Read gitonga Jobu 17 Bible Online

Jobu 17 - gitonga bible

Jobu 17

¹Mzimu wangu wamara, mazuŵa ghangu ghafupiskika, muunda wandinozgeke.

²Kwakuneneska ŵaliko ŵakundiwoya, ndipo jiso langu liwona kasosomoledu kawo.

³“Muŵike chikoli pakati paku ine ndi imwe, ndiyani yo waliko yo wangapangana nani kundilipiriya?

⁴Pakuti mwajara mtima wawo ku vinjeru, chifukwa ichi kuti mukaŵakuzganga cha.

⁵Yo wapereka ŵanasi ŵake kuuŵanda mwakuti wahare vinthu vyawo, maso gha ŵana ŵake ghatondekenge.

⁶“Wandisanduska nge ndi mazu ghawaka gha ŵanthu ndipo ndenge ndi munthu yo ŵatumufunyiya mata ku chisku chake.

⁷Jiso langu lachita mdima chifukwa cha chitima ndipo viŵaro vyangu vyose vyenge ndi chiduduzi.

⁸Ŵakunyoroka ŵazizwa ukongwa ndi ichi, wambura chifukwa wajiyuska kumikana ndi ŵanthu wo ŵapata Chiuta.

⁹Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

¹⁰Kweni imwe muzi so mose, ndipo kuti ndikasaniyanga wazeru cha mukati mwinu.

¹¹Mazuŵa ghangu ghajumpha, ndipo fundu zangu zasweka, makhumbu gha mtima wangu.

¹²Ŵasintha usiku kuŵa msana; ŵatiti, kungweruka kukozgana ndi mdima.

¹³Asani ndirindizga muunda kuŵa nyumba yangu, asani nditandika chita changu mu mdima,

¹⁴asani ndititi ku zenje, ‘Ndimwe ada,’ ndipo ku chiungu ndititi, ‘Ama,’ pa mwenga ‘Mzichi wangu,’

¹⁵nanga chigomezgu changu chepani nanga? Ndiyani wakawonanga chigomezgu changu?

¹⁶Kumbi chisikiyenge ku mpiringizgu wa muunda? Kumbi tose tikasikiyanga pamoza ku fuvu?”