Read Tombulu Lukas 3 Bible Online

Lukas 3 - Tombulu bible

Lukas 3

¹In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias.

²In toro niitu, si Hanas[6] wo si Kayafas nimaéndo Walian Wangko' né tou Yahudi, a si Opo Empung numuwu'ma wia si Yohanes si oki' ni Zakharia witi kapelasan.

³A si Yohanes mangé wana péléng am wanua witi tana' rété so'so'an Yordan i mahtuzu' un téntii, “Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.”

⁴ Tanu a méipantik ni nabi Yesaya witu um Pinantik Lenas in téntii, “Wéwéhan si tou si mengéré-ngérét witi kapelasan: Imekela u lalan lampangan ni Mahpiara, terénela u lalan lampangan-Na.

⁵Péléng am pasong é matawunan, Péléng ang kentur wo ang kimeleng ém pataren. A lalan mahéngko-éngkol én terénen, wo an zéi'kan patar ém pataren.

⁶Wo péléng sé tou é milek si Opo Empung i milot sé tou im witu un ukuman wana a singkéla'.”

⁷ Lakez sé tou niméyé wia si Yohanes i mekisarani. Ang kuana wia sé tou lakez itii, “É kamu sé suzu ni ulé' melangu. Séi si kimuala wia ni kamu wo toro tumingkasé witu un upi' ni Opo Empung?

⁸ Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

⁹ Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.”

¹⁰Sé tou lakez meligau wia ni sia, “Sa téntu apa un totoz wangunen nai?”

¹¹A sia mingkotla, “Séi si wéwéhan karai zua, un esa én iwéhéla wia si zéi'kan siapa karai. Si tou wéwéhan kakanen, wéténgala sé zéi'kan siapa kakanen.”

¹² Sé menanagi am pajak kasii é niméyé i mekisarani a meligau wia ni sia, “Méster, apa u léwo'zéi' im wangunen nai?”

¹³Wingkotenala, “Tia' mahtagi lumakezé un tinotoz.”

¹⁴Sé suraro kasii é niméyé a meligau wia ni sia, “Wo ni kai, apa u léwo'zéi' im wangunen nai?” A séra wingkotenala, “Tia' mahkahat wo tia' mahkua a léwo'an né tou walina i mahééndo an zoit né tou itii. Pira uman u méiwaéré wia ni ko genangenola i niitu én toromo.”

¹⁵In toro niitu sé tou lakez é mengento-ngento' wo mahéré'la karia megena-genang, i si Yohanes Menanarani é si Mesias.

¹⁶A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun.[7] Ni Sia é sumarani ni kamu karia si Roh Lenas wo un api.[8]

¹⁷Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken witi pelélé'osan ang gandum-Na, taan péléng am pesel é la'ungen-Na witu un api zéi'kan mahpaté.”

¹⁸Téntu si Yohanes Menanarani i mahtuzu' u Nuwu' Lé'os wo mahwéhéma a sésésa walina wia sé tou lakez.

¹⁹ Taan pahpaan si kolano Herodes é sinéro'la ni Yohanes ing kinawéngnala si Herodias si mahayo ni Filipus si totoz katuarina wo a léwo'an walina am pemangu-mangunenna,

²⁰si kolano itii kasii é nimawes umanla a léwo'anna karia nimuntepa si Yohanes witi bui.

²¹Puunala si Yohanes méiuntep witi bui, ni sia é simaranimola sé tou lakez. I si Yesus sinaraninala wo karegas si Yesus mengaléi a mawukama u langit,

²² an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé, “Ni Komo si Oki'-Ku si ikararaaté-Ku, ni Ko si mahwangun un até-Ku i mahpaa-paaz.”

²³I si Yesus maayango um papaayangen-Na i mahtuzu' sé tou, ung katou-touan-Na ém woo teluna pulu' ta'uno. Kata'uan né tou i ni Sia én oki' ni Yusuf, oki' ni Eli,

²⁴oki' ni Matat, oki' ni Lewi, oki' ni Malkhi, oki' ni Yanai, oki' ni Yusuf,

²⁵oki' ni Matica, oki' ni Amos, oki' ni Nahum, oki' ni Hesli, oki' ni Nagai,

²⁶oki' ni Maat, oki' ni Matica, oki' ni Simei, oki' ni Yosekh, oki' ni Yoda,

²⁷oki' ni Yohanan, oki' ni Resa, oki' ni Zerubabel, oki' ni Sealtiel, oki' ni Neri,

²⁸oki' ni Malkhi, oki' ni Adi, oki' ni Kosam, oki' ni Elmadam, oki' ni Er,

²⁹oki' ni Yesua, oki' ni Eliezer, oki' ni Yorim, oki' ni Matat, oki' ni Lewi,

³⁰oki' ni Simeon, oki' ni Yehuda, oki' ni Yusuf, oki' ni Yonam, oki' ni Elyakim,

³¹oki' ni Melea, oki' ni Mina, oki' ni Matata, oki' ni Natan, oki' ni Daud,

³²oki' ni Isai, oki' ni Obed, oki' ni Boas, oki' ni Salmon, oki' ni Nahason,

³³oki' ni Aminadab, oki' ni Admin, oki' ni Arni, oki' ni Hezron, oki' ni Peres, oki' ni Yehuda,

³⁴oki' ni Yakub, oki' ni Ishak, oki' ni Abraham, oki' ni Terah, oki' ni Nahor,

³⁵oki' ni Serug, oki' ni Rehu, oki' ni Peleg, oki' ni Eber, oki' ni Salmon,

³⁶oki' ni Kenan, oki' ni Arpakhsad, oki' ni Sem, oki' ni Nuh, oki' ni Lamekh,

³⁷oki' ni Metusalah, oki' ni Henokh, oki' ni Yared, oki' ni Mahalaleel, oki' ni Kenan,

³⁸oki' ni Enos, oki' ni Set, oki' ni Adam, oki' ni Opo Empung.