Read gitonga Sumu 29 Bible Online

Sumu 29 - gitonga bible

Sumu 29

¹Sumu yaku Davidi Paskani ku Ambuya mwa ŵakuchanya mwe, paskani ku Ambuya unkhankhu ndi nthazi.

²Paskani ku Ambuya unkhankhu wa zina lawo; gwadiyani Ambuya mu utozi ndi utuŵa.

³Mazu gha Ambuya ghe pa maji, Chiuta wa unkhankhu wadiririska, Ambuya, pa maji ghanandi.

⁴Mazu gha Ambuya nganthazi ukongwa, mazu gha Ambuya ghendi kuziza kukuru.

⁵Mazu gha Ambuya ghatuswa ma sidara, Ambuya atuswa masidara ghaku Lebanoni.

⁶Achitiska Lebanoni kuchiripuka nge ndi thole, ndi Siriyoni nge ndi mwana wa njati.

⁷Mazu gha Ambuya ghapong'a milipu ya moto.

⁸Mazu gha Ambuya ghasukuniska bozwa, Ambuya asukuniska bozwa la Kadeshi.

⁹Mazu gha Ambuya ghaviniska miti yikuru, ndi kupururuska malisuwa; ndipo mu kasopi wawo wose ŵabongo, “Unkhankhu.”

¹⁰Ambuya ausa pachanya pa maji ghanandi; nge ndi karonga muyaya.

¹¹Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!