Read gitonga Sumu 146 Bible Online

Sumu 146 - gitonga bible

Sumu 146

¹Rumbani Ambuya! Rumbanga Ambuya, wa mzimu wangu!

²Ndirumbenge Ambuya ndichiŵa wamoyo; mu umoyo wangu wose ndimbiyenge Chiuta wangu.

³Rekani kugomekezga mu ŵarongozgi ŵa ŵanthu, pamwenga mu mwana wa munthu yo mwake mulivi chovyo.

⁴Asani mwake mvuchi watuwa wawere ku dongo; pa zuŵa leniliya maghanaghano ghake ghose ghagota.

⁵Wa mwaŵi ndi munthu mweniyo chovyo chake che mwaku Chiuta waku Yakobe, wakuthamiya mu Ambuya Chiuta wake.

⁶Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

⁷wateruzga umampha ŵakusuzgika ndipo wapaska kurgha ku ŵanja. Ambuya afwatuwa ŵakumangika.

⁸Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

⁹Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

¹⁰Ambuya akausanga muyaya! Chiuta wako, Zioni we, ku migonezi yose! Rumbani Ambuya!