Read gitonga Sumu 52 Bible Online

Sumu 52 - gitonga bible

Sumu 52

¹Ku wakumba mura. Sumu yaku Davidi wachiza Doege mu Edomu ndi kutauliya Sauli, kumunene kuti, “Waza Davidi ku nyumba yaku Ahimeleke.” Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

²Lilime lako le nge ndi lwenbe la kuthwa, iwe wakuchita utimbanizi.

³Utanja uheni kwakuruska umampha, kukamba utesi kwakuruska uneneska.

⁴Utanja mazu ghose ghakuparuwa, owe, walilime lakupusika we.

⁵Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

⁶Ŵarunji wawonenge, ndi ŵawopenge, ŵamusekenge, ndi kuti,

⁷“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”

⁸Kweni ine nde nge ndi muti wa olive wakubiliŵira mu nyumba yaku Chiuta. Ndigomekezga mu chifundu chaku Chiuta muyaya ndi muyaya.

⁹Ndikakuwonganinga muyaya, chifukwa mwachita ichi. Nditaulenge zina linu, pa maso gha ŵatuŵa ŵinu, chifukwa ndamampha.