya o dararono magoronaka, aha yamäke madodiai.

¹⁴Hababu mata-mata yakunu hamäke de madodiai, ganga doka o dararono. Hababu gënanga i temoka: ”Nomomiki, hei ngona noma idu-iduoka, deʼ no momiki o honengino! O Kristus aha woni tararono ngonaika.”

¹⁵Hababu gënanga, nohininga nohidodiai ani ngango madodagi. Uha nowango hokä o bodo manyawa; ma nowango hokä o nyawa yososawaro.

¹⁶ Nia päke nihidodiai öraha mahigetongo naga nginioka, karana öraha nënanga naga öraha madorou.

¹⁷Uha nibodo, mä niatailako okia ma Jou wöigo.

¹⁸Uha ngini nihidaluku o angguru, hababu gënanga aha inihidadi dorou ngini. Ma kokiani, ngini ini kuaha ma Jou Madutu ai Womaha.

¹⁹ Nia päke o mazmurino mademo-demo, o puji manyanyi deʼ malugo o rohani, nia ade-ade magoronaka. Kokiani ngini de nia hininga imore-morene o puji nihi nyanyi ma Jouika.

²⁰Kahoko genangika deʼ mangale okiaö dika, kiani ngini nitemo tarima kasi ma Jou Madutu o Amaika, de o Yesus Kristus tongone nanga Jou ai romanga.

²¹Mangale niwi horomati o Kristus, kiani ngini nimahiki gihene moi de moi.

²² Hekata, nihigihene ani rokatika hokä o Jouika.

²³Hababu o rokata ganga o häeke mangale ngoi hekata, hokä imatero o Kristusö wodadi o häeke mangale o jemaat deʼ Unanga mahireteö o Koano Wohihohalamati mangale o jemaat idadi Ai röehe.

²⁴Hokä ima tero jemaatö iwihi gihene o Kristusika, hoko gënanga hagala o hali magoronaka o hekata kiani mihigihene ami rokatika.

²⁵ Rokata, nomihininga ngoni hekata, hokä imatero o Kristus wohininga Ai jemaat de wohihuba Ai diri mangale o jemaat gënanga.

²⁶O Kristus wodiai gënanga hupaya Unanga wakunu wohitebini o jemaat gënanga de Ai dodötoko deʼ itilakuru o gohiki madebi-debini ma akere, la maduruino Unanga wakunu wohilapahi ma Jou Madutuika.

²⁷De hoko gënanga o Kristus wadiai o jemaat gënanga ima oko de mamulia deʼ itebini Ai himangoka, koiwa naga mabodito ekola yätorou okiaö.

²⁸Hoko genangö o rokata kiani womihininga ngoi hekata hokä ünanga wo hininga ai diri mahirete. O nyawa imi hininga manga hekata mamangarati önanga yohininga manga diri mahirete. (

²⁹Komaiwahi naga o nyawa yödohata manga röehe mahirete. Ma kokiani, ünanga wapaliara deʼ wogöana hokä o Kristusö wogöana Ai jemaat.

³⁰Ngone hohi öriki gënanga, karana ngone ganga o Kristus ai röehe mahidoku-hidoku.)

³¹ Ma Jou Ai Demo ma Buku magoronaka itulihi, ”Hababu gënanga o nyawa o nauru womatëngo aha wamal̄a ai ama de ngoi ayo mangale ima rimoi de ngoi hekata, deʼ yahinoto aha yodadi kamoi.”

³²O hidoku gënanga iwohama mamangarati iluku. Deʼ ngohi tohilakete gënanga de o dodohanga o Kristus deʼ jemaat mahidogoronaka.

³³Mä o hidoku gënanga nagaö madohanga de ngini: Kokiani moi-moi rokata imihininga manga hekata hokä önanga yohininga manga diri mahirete deʼ kiani moi-moi o hekata ihidailako mangale yahoromati manga rokata.