Read gitonga Sumu 116 Bible Online

Sumu 116 - gitonga bible

Sumu 116

¹Nditanja Ambuya, chifukwa atindivwa; ategherezga ku kuromba kwangu.

²Ategherezga kwangu nyengo yose yo ndidaniya kwaku iwo.

³Yingudizinga mikoŵa ya nyifwa, maurwirwi gha muunda ghangundikwetere; ndinguzazika mantha ndi chitima.

⁴Sono ndingudana ku Ambuya, “Chondi, Ambuya, nditaskeni!”

⁵Ambuya mbamampha ndi ŵalisungu likuru; Chiuta widu ngwa chitima.

⁶Ambuya avikiriya akusauka; po ndenga mu urwani, angundipozomoska.

⁷Wa mzimu wangu, uwere ku chipumulu chako; chifukwa Ambuya aŵa amampha kwangu.

⁸Ambuya anditaska ku nyifwa; akanizga masozi ghangu andisunga ku kuthereskeka.

⁹Ndi viyo nditenda paurongo pa Ambuya mu charu cha ŵamoyo.

¹⁰Ndenga ndi chigomekezgu mbwenu, nanga ndipenipo ndakambanga kuti, “Ine ndabwangandukiya limu.”

¹¹Inya, nanga ndi penipo ndenga wamantha, ndakambanga kuti, “Ŵanthu ŵalivi magomezgeka.”

¹²Nchine cho ndiwezgeyenge Ambuya pa, vyamampha vyawo vyose paku ine?

¹³Jomera la utaski nditonge, ndipo zina la Ambuya ndidanenge.

¹⁴Marapu ghangu ku Ambuya ndifiskenge, pa maso pa khamu lawo lose.

¹⁵Yizirwa mu maso gha Ambuya nyifwa ya ŵatuŵa ŵawo.

¹⁶Ambuya mwe, ndine mteŵeti winu, nditeŵete imwe, nge ndimo ama anguchitiya. Mwandijarika muwanangwa.

¹⁷Ndiperekenge kwaku imwe sembe za kuwonga, ndipo zina la Ambuya ndidanenge.

¹⁸Marapu ghangu ku Ambuya ndifiskenge inya paurongo pa khamu lawo lose,

¹⁹mu maluluwa gha nyumba ya Ambuya mukati mwako, wa Yerusalemu. Rumbani Ambuya.