Read gitonga 1 Mikoka 9 Bible Online

1 Mikoka 9 - gitonga bible

1 Mikoka 9

¹Viyo ŵaYisraele ŵangulembeka mu kaŵiro kawo, ndipo ŵakulembeka mu Buku la ŵaKaronga ŵaku Yisraele. Ndipo Yuda wanguyoreke ku umkoli mu Babiloni chifukwa chakuwura kugomezgeka kwawo.

²Ndipo wakudanga kuja so mu vihara vyawo vya misumba yawo ŵenga ŵaYisraele, ŵazukuru, ŵaLevi, ndi ŵateŵeti ŵa kasopi.

³Ŵanyake ŵaku Yuda, Benjamini, Efraimu, ndi Manase ŵanguja mu Yerusalemu:

⁴Utai mwana waku Amihudu, mwana waku Omri, mwana waku Imri, mwana waku Bani, mu ŵana ŵaku Perezi mwana waku Yuda.

⁵Ndipo ku ŵaku Shiloni, Asaya waumwali ndi ŵana ŵake.

⁶Ku ŵana ŵaku Zera: Yeuli ndi ŵabali ŵawo, machumi pe chumi ghankhonde ndi limoza pachanya machumi ghankhonde ndi ghanayi (690).

⁷Ŵaku Benjamini: Salu mwana waku Meshulama; mwana waku Hodaviya, mwana waku Haseniya.

⁸Ibneya mwana waku Yerohamu, Elamu mwana waku Uzi, mwana waku Mikiri, ndi Meshulamu mwana waku Shefatiya, mwana waku Reuli, mwana waku Ibniya;

⁹ndi ŵabali ŵawo kwakulingana ndi kawiro kawo, machumi pe chumi ghankhonde ndi ghanayi pachanya machumi ghankhonde ndi ŵankhonde ndi yumoza (956). Yaŵa ŵenga mitu ya nyumba za auskeu kwakulingana ndi mkoka wawo.

¹⁰Ku ŵazukuru: Jedaya, Yeroyaribu, Yakini,

¹¹ndi Azariya mwana waku Hilkiya, mwanawaku Meshulamu, mwana waku Zadoki, mwana waku Merayoti, mwana waku Ahitubu, nduna yira ya nyumba yaku Chiuta;

¹²ndi Adaya mwana waku Yerohamu, mwana waku Pashuru, mwana waku Malkiya, ndi Masayi mwana waku Adieli, mwana waku Yazera, mwana waku Meshulamu, mwana waku Meshilemiti, mwana waku Imeri;

¹³pamoza ndi ŵabali ŵawo, mitu ya nyumba za auskeu, chikwi chimoza, machumi pe chumi ghankhonde ndi ghaŵi, pachanya machumi ghankhonde ndi limoza (1,760), ŵanthu ŵanthazi pa nchitu yamu nyumba yaku Chiuta.

¹⁴Ku ŵaLevi: Shemaya mwana waku Hasubu, mwana waku Azrikamu, mwana waku Hashabiya, mwana waku Merari;

¹⁵ndi Bakibakara, Hereshe, Gala, ndi Mataniya mwana waku Mika, mwana waku Zikri, mwana waku Asafi;

¹⁶ndi Obadiya mwana waku Shemaya, mwana waku Gala, mwana waku Yedutuni, ndi Berekiya mwana waku Asa, mwana waku Elkana, yo wajanga mu mizi yaku Netofati.

¹⁷Ŵakulinda pa malikomo ŵenga: Shalumu, Akubu, Talimoni, Ahimani, ndi ŵabali ŵawo (Shalumu ndiyo wenga nduna yira),

¹⁸ŵajanga pa likomo la karonga kuchiri ku vuma. Yaŵa ŵenga ŵalinda ŵa malikomo gha misasa ya ŵaLevi.

¹⁹Shalumu mwana waku Kora, mwana waku Ebiasafu, mwana waku Kora, ndi ŵabali ŵake ŵa nyumba ya awiske, ŵina Kora, ndiwo ŵenga ŵakulereska nchitu ya uteŵeti, ŵalinda ŵa malikomo gha hema, nge ndimo auskeu ŵanguŵiya ŵakulereska msasa wa Ambuya, ŵakusunga mwakuserere.

²⁰Ndipo Finihasi mwana waku Eleazara ndiyo pa nyengo yakudanga wenga wakuŵalanguliya, Ambuya anguwa nayo.

²¹Zekariya mwana waku Meshelemiya wenga wakusunga likomo la pakuserere pa chihema chakuwunganamo.

