Read gitonga Nehemiya 12 Bible Online

Nehemiya 12 - gitonga bible

Nehemiya 12

¹Yaŵa ndiwo ŵazukuru ndi ŵaLevi ŵeniwo ŵanguza ndi Zerubabele mwana waku Shelatieli, ndi Yeshua: Seraya, Yeremiya, Ezra,

²Amariya, Maluku, Hatushu,

³Shekania, Rehumu, Meremoto,

⁴Ido, Ginetoi, Abija,

⁵Mijamini, Madia, Bilga,

⁶Shemaya, Joiribi, Yedaya,

⁷Salu, Amoko, Hilkia, Yedaya. Yaŵa ŵenga ŵaraŵara ŵa ŵazukuru ndi ŵa ŵabali ŵawo mu mazuŵa ghaku Yeshua.

⁸Ndipo ŵaLevi: Yeshua, Binui, Kadmieli, Sherebia, Yuda, ndi Matania, mweniyo pamoza ndi ŵabali ŵake ŵenga ŵakutufuliya zisumu zakuwonge.

⁹Ndipo Bakukiya ndi Uno ŵabali ŵawo ŵanguma kwakuthoŵezgana nawo mu chisopa.

¹⁰Ndipo Yeshua wenga wiske waku Yoiyakimu, Yoiyakimu wiske waku Eliyashibu, Eliyashibu wiske waku Yoiyada,

¹¹Yoiyada wiske waku Jonafani, wiske waku Yadua.

¹²Ndipo mazuŵa ghaku Yoiyakimu ŵenga ŵazukuru, mitu ya nyumba za auskeu: ŵaku Seraya, Meraya; ŵaku Yeremiya, Hananiya;

¹³ŵaku Ezra, Meshulama; ŵaku Amaria, Yehohanani;

¹⁴ŵaku Maluchi, Jonafani; ŵaku Shebania, Yosefe;

¹⁵ŵaku Harimi, Adana; ŵaku Meraioti, Halkai;

¹⁶ŵaku Ido, Zekariya; ŵaku Ginetoni, Meshulama;

¹⁷ŵaku Abija, Zikri; ŵaku Miniamini, ŵakuMoadia, Piltai;

¹⁸ŵaku Bilga, Shamau; ŵaku Shemaya, Yehonatani;

¹⁹ŵaku Joiribi, Matenai; ŵaku Yedaya, Uzi;

²⁰ŵaku Salai, Kalai, ŵaku Amoko, Ebere;

²¹ŵaku Hilkia, Hashabia; ŵaku Yedaya, Netanele.

²²Nge nkhu ŵaLevi, mu mazuŵa ghaku Eliyashibu, Yoiyada, Yehohanani ndi Yadua, ŵengapo ŵakulembeka mitu ya nyumba za auskeu; ndi so ŵazukuru kwachifika ku kuwusa kwaku Dariusi muPerese.

²³Ŵana ŵanthurumi ŵaku Levi, mitu ya nyumba za auskeu, ŵangulembeka mu Buku la Chikumbusku kwachifika ku mazuŵa ghaku Jonafani mwana Eliyashibu,

²⁴ndi ŵaraŵara ŵa ŵaLevi: Hashabia, Sherebia, ndi Yeshua mwana waku Kadmiele, pamoza ndi ŵabali ŵawo ŵakuŵa ndimtufu paku wo, kutumbika ndi kupaska, kuwonga, kwakuyana ndi langulu laku Davidi munthu waku Chiuta kulondana yaŵa pa ŵanyawo.

²⁵Mataniya Bakabukiya, Obadia, Meshulama, Talamoni ndi Akubu ŵenga ŵasungi malikomo ŵakulonda pa nyumba za mbiku za malikomo.

²⁶Yaŵa ŵengako mu mazuŵa ghaku Yoiyakimu mwana waku Yeshua mwana waku Yozadaki, ndi mu mazuŵa ghaku Nehemiya mweruzgu mura ndi ghaku Ezra mzukuru ndi mlembi.

²⁷Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.

