Read gitonga Sumu 26 Bible Online

Sumu 26 - gitonga bible

Sumu 26

¹Sumu yaku Davidi Nderuzgeni, A Chiuta, pakuti ine ndayenda mu ukongorekwa wangu, ndipo ndagomekezga mu Ambuya kwambura kusukunika.

²Ambuya mwe, mundisande, mundese; yesani mtima wangu ndi vinjeru vyangu.

³Pakuti kwanja kwinu kukuru kwe paurongo pa maso ghangu, ndipo nditenda kwakumugomekezgani.

⁴Kuti ndija pamoza ndi ŵanthu ŵa mautesi cha, nanga nkhukambiskana ndi wakufuvya nako cha.

⁵Nditinkha ungano wa wakuchita uheni, ndipo kuti nkhajanga pamoza ndi ŵakunanga cha.

⁶Manja ghangu ndisamba mu kuwura kafukwa, ndipo ndizunguliyenge jochero linu, Ambuya,

⁷kumba ukongwa sumu ya kuwonga, ndi kukokhoma vyakuziziswa vinu vyose.

⁸A Chiuta, nditanja kajariro ka nyumba yinu, ndi malo gho unkhankhu winu ujamo.

⁹Mungandipeyiyanga pamoza ndi ŵakulakwa, nanga mbumoyo wangu pamoza ndi ŵakudiska ndopa,

¹⁰ŵanthu ŵeniwo mu manja ghawo mwe kutimbanizga kuheni, ŵeniwo manja ghawo gha marghe ghazaza ndi vinda.

¹¹Kweni nge ndine, nditenda mu ukongorekwa wangu; ndichitiyeni wezi, ndiwomboni.

¹²Rundi langu lituma pa charu chakutiske; mu ungano ukuru nditumbikenge Ambuya.