Read Tobelo O YOHANIS MAHANGEOKA 1 Bible Online

O YOHANIS MAHANGEOKA 1 - Tobelo bible

O YOHANIS MAHANGEOKA 1

¹ Riadodoto Gayus tonihohininga! Ngohi, o jemaat matutuda, igou-goungu tonidora,

²toma niata tanu Riadodoto kanototumuloa de mata-mata kaya oa-oa dede ngona, matero hokä ani jiwa kaya oa-oa dika.

³Ngohi duru tosanangi maöraha o riadodoto o Haranioka yamuruono naga yoböa deʼ ihihingahu ngohino hokokia ani setia Riadodoto ma Jou Madutu wototiai ika, hababu igoungu Riadodoto hoko genangika nowango imamoteke ma Jou Madutu ai dodötoko.

⁴Koiwa naga yakunu ihidiai ngohi iholoi tomörene, de toihene tongohi ahi ngoha-ngohaka yowango imamoteke ma Jou Madutu ai dodötoko.

⁵Ahi Riadodoto! Riadodoto hoko gënanga ani setia ani manarama ma goronaka Ria dodoto na diai oka ani dodiawo nimahiteke ho Harani okaika; ngaroka o Haranioka manyawa Riadodoto nanakouahi, Riadodoto naleleani.

⁶Onanga ihi ngahuoka o jemaatika tongomi mia ngïoka imakorona ani dora. Nariwo önanga laʼ yakunu to önanga manga dodagi ihi gila-gila deʼ de hoko gënanga ma Jou Madutu ai hininga yasanangi,

⁷hababu manga dodagi magoronaka mangale iwi leleani o Kristus, önanga yamäkeua o roriwo okia dika o nyawa iwi näko-näkoua ma Jou Madutu.

⁸Hababu gënanga, ngone o Haranioka manyawa kiani hariwo nanga dodiawo homahi teke ho Harani hoko gënanga, laʼ ngone hakunu hanïki to önanga manga hidailako magoronaka mangale ihi gerewoto o dodötoko madiai ma Jou Madutuino.

⁹Ngohi totulihoka o hurata madodipoko o jemaatika, mä o Diotrefes wonahihu wodadi o tutuda o jemaat magoronaka, woluku wohihimoteke ngohi.

¹⁰Damä nako ngohi toböa, ngohi aha takilianga hagala moi-moi wadodiaioka, enagënanga mangale o hali-o hali itotorou deʼ o tengeluku ünanga wohidemoka mangale ngomi! Mä mata-mata gënanga ingodumuahi mangale ünanga. Maöraha ünanga ai dodiawo imahiteke ho Harani gënanga yoböa, ünanga wätarimaua önanga. Kaidogoli ünanga waduhunu o nyawa yomau yatarima o roriadodoto gënanga, deʼ unanga wahuloko o nyawa gënanga yohupu o jemaatino!

¹¹Roriadodoto tinihohininga, uha nimaduru okia itotorou. Nioduru okia maoa-oa. O nyawa yodiai maoa-oa ganga toma Jou Madutu. Deʼ o nyawa yododiai o dorou iwi nako uahi ma Jou Madutu.

¹²Mata-mata o nyawa iwihigiriri o Demetrius. I goungu ma Jou Madutuö iwihigiriri. Ngomiö miwihigiriri, deʼ Riadodoto nihiöriki okia ngomi mihi ädono yakunu nia ngaku.

¹³Kaha ngöeohi iparalu ngohi totemo nginika, mä ngohi tamäo iholoi irahai ngarouha de o hurata.

¹⁴Ngohi to nganono itedekanokaua aha homakamäke dede ngini, deʼ ngone aha gila-gila homä teke ade-ade.

¹⁵Tanu ma Jou winihi barakati o Roriadodoto. Nia dodiawo tongohi ahi ngïoka nënanga ihi dingoto manga tabea nginika. Nihi adonikahi ahi tabea tongone nanga dodiawoika mata-mata moi de moi.