²⁸Ndipo ŵana ŵanthurumi ŵa ŵakumba ŵanguwungana pamoza kutuwa kwakuzunguliya Yerusalemu ndi kutuwa ku mizi ya ŵaNetopati;

²⁹Ndiso kutuwa ku Betgilgala ndi ku chigaŵa cha Geba ndi Azmaveti; pakuti ŵakumba ŵangujizenge mizi yawo kwakuzunguliya Yerusalemu.

³⁰Ndipo ŵazukuru ndi ŵaLevi ŵangujiphoto; ndi ŵanguphoto ŵanthu ndi malikomo ndi linga lo.

³¹Sono ndinguza ndi ŵanangwa ŵaku Yuda pachanya pa linga, ndi ndingumika mipingu yikuru-yikuru yiŵi yeniyo yinguwonga ndipo ŵangwenda kwakundanda. Umoza unguya ku marghe pachanya pa linga ku Likomo la Urongo;

³²ndipo kuvuli kwawo kunguza Hosheya ndi chigaŵa chimoza cha unandi wa ŵanangwa ŵaku Yuda,

³³ndi Azaria, Ezra, Meshulama,

³⁴Yuda, Benjamini, Shemaya, ndi Yeremiya;

³⁵ndi ŵanyake ŵa ŵana ŵanthurumi ŵa ŵazukuru ndi malipenga: Zekariya mwana waku Jonafani, mwana waku Shemaya, mwana waku Matania, mwana waku Mikaya, mwana waku Zakuru, mwana waku Asafi;

³⁶ndi ŵabali ŵake Shemaya, Azarele, Milalai, Gilalai, Mai, Netaneli, Yuda ndi Hanani, ndi vyakumbiya vyaku Davidi munthu waku Chiuta; ndi Ezra mlembi ŵangwenda paurongo pawo.

³⁷Pa likomo la chisima ŵanguruta kwakudunjika paurongo pawo pa makwerero gha msumba waku Davidi, pakwerero la linga, pachanya pa nyumba yaku Davidi, kuya ku Likomo la Maji kuchiri ku vuma.

³⁸Mpingu unyake waku ŵeniwo ŵanguchita viwongo unguruta ku maze, ndipo ine ndinguŵalondo ndi ŵanthu ŵamanavi, pachanya palinga pa sonjo wa vyakochamo kuya ku Linga Lisani,

³⁹ndi pachanya pa Likomo laku Efraimu ndi kwachidumuwa pa Likomo Lakale, ndi pa Likomo la Somba ndi Sonjo waku Hananele ndi Sonjo wa Machumi pe chumi kuya ku Likomo la Mberere; ndipo ŵanguma pa Likomo la Ulonda.

⁴⁰Viyo mipingu yose yiŵi yaku wo ŵanguchita viwongo yinguma mu nyumba yaku Chiuta; ndi ine ndi ŵanyake ŵamanavi ŵamazaza pamoza nane;

⁴¹ndi ŵazukuru: Eliakimu, Maseiya. Miniamini. Mikaiya. Elionai. Zekariya ndi Hananiya pamoza ndi malipenga;

⁴²ndipo Maseiya, Shemaya, Eliezara, Uzi, Yehohanani, Malkija, Elama, ndi Ezere, ndipo ŵakumba ŵangumba pamoza ndi Yezrahia pakuŵa iyo murongozgi wawo.

⁴³Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.

⁴⁴Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

⁴⁵Ndipo ŵangufiska uteŵeti waku Chiuta wawo ndi uteŵeti wa chiphoto uli ndimo ŵanguchitiya ŵakumba ndi ŵasungi malikomo, kwakuyana ndi langulu laku Davidi ndi mwana wake munthurumi Solomoni.

⁴⁶Pakuti mu mazuŵa ghaku Davidi ndi Asafi wakale wengapo mura wa ŵakumba, ndipo zengapo sumu zakutumbikiya ndi zakuwonge kwaku Chiuta.

⁴⁷Ndipo ŵaYisraele wose mu mazuŵa ghaku Zerubabele ndi mu mazuŵa ghaku Nehemiya ŵangupaska vigaŵa vya zuŵa vya ŵakumba ndi ŵasungi-malikomo; ndipo ŵangupaturiya pade payija vya ŵaLevi; ndipo ŵaLevi ŵangupaturiya pade payija vyo vyenga vya ŵana ŵaku Aroni.