²²Wose yaŵa ŵangusankhikiya ku mlimu wakulinda malikomo, ŵenga machumi pe chumi ghaŵi pachanya chumi limoza ndi ŵaŵi (212). Ŵangulembeka kwakulingana ndi kaŵiro kawo mu mizi yawo. Davidi ndi Samuele muwona ŵanguŵakhozga pa kutuliya ku uteŵeti wawa.

²³Viyo iwo pamoza ndi ŵana ŵawo ndiwo ŵenga ŵakulereska malikomo gha nyumba ya Ambuya, yo yenga nyumba ya chihema, nge mbakusunga.

²⁴Ŵakusunga malikomo ŵenga panayi, ku vuma, ku nkhonde, ndi ku malaŵi;

²⁵ndipo ŵabali ŵawo wo ŵenga mu mizi yawo ŵazanga pa umari wa mazuŵa ghankhonde ndi ghaŵi kuzachiŵa nawo, nyengo ndi nyengo;

²⁶pakuti fumu zinayi za ŵalinda malikomo, wo ŵenga ŵaLevi ŵenga ŵakusunga vipinda ndi vyakusungiyamo chumi cha nyumba yaku Chiuta.

²⁷Ndipo ŵagonanga kwakuzunguliya nyumba yaku Chiuta, ndipo pakuti nchitu ya ulinda yinguŵikika paku iwo, ndiwo ŵenga ndi mazaza ghakuyijura mlenji ndi mlenji.

²⁸Ŵanyake ŵaku iwo ŵangutemeke uteŵeti wakusunga vyakuteŵete, ŵaviŵerenganga pa kuvituzga ndipo ŵaviŵerenganga pakuviserezga.

²⁹Ŵanyake ŵaku iwo ŵangusankhikiya kulereska pa vyakupanga ndi pa viyaŵi vyose vyakupaturika, ndi pa ufwa wamampha, vinyo, mafuta, vyakusunkhizgiya, ndi vyachema.

³⁰Ŵanyake, ŵa ŵana ŵa ŵazukuru ŵenga ŵakusanganizga vya chema,

³¹ndipo Matitiya, yumoza wa ŵaLevi, mwana wakudanga waku Shalumu mu Kora, wenga wakulereska ŵakubika makeki ghakupapata.

³²Ndipo so ŵanyake ŵa wabali ŵawo ŵaKohati ŵenga ŵakulereska mlimu wa chiŵande chakupaturika, kuchinozga sabata ndi sabata.

³³Ŵakumba ndi yaŵa, mitu ya nyumba za auskeu ŵa ŵaLevi, ŵajanga mu vipinda vya kasopi, ŵangufwatulika ku nchitu zinyake pakuti ŵatewetanga msana ndi usiku.

³⁴Yaŵa ŵenga mitu ya nyumba za auskeu ŵa ŵaLevi, kwakulingana ndi kawi kawo, ŵarongozgi wo ŵajanga mu Yerusalemu.

³⁵Mu Gibeoni mwajanga wiske waku Gibeoni, Yeili, zina la muwoli wake lenga Maka.

³⁶Ndipo mwana wake waumwali Abadoni ndi Zuru, Kishi, Bala, Neri, nadabu,

³⁷Gedoro, Ahio, Zekariya, ndi Mikloti;

³⁸Mikloti wenga wiske waku Shimeamu; yaŵa nawo ŵanguzenga kwa kuthyana ndi ŵabali ŵawo mu Yerusalemu, ŵana ŵanyawo.

³⁹Neri wenga wiske waku Kishi, waku Sauli, Sauli waku Jonafani, Malkishua, Abnadabu, ndi Eshibala;

⁴⁰ndipo mwana waku Jonafani wenga Meribala; Meribala wenga wiske waku Mika.

⁴¹Ŵana ŵaku Mika: Pitoni, Meleke, Taharea, ndi Ahazi;

⁴²Ahazi wenga wiske waku Jara waku Alemeti, Azmaveti ndi Zimri; ndipo Zimri wenga wiske waku Moza.

⁴³Moza wenga wiske waku Bineya; Refaya wenga mwana wake, Eleasa mwana wake, Azelu mwana wake.

⁴⁴Azelu wenga ndi ŵana ŵankhonde ndi yumoza mazina ghawo ndi yagha: Azrikamu, Bokeru, Ishmaeli, Sheariya, Obadiya ndi Hanani; yaŵa ŵenga ŵana ŵaku Azelu.