Read gitonga Sumu 111 Bible Online

Sumu 111 - gitonga bible

Sumu 111

¹Rumbani Ambuya! Ndiwongenge Ambuya ndi mtima wangu wose, mu ungano wa ŵanthu ŵawo.

²Zikuru nchitu za Ambuya, zisandika ndi wose wo ŵakondwere mwaku zo.

³Zazaza ulemu ndi utozi nchitu zawo, ndipo urunji wawo ngwa muyaya.

⁴Ambuya kuti akhumba cha kuti ifwe tiruwenge nchitu zawo zakuziziswa; mba wezi ndi lisungu Ambuya.

⁵Apaska kurgha ku ŵakuŵawopa iwo; phanganu lawo kuti akaruwanga cha.

⁶Arongo mazaza ghawo ku ŵanthu ŵawo, pa kuŵapaska vyaru vya ŵalendo.

⁷Mwaku vyose vyo achita mbakongorekwa ndi ŵarunji; marangu ghawo ghose ngamagomekezgeka.

⁸Ngakujaririya muyaya; ghangupaskika mu uneneska ndi urunji.

⁹Angupaska uwombozi ku khamu lawo, ndi kupangana nawo phanganu la muyaya. Mtuŵa ndi wanthazi ndiyo!

¹⁰Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.