Read gitonga Sumu 135 Bible Online

Sumu 135 - gitonga bible

Sumu 135

¹Sumu ya kurumba Rumbani Ambuya! Rumbani zina la Ambuya, perekani marumbu mwa ŵateŵeti ŵa Ambuya,

²imwe mutuma mu nyumba ya Ambuya, mu maluluwa gha nyumba yaku Chiuta widu!

³Rumbani Ambuya, chifukwa mbamampha; mbiyani marumbu ku zina lawo, chifukwa mba ulemu,

⁴Ambuya akujisankhiya Yakobe, ŵaYisraele kuŵa chihara chawo.

⁵Ndiziŵa kuti mabakuru Ambuya; mbakuru kwakuruska ŵachita wose.

⁶Ambuya achita chose cho akhumba, kuchanyandi pa charu chapasi, mu zinyanja ndi mu zindimba viyo.

⁷Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

⁸Mu Egipiti angubaya ŵa umwali wose, wose ŵa ŵanthu ndi ŵa nyama.

⁹Kwenikuwa anguchita minthondwi ndi vyakuziziswa kumulanga Farao ndi nduna zake zose.

¹⁰Anguparghang'a mitundu yinandi, ndikubaya ŵakaronga ŵa mazaza:

¹¹Sihoni, karonga wa Amori, Ogo, karonga waku Bashani, ndi maufumu ghose mu Kanani.

¹²Angupereka charu chawo kuŵa chihara, chihara ku ŵanthu ŵawo ŵa Yisraele.

¹³Ambuya, nyengo yose ŵanthu ŵakaziŵanga kuti ndimwe Chiuta; migonezi yose yikakumbukanga imwe.

¹⁴Ambuya akachitiyanga lisungu ŵanthu ŵawo; ajarikenge ŵaŵanda ŵawo muwanangwa.

¹⁵Ŵangoza ŵamitundu ndi siliva ndi golide; nchitu ya manja gha ŵanthu.

¹⁶Milomo ŵe nayo, kweni kuti ŵarongoro cha, maso ŵenagho kweni kuti ŵalereska cha;

¹⁷makutu ŵenagho, kweni kuti ŵatuvwa cha, muvuchi mulivi mu milomo yawo.

¹⁸Wose ŵakuŵapanga ndi ŵakugomekezga mwaku wo, ŵaŵe nge mbangoza wo ŵapanga!

¹⁹Rumbani Ambuya, mwa ŵaYisraele; murumbeni, mwa ŵazukuru ŵaku Chiuta!

²⁰Rumbani Ambuya, mwa ŵaLevi mwe; arumbeni, mose mwa ŵakuŵawopa!

²¹Rumbani Ambuya mu Zioni, mu Yerusalemu muzi wawo. Rumbani Ambuya!