Read gitonga Sumu 30 Bible Online

Sumu 30 - gitonga bible

Sumu 30

¹Sumu pa kupereka Kasopi. Sumu yaku Davidi Nditumphuskenge imwe, Ambuya chifukwa mwandisoske pachanya, ndipo mwachetamiska ŵamawongo ŵangu kukondwere paku ine.

²A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

³Ambuya imwe mwakwezga mzimu wangu kutuwa ku muunda, mwandisunga wamoyo kutuwa mukati mwakuwo ŵasikiya ku zenje.

⁴Koŵeriyani marumbu ku Ambuya, mwaŵatuwa ŵake. Ndipo wongani zina lawo lakupaturika.

⁵Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

⁶Nge ndine, mukusakata kwangu ndinguti, “Kuti ndisukuniskikenge cha muyaya.”

⁷O Ambuya, mu ulemu winu, mukundijarika ngendi phiri lakukho. Kweni po mwaŵeni mungujibisa, ine ndingutenthema.

⁸Kwaku imwe, Ambuya, ndingubongo; ku Ambuya ndinguŵeyere:

⁹“Mwe chanduwu uli mu nyifwa yangu, asani ndisikiya ku zenje? Kumbi fuvu likamutumbikaninga? Kumbi litaulenge vya umagomekezgeka winu?

¹⁰Avwani, Ambuya, ndipo ndichitiyeni wezi! Ambuya, muŵe imwe wakundovya!”

¹¹Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

¹²alinga kuti mzimu wangu umutumbikeni imwe ureke kujachete. Ambuya Chiuta wangu, ndiperekenge viwongo kwaku imwe muyaya.