Read Tobelo O HAKIM-HAKIM 20 Bible Online

O HAKIM-HAKIM 20 - Tobelo bible

O HAKIM-HAKIM 20

¹O Israeloka manyawa yoboa mata-mata o Dan okoremieil̄e hiädono o Bersyeba o koreharauku, de o Gilead o wange ma hiwaroko, mangale yanïki o gogahoko gënanga. Onanga imatoomu de imateke rimoi ma Jou Ai himangoka o Mizpaoka.

²Mata-mata naga yaribuhu o ratuhu iata o pajurete maduduonino imadö dagi-dagi. O tutuda-o tutuda o Israel manyawa manga hoanino moi-moiö yokoki boa dokengoka.

³O öraha gënanga o Benyamin aihoana manyawa gënanga yoihenoka o Israeloka manyawa mahomoa ima toomu o Mizpaoka. Daha o Israel manyawa gënanga iwi leha o Lewi manyawaika ngoi hekata paliara imi tötoma-toma gënanga, ”Beika nohi ade-ade ngomino sarakia o dorou gënanga idadi!” O Lewi manyawa gënanga wohaluhu, ”Ngohi de ngohi hekata paliara mitulu o Gibeaka o Benyamin madaeraoka de mima idu dokengoka.

⁴

⁵Ipaha, maöraha o hutu-hutu o Gibea manyawa yoboa mangale ihi lingiri ngohi. ”Onanga yakiloliti o tau ongï ngohi tomahi dodogumu de manga dungutula ihi toma ngohi, mä ipaha önanga imi howono tongohi ngohi hekata paliara hiädono mo honenge.

⁶Ngohi ta l̄ë ami mayeti, daha tatobi-tobiki, ipaha tohi dingoto o hoana ngimoi de hinotoika, tongone nanga hoana ma goronaka moi-moi o dobiki moi. Ngohi todiai o hali gënanga karana o Gibea manyawa gënanga yodiaioka okianaga moi itotorou de ina himal̄eke o Israel manyawa nanga hidogoronaka.

⁷Ngini mata-mata naga nenangoka ganga o Israel manyawa. Hoʼ öraha nënanga ngohi togahoko ngini nia tibanga!”

⁸De kamamoil̄e o nyawa ima totoomuino o ngïoko gënanga ima oko de yotemo, ”Ngone mata-mata koiwa naga aha ho lio nanga tauika.

⁹Nenangala ngone hadiai: Ngone hodiai o undi mangale hohi tantu manyawa kiani yaparangi o Gibea.

¹⁰O hidoku ngimoi o Israel manyawa mata-mata manau-naurino, o hidoku moi kiani yosadia o inomo mangale onanga yopö poparangi. Mahomoa yoiki yaparangi o Gibea manyawa, mangale ya hukumu önanga karana önanga yodiaioka o dorou o Israel ma nyawa manga hidogoronaka.”

¹¹Hoko gënanga o Israeloka manyawa yorimoi mangale yaparangi o Gibea manyawa.

¹²Iböto gënanga o Israeloka manyawa yahuloko o nyawa ihi ngahu o abari nënanga o Benyamin manyawa manga hoana madaera mata-mataika: ”O dorou okia idadi nginioka?

¹³Nia hilapahi o nyawa manga kalakuanga itö totorou o Gibeaino gënanga ngomino la ngomi mia toma önanga dede hoko gënanga ngomi mia hohihanga o dorou gënanga o Israel manyawa manga hidogoronaka.” Mä o Benyamin manyawa yolegaikaua o Israeloka manyawa mahomoa manga demo gënanga.

¹⁴Koaholi o Benyamin madaera ma kotaino mata-mata o Benyamin manyawa gënanga yo boa o Gibeaika la yaparangi o Israel manyawa mahomoa.

¹⁵O wange gënanga önanga ima toomu toönanga ma kota-kotaka de yaino manga ngöe yaribuhu monaoko de butanga o pajurete. De mahomoa de genangoli o Gibea ma nyawaö ima toomuoka yaratuhu tumidi o nyawa yaö iri-irikoka. O nyawa yohigili mata-mata duru yanö nako-nako o hali magoronaka yokaweli de o helewo yapake de o gatepel. Nako önanga yogatepel komaiwa ma huhutulö la yangohu.

