Read gitonga Chiyambo 36 Bible Online

Chiyambo 36 - gitonga bible

Chiyambo 36

¹Izi ndizu mphapu zaku Esau (yo ndi Edomu).

²Esau wanguto ŵawoli ŵake ku ŵaKanani: Ada mwana munthukazi waku Eloni muHiti, Oholibama mwana munthukazi waku Ana mwana munthurumi waku Zibeoni muHivi,

³ndi Basemata mwana munthukazi waku Yishumaele, mzichi waku Nebaiote.

⁴Ndipo Ada wangupapiya Esau Elifazi; Basemata wangupapa Ruele;

⁵ndipo Oholibama wangupapa Yeusu, Yalama ndi Kora. Yaŵa mbana ŵanthurumi ŵaku Esau ŵeniwo ŵangupapika kwaku iyo mu charu cha Kanani.

⁶Sono Esau wanguto ŵawoli ŵake, ŵana ŵake ŵanthurumi ŵana ŵake ŵanthukazi ndi ŵamu nyumba ŵake wose, ng'ombe zake, ndi nyama zake zose, ndi vinthu vyake vyose vyo wangusaniya mu charu cha Kanani; ndi wanguruta ku charu cha kutali ndi mhurwa wake Yakobe.

⁷Pakuti usambasi wawo wenga unandi ukongwa kuti ŵanguziŵa cha kuja pamoza; charu chawo chakujamu kuti chinguziŵa kuŵakwana cha chifukwa cha ng'ombe zawo.

⁸Viyo Esau wanguja mu charu cha mapiri gha Seiri, Esau ndiyo Edomu.

⁹Izi ndizu mphapu zaku Esau uskeu wa ŵaEdomu mu charu cha mapiri gha Seiri.

¹⁰Yagha ndi mazina gha ŵana ŵanthurumi ŵaku Esau: Elifaza mwana munthurumi waku Ada muwoli waku Esau, Ruele mwana munthurumi waku Basemata muwoli waku Esau.

¹¹Ŵana ŵanthurumi ŵaku Elifaza ŵenga Temani, Omara, Zepo, Gatama, ndi Kenaza.

¹²(Timina wenga chidandanu chaku Elifaza, mwana munthurumi waku Esau; wangupapa Amaleke kwaku Elifaza.) Yaŵa ndiwo ŵana ŵanthurumi ŵaku Ada, muwoli waku Esau.

¹³Yaŵa mbana ŵanthurumi ŵaku Ruele: Nahata, Zera, Shama, ndi Miza. Yaŵa mbana ŵanthurumi ŵaku Basemata, muwoli waku Esau.

¹⁴Yaŵa mbana ŵanthurumi ŵaku Oholibama mwana munthukazi waku Ana mwana munthurumi waku Zibeoni, muwoli waku Esau: wangupapa kwaku Esau Yeusu, Yalama ndi Kora.

¹⁵Yaŵa ndiwo ŵenga vinkhara vya ŵana ŵanthurumi ŵaku Esau. Ŵana ŵanthurumi ŵaku Elifaza waumwali waku Esau: vinkhara Temana, Omara, Zepo, Kenaza,

¹⁶Gatama, ndi Amaleke; yaŵa ndi vinkhara vyaku Elifaza mu charu cha Edomu; mbana ŵanthurumi ŵaku Ada.

¹⁷Yaŵa mbana ŵanthurumi ŵaku Ruele mwana munthurumi waku Esau: vinkhara Nahata, Zera, Shama, ndi Miza; yaŵa vinkhara vyaku Ruele mu charu cha Edomu; mbana ŵanthurumi ŵaku Basemata, muwoli waku Esau.

¹⁸Yaŵa mbana ŵanthurumi ŵaku Oholibama mwana munthukazi waku Ana, muwoli ŵaku Esau.

¹⁹Yaŵa mbana ŵanthurumi ŵaku Esau (yo ndi Edomu), ndipo yaŵa ndiwo vinkhara vyawo.

