Read gitonga Sumu 48 Bible Online

Sumu 48 - gitonga bible

Sumu 48

¹Sumu ya ŵana ŵaku Kora Ndi mukuru Mbuyafwe ndi wakwenere kurumbikadi mu msumba waku Chiuta widu!

²Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

³Mukati mu nyumba zake za ufumu, Chiuta wajirongo mweneko kuŵa chivekeru chakukho.

⁴Pakuti ehe, ŵakaronga ŵanguwungana, ŵanguziya wose pamoza.

⁵Po ŵanguti ŵachiwona, ŵanguzizwa, ŵangumbwambwanthiya, ŵanguthaŵa;

⁶chitenthe chinguŵako penipa, urwirwi nge ngwamunthukazi pakupapa.

⁷Ndi mphepo ya kuvuma munguswa ngaraŵa zaku Tarshishi.

⁸Nge ndimo tinguvwiya, viyo ndimu tawone mu msumba wa Ambuya ŵamaŵanja, mu msumba waku Chiuta widu, weniwo Chiuta wakakhozganga muyaya.

⁹A Chiuta, tarunguruka pa chifundu chinu chikuru, mukati mu kasopi winu.

¹⁰Mo liliri zina linu, A Chiuta, viyo so rumbu linu lifikiya ku vigoti vya panu pasi. Ndakuzaza upindi janja linu la kurghiya;

¹¹likondwe phiri la Zioni! Ŵana ŵanthukazi ŵaku Yuda ŵangarenge chifukwa cha vyeruzgu!

¹²Yendani kuzunguliya Zioni, mzunguliyeni, ŵerengani ŵasonjo ŵake,

¹³ghanaghanani umampha malinga ghake, porotani mu nyumba zake za ufumu; alinga kuti mukonkhome mgonezi wo utuza kuvuli,

¹⁴kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.