¹⁶

¹⁷O Israeloka manyawa mahomoa mahonongaino yobö boa-boa ima toomu inoka o pajuretoka imadö doto-dotokoka manga ngöe yaribuhu o ratuhu iata.

¹⁸O Israel manyawa manga tentara gënanga yoiki manga puji mangï ika o Beteloka, de iwi leha ma Jou Madutuika, ”Ya Jou, o hoana okia tongomi mia hidogoronaino, kiani yoiki madodihiraka yaparangi o Benyamin manyawa?” Ma Jou wohaluhu, ”O Yehuda aihoana.”

¹⁹Iyarehe mangorumino önanga ima goraka de imä tau o Gibea ma kota madatekoka.

²⁰”Onanga ihi gogere toönanga manga parangi maduduono imarihimangino de o kota gënanga, daha yaparangi.

²¹Daha o Benyamin manyawa yoparangi yohupu yaparangioli de yätoma o Israeloka manga tentara o wange gënanga dika ya ribuhu monaoko de hinoto.

²²Karana youtumua gënanga, o Israel manyawa yoiki o puji matauika daha yoari ma Jouika dokengoka hiädono yohutu. ”Onanga iwi leha, ”Jou, ngomikiani mi oikoli mia parangi to ngomi mia roriadodoto o Benyamin manyawa gënanga?” Ma Jou wohaluhu, ”Iya, nioiki.” Karana gënanga o Israeloka manga nyawa yopoparangi idadi manga hininga ikuatokali, hiädono önanga yatatorokali toönanga manga duduono hokä o wange madodihiraka.

²³

²⁴Mangale mahinotoka önanga yoiki yaparangi o Benyamin manga nyawa yopö poparangi gënanga.

²⁵De mangale mahinoto okali o Benyamin manyawa gënanga yo hupu yaparangi. Mamoi nënanga önanga yätoma yaribuhu ngimoi de tufange o pajuretoka yadö doto-dotokoka o Israel manga nyawaino yopoparangi.

²⁶Daha o Israel manyawa yoikoli o Betelika de yoari ma Jouika. Dokengoka önanga yopuaha hi ädono yohutu de ihi huba manga huhuba o dame de o huhuba itö tuhu-tuhuku ma Jouika.

²⁷O öraha gënanga ma Jou Madutu Ai Jaji ma Peti naga o Beteloka, de o Pinehas o Eleazar aingohaka, o Harun ai danongo, womanarama hokä o imam. Daha o Israel manyawa yoleha ma Jouika, ”Jou, kokianingomi mioikoli mia parangi tongomi mia roriadodoto o Benyamin manyawa gënanga, ekola kokiani ngomi mia togumu o parangi nënanga?” Ma Jou wohaluhu, ”Nia parangi onanga! Iyarehe Ngohi aha tinihi döaka o utumu nginika.”

²⁸

²⁹Yoihene ma Jou Ai bobaluhu gënanga, o Israel manyawa yahi gogere manga tentara-tentara o ngï imagö gogonika o Gibea magilolitino.

³⁰Daha o wange mahangeoka önanga yaparangi o Benyamin manga nyawa yopö poparangi de yatatoro manga duduono yo himangika o Gibea hokä önanga yadodiaioka o wange ipöpaha-pahaika.

³¹O Benyamin manyawa ö yoparangi, de yanonai la yohupu okotaino. Hokä ipö paha-paha, önanga mulaenge yatoma o Israel manyawa madaera mado dararonoka o kota maporetoka ma ngekomoka yamö meta-meta o Betelika de mangekomoka yamo meta-meta o Gibeaika o Israeloka manyawa yamoruange yätoma.

³²Karana gënanga o Benyamin manyawa yato bote önanga ya hihangokali o Israel manyawa gënanga hokä mahira. Mä o Israeloka manga tentara ihi datoroka mangale ima dohuku hupaya yanonai o Benyamin manga tentara gënanga o ngekomo ma ago-agomika, yokurutika de o kota.

³³Maöraha o Israel manga duduono matiti ima dohuku, de ya tatoroli manga duduono o Baal-tamaroka, toönanga manga nyawa ya higö gogere o Gibea magilolitino, de manga hiapotoka yohupu manga ngï ino önanga imangö ngiu-ngiunika o kota madaera maporetoka.