²⁰Yaŵa ndi ŵana ŵanthurumi ŵaku Seiri muHoriti, wakuja mu charu cho:

²¹Lotana, Shobala, Zibeoni, Ana, Dishoni, Ezere, ndi Dishana; yaŵa ndiwo vinkhara vya ŵaHoriti, ŵana ŵanthurumi ŵaku Seiri mu charu cha Edomu.

²²Ŵana ŵanthurumi ŵaku Lotana wenga: Hori ndi Hemana; ndipo mzichi waku Lotana wenga Timana.

²³Yaŵa mbana ŵanthurumi ŵaku Shobala: Alvana, Manahati, Ebala, Shefo, ndi Onama.

²⁴Yaŵa mbana ŵanthurumi ŵaku Zibeoni: Aiya ndi Ana; uyo ndi Ana mweniyo wangubowozga maji ghakubwibwituka ghakufunda mu bozwa, po waliskanga mbunda zaku Zibeoni wiske.

²⁵Yaŵa mbana ŵaku Ana: Dishoni ndi Oholibama mwana munthukazi waku Ana.

²⁶Yaŵa mbana ŵanthurumi ŵaku Dishoni: Hamdana, Eshabana, Yitarana, ndi Kerana.

²⁷Yaŵa mbana ŵanthurumi ŵaku Ezere: Bilhana; Zavana, ndi Akana.

²⁸Yaŵa mbana ŵanthurumi ŵaku Dishana: Uzi ndi Orana.

²⁹Yaŵa ndi vinkhara vya ŵaHoriti: Vinkhara Lotana, Shobala, Zibeoni, Ana

³⁰Dishoni, Ezere, ndi Dishana; yaŵa ndivinkhara vya ŵaHoriti kwakulingana ndi mafuko ghawo mu charu cha Seiri.

³¹Yaŵa mbakaronga ŵeniwo ŵanguwusa mu charu cha Edomu, pakudanga wenga wandausepo karonga nanga njumoza pa ŵaYisraele.

³²Bela mwana munthurumi waku Beori wanguwusa mu Edomu, zina la msumba wake lenga Dihaba.

³³Bela wangufwa, ndipo Yobabu mwana munthurumi waku Zera waku Bozra wanguwasa mu malo ghake.

³⁴Yobabu wangufwa, ndipo Hushama wamu charu cha ŵaTemani wanguwusa mu malo ghake.

³⁵Hushama wangufwa, ndipo Hadada mwana munthurumi waku Bedada, yo wanguthereska ŵaMidiani mu charu chaku Moabu, wanguwusa mu malo ghake, zina la msumba wake wenga Aviti.

³⁶Hadada wangufwa, ndipo Samala waku Masareke wanguwusa mu malo ghake.

³⁷Samala wangufwa, ndipo Shaulu waku Rehoboti pa Efrate wanguwusa mu malo ghake.

³⁸Shaulu wangufwa, ndipo Balahamana mwana waku Akboro wanguwusa mu malo ghake.

³⁹Balahamana mwana waku Akboro wangufwa, ndipo Hodara wanguwusa mu malo ghake, zina la msumba lichiŵa Pau; zina la muwoli wake lenga Mehetabele, mwana munthukazi waku Matrede, mwana munthukazi waku Mezahaba.

⁴⁰Yagha ndi mazina gha vinkhara vyaku Esau, kwakulingana ndi nyumba zawo ndi malo ghawo ghakujamo, mwa mazina ghawo: Vinkhara Timina, Alva, Yethete,

⁴¹Oholibama, Ela, Pinono,

⁴²Kenazi, Temana, Milzara,

⁴³Magdiele, ndi Irana; ivi vinkhara vya Edomu (yo ndi Esau, wiske waku Edomu), kwakulingana ndi malo ghawo ghakujamo mu charu cha chihara chawo.