Read Tombulu Wahyu 1 Bible Online

Wahyu 1 - Tombulu bible

Wahyu 1

¹A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

²Si Yohanes é mahkua péléng a niilek wo an tinalingana tumoro a Nuwu' ni Opo Empung wo péléng a mémoipapailek ni Yesus Kristus, a niileknamo.

³Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

⁴ Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

⁵ wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

⁶ wo nimangun ni kita i maéndo tou-Na witi Kakolanoan-Na, wo kasii maéndo walian mahpaayang wia si Opo Empung, si Ama'-Na. Wia ni Sia u lolooz wo u sisigi'an wo ung kawasa makaz ing kauré-uré. Amin.

⁷ Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

⁸ Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

⁹Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

¹⁰Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

¹¹Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

¹²Kaitalingamé un zani itii, a ni aku luméngéma muri i mahiilek séi si mahnuwu'mé wia ni aku. Kailéngékuma, an ilekengkuma am pitu pahto'tolan solo a mas am wangunen, méipenoo-nooz.

¹³ Wo witu un unez am pahto'tolan a solo itii ém wéwéhan si tou rimendai, tanumokan si Oki' ni Tou. Ni Sia éng kimarai ung karai tonton, ung kalambo'na é nimakaz witu un tu'miz-Na, wo um wezwez-Na é rinikezan um pahsaléléng u mas am wangunen.

¹⁴ Un ulu wo am wuuk-Na én totoz kulo' tanumokan um wuuk ni domba wo tanumokan kakulo' u salju. Wo um weren-Na én tanumokan u layasna un api.

¹⁵ Un a'é-Na é meto-petot tanumokan petotna un tambaga méiluleng witu un api. Un zani u Nuwu'-Na é rimez tanumokan un enderna un tapahan.

¹⁶U lengen-Na kakan én timion sé pitu tototi'en, wo witu u sumah-Na é nimondolé um pisou tewel zua masaru. Ung gio-Na é mahsena' tanumokan u sena' ni endo ing karentu-rentungna.

¹⁷ I ni aku nimileka ni Sia, a ni aku ikakepama witu rété un a'é-Na, tanumokan sé nimatémo, taan ni Sia é zimeta'mé u lengen-Na kakan wia ni aku, ang kumua, “Tia'mo maindé'! Ni Akumo Si Kataré-taré wo Si Kamurian,

¹⁸wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

¹⁹Niitumo, ipantikmula péléng a niilekmu, a nimamuali in tarékan wo a mamuali i mahmurimé.

²⁰Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”