³⁴Önanga gënanga o nyawa yairi-irikoka o Israel yongodumu manga hidogoronaka; manga ngöe yaribuhu ngimoi. Idadi o parangi kohagiria maöraha yaribuhu ngimoi manyawa gënanga yaparangi o Gibea. O Benyamin manyawa kautuö de koiwa ya tibanga itedekanoka uaoli önanga aha yohihanga.

³⁵Ma Jou wohi döaka o utumu o Israel ma nyawaika mangale o Benyamin manyawa, hiädono o wange gënanga dika o Israeloka manyawa yätoma o Benyamin manyawa manga tentara yaribuhu monaoko de motoa de yaratuhu moi.

³⁶Daha o Benyamin manyawa imamao önanga yohihangoka. O Israel manga duduono matiti de ihi hohangaja ihi oaroka manga diri o Benyamin manyawaino karana önanga yangakuoka toönanga manga nyawa manga ngï imangö ngiu-ngiunika o Gibea ma gilolitino.

³⁷O nyawa imangö ngiu-ngiunika gënanga ima tai-taiti yowohama yaparangi o Gibea; önanga ima hika barihi okiaika honanga o kota magoronaka de yätoma manyawa mata-mata genangoka.

³⁸Ma önanga kama hirahi ima ketemokoka nako naga o nofo koha birini ikuhuhulu yaka il̄e o kota mahidö dogoronail̄e,

³⁹o duduono matiti imadö dohu-dohuku kiani ima idulu de yaparangi manga haturu. O öraha gënanga o Benyamin manyawa yätomaka yamoruange o Israel manga tentara de önanga yatobote yahohihangokali o Israel manyawa hokä mahira.

⁴⁰Mä i todokanino o nofo imulaenge ikuhuhulu yaka il̄e o Gibea ma kota mahi dogoronail̄e. O Benyamin manyawa ya todokana maöraha önanga ima lega manga poretoko de yamake toönanga ma kota ingodumu youku.

⁴¹De öraha gënanga dika o Israeloka manga duduono matiti ima idulu yaparangi, hiädono o Benyamin manga tentara gënanga idadi imahi örikokaua karana önanga imamao itiai önanga aha yohihanga.

⁴²Hoʼ, önanga yoara o Israel manyawa manga himangoka yameta o tonaka mako kakaha madaeraika, mä önanga yakunua yootana. ”Onanga yahi gilolitoka o Israel manga duduono matiti mahi dogoronaka de o duduono maöraha gënanga yobö boa-boa o kotaka de yaino. O Benyamin manyawa yatagongo o hohihanga duru koha giria.

⁴³O Israel manyawa yahigiloliti de yaginïki önanga hokogenangika hiädono o ngï moika o Gibea o wange mahiwaroko. De yaginïki, önanga yätoma

⁴⁴o pajurete ima doto-dotokoka o Benyamin manga nyawa yopoparangi.

⁴⁵O Benyamin manga tentara mahomoa ima idulu daha yoara ya nonu o tonaka makokakaha madaera yameta ol̄oku o helewo o Rimonoka. Toönanga manga hidogoronaka o nyawa yaribuhu motoa yä toma o ngekomo mahi dogoronaka. Mahomoa yanïki gila-gila hiädono o Gideonika. O nyawaino gënanga naga yaribuhu hinoto yätoma.

⁴⁶Hoʼ, o Benyamin manga tentara wange gënanga yätoma naga ya ribuhu monaoko de motoa manyawa — mata-mata pajurete yonö nau-nauru.

⁴⁷Mä toönanga manga hidogoronaino yoö oa-oara ya tilakuru o tonaka makokakaha yameta o l̄oku o helewo o Rimonoka naga yootana o nyawa yaratuhu butanga. ”Onanga yogogere o Rimonoka o mede iata madekana.

⁴⁸Ipaha o Israel manyawa ima iduloli daha yaparangi de yä toma o Benyamin manyawa mahou-houohi mata-mata — o nauru, o ngoheka, o ngoha-ngohaka de o aiwaniö. O kota mata-mata o daeraoka gënanga önanga yatuhuku.