Read Tobelo O YOSUA 19 Bible Online

O YOSUA 19 - Tobelo bible

O YOSUA 19

¹O hidöku ma hinoto ena ganga o tönaka mangale o tau moi-o tau moi manyawa o Simeon aihöana magoronaka. Toönanga manga tönaka mabätingi iwöhama hiädono o Yehuda aihöana manga tönaka mabätingi ma gorona ika.

² Onanga ya hidöaka o kota ngimoi deʼ hange nënanga deʼ ma käpo-käpongi ma gilolitïno: o Bersyeba, o Syeba, o Molada, o Hazar-Sual, o Bala, o Ezem, o Eltolad, o Betul, o Horma, o Ziklag, o Bet-Hamarkabot, o Hazar-Susa, o Ber-Lebaot, deʼ o Sarukhen.

⁴

⁵

⁶

⁷O kota iatö nënanga deʼ ma käpo-käpongo ma gilolitïno: o Ain, o Rimon, o Eter, deʼ o Asan.

⁸Iwohamikali mata-mata o käpongo o kota gënanga ma gilolitïno hiädono ima tëro magurutika deʼ o Baalat-Beer (enagënanga o Rama) o tönaka o koreharail̄e idaduoka. Gënanga doka o tönaka ya hidö döa-döaka o tau moi-o tau moika o Simeon aihoanino la idadi toönanga manga tönaka ma dutu.

⁹Karana o tönaka mangale o Yehuda aihöana iluasika holi, hoʼ o hidöku moi o tönaka gënanga ya hidöaka o Simeon ai hoanika.

¹⁰O hidöku mahange enaganga o tönaka o tau moi-o tau moi ma nyawa o Zebulon aihöana magoronaka. O tönaka ya hidö döa-döaka onangika hiädono o Saridika.

¹¹O Sarid deʼ yaino, o bätingi ma dodongü o wange madumuniha madümutu o Maralaika, daha yakorona o Debeset deʼ o ngäiri maiti o Yokneam o wange ma hiwaröko idaduoka.

¹²O bätingi madodungü o wange mahiwaröko imuläenge o Sarid deʼ yaino madümutu o Khislot-Tabor mabatingika, igila-gila o Dobratika, daha idöa o Yafiaika.

¹³Dokengoka deʼ yaino o bätingi madodungü gënanga igila-gila o wange mahiwaröko o Gat-Hefer deʼ o Et-Kazinika, daha irëhene o Neaika madümutu o Rimonika.

¹⁴O koremieuku idaduoka, o tönaka gënanga mabätingi irëhene o Hanatonika deʼ ihibobaha o Yiftah-El ma Waioka.

¹⁵O Zebulon aihöana manga daera magoronaka gënanga i wohamoli: o Katat, o Nahalal, o Simron, o Yidala, deʼ o Bethlehem. Toönanga manga daera gënanga yakilöliti o kota ngimoi deʼ hinoto deʼ ma käpo-käpongo magilolitïno.

¹⁶Hagala o kota deʼ ma käpo-käpongo gënanga naga igögere magoronaka o daera yahi dö döa-döaka o tau moi-o tau moika o Zebulon aihöana magoronaka la idadi toönanga manga tönaka madutu.

¹⁷O hidöku maiata enaganga o tönaka mangale o tau moi-o tau moi manyawa o Isakhar aihöana magoronaka.

¹⁸Toönanga manga daera magoronaka iwohamika: o Yizreel, o Khesulot, o Sunem, o Hafaraim, o Sion, o Anaharat,

¹⁹o Rabit, o Kisyon, o Ebes.

²⁰

²¹O Remet, o En-Hada, deʼ o Bet-Pazes.

²²Toönanga manga tönaka mabätingi yakorona o Tabor, o Sahazima, o Bet-Semes, daha ihibobaha o Yordan ma Ngairoka. Toönanga manga daera gënanga ya kilöliti o kota ngimoi deʼ butanga deʼ makäpo-käpongi ma gilolitïno.

²³Hagala o kota deʼ ma käpo-käpongo gënanga naga igögere magoronaka o daera ya hi dö döa-döaka o tau moi-o tau moika o Izakhar aihöana magoronaka la idadi toönanga manga tönaka madutu.

²⁴O hidöku mamotoa enagënanga o tönaka mangale o tau moi-o tau moi manyawa o Asyer aihöana magoronaka.

²⁵Toönanga manga daera yakilöliti: O Helkat, o Hali, o Beten, o Akhsaf,

²⁶o Alamelekh, o Amad, deʼ o Misal. Toönanga mangatönaka mabätingi yakorona o Karmel mal̄oku deʼ o Libnat ma Ngairi.

²⁷Genangoka deʼ yaino toönanga manga bätingi madodungü gënanga irëhene o wange mahiwaröko o Bet-Dagonika daha yakorona o Zebulon ai bätingi deʼ o Yiftah-El ma Wai madümutu o koremieuku o Bet-Emek deʼ o Nehielika. Daha o bätingi madodungü gënanga igila-gila oli madümutu o koremie uku o Kabulika,

²⁸o Ebron, o Rehob, o Hamon, deʼ o Kanaika, hiädono imatëro magurutika deʼ o Sidon.

²⁹Genangoka deʼ yaino o bätingi madodungü gënanga irëhene o Ramaika igila-gila hiädono o Tirus makotaika, enagënanga o kota moi mabebeno o melehe; deʼ ipaha o bätingi madodungü gënanga irehenoli o Hosaika daha ihibobaha o Ngöto i Kokoronaka. O bätingi-o bätingi magoronaka gënanga i wohamika o Mahalab, o Akhzib,

³⁰o Uma, o Efek, deʼ o Rehob. Ingödumu toönanga manga daera ihigilöliti o kota monaoko deʼ makäpo-käpongo magilolitïno.

³¹Hagala o kota de makäpo-käpongo gënanga naga o daera magoronaka yahidödöa-döaka o atu moi-tau moika o Asyer aihöana magoronaka la idadi toönanga manga tönaka madutu.

³²O hidöku ma butanga enagënanga o tönaka mangale o tau moi-o tau moi manyawa o Naftali aihöana magoronaka.

³³Toönanga manga tönaka mabätingi imuläenge o Helef deʼ yaino, hiädono o ek ma gota ma utu ika o Zeanaimoka, igila-gila o Admi-Nekebika, daha o Yabneelika, hiädono o Lakumika, deʼ ipaha ihibobaha o Yordan ma Ngairoka.

³⁴Genangokadau deʼ yaino o tönaka mabätingi ma dodungü gënanga irëhene o wange madumuniha o Aznot-Taborika, deʼ dokengoka deʼ yaino o Hukokika. O koreharail̄e idaduoka, o daera nënanga ima hi ka bätingi deʼ o Zebulon ai daera, o wange madumuniha deʼ o Asyer, deʼ o wange ma hiwaröko deʼ o Yordan ma Ngairi.

³⁵O kota-o kota ma bebeno o mehele ena ganga: o Zidim, o Zer, o Hamat, o Rakat, o Kineret,

³⁶o Adama, o Rama, o Hazor,

³⁷o Kedes, o Edrei, o En-Hazor,

³⁸o Yiron, o Migdal-El, o Horem, o Bet-Anat, deʼ o Bet-Semes. Mata-mata ika toönanga manga daera ihi gilolitïno o kota ngimoi de hiwo deʼ ma käpo-käpongo ma gilolitïno.

³⁹Hagala o kota deʼ ma käpo-käpongo gënanga naga o daera magoronaka yahidödöa-döaka o tau moi-o tau moika o Naftali aihöana magoronaka la idadi toönanga manga tönaka madutu.

⁴⁰O hidöku matumidi enaganga o tönaka mangale o tau moi-o tau moi manyawa o Dan aihöana magoronaka.

⁴¹Toönanga manga daera nënanga ihigilöliti o Zora, o Estaol, o Ir-Semes,

⁴²o Saalabin, o Ayalon, o Yitla,

⁴³o Elon, o Timna, o Ekron,

⁴⁴o Elteke, o Gibeton, o Baalat,

⁴⁵o Yehud, o Beneberak, o Gat-Rimon,

⁴⁶o Me-Yarkon, o Rakon, deʼ ikali o daera o Yope magilolitïno.

⁴⁷ O Dan aihöana manyawa ihihangoka toönanga manga daera o hidöku moi hoʼ önanga yöiki o Lesem ika deʼ ya parängi o kota gënanga. Onanga yaöra, yätöma maberera madutu, deʼ yö gögere o kota gënanga. Done önanga yo gögere genangokadau deʼ ya tagali o Lesem makota ma römanga gënanga idadu o Dan makota, i möteke toönanga manga ete deʼ manga tohöra ai römanga.

⁴⁸Hagala o kota deʼ o käpo-käpongo gënanga naga o daera ma goronaka yahidö döa-döaka o tau moi-o tau moika o Dan ai höana magoronaka idadi toönanga manga tönaka ma dutu.

⁴⁹O Israel manyawa ya bötoka ihikodöku o tönaka o bereraka gënanga de ipaha ino, önanga i wi hidöaka o Yosua o Nun ai ngohakika o hidöku moi o tönaka idadi ai tönaka madutu.

⁵⁰Hokä ma Jou wo hipo pareta oka, önanga iwi hodöaka unangika o kota wo gö gäho-gähoko enagënanga: o Timnat-Serah o Efraim matonaka deʼ mal̄oku-l̄okuoka. O Yosua wo hi gokokali o kota gënanga deʼ wo gögere genangokadau.

⁵¹Hoko gënanga ma Imam Eleazar, o Yosua o Nun aingohaka deʼ o tau madol̄a ma bälu-bäluhu o Israel manyawa manga höana ma goronaka ihikodöku o berera gënanga matonaka deʼ ya undi mangale yo gähoko o hi dümutu ma Jou ino. Onanga ya diai gënanga o Silo mabereraka ma Jou Ai Tau ma ngorana ma himangoka. Ibötoka i hi kodöku o tönaka gënanga.