Read gitonga Sumu 57 Bible Online

Sumu 57 - gitonga bible

Sumu 57

¹Ku wakumba mura; pa Ali-tashihete. Sumu yaku Davidi: wachithaŵa kwaku Sauli, mu mphanji Ndichitiyeni lisungu, A Chiuta, ndichitiyeni lisungu, pakuti mwaku imwe udingang'a mzimu wangu; mu chiduzi cha mapapiku ghinu ndimo ndidingang'enge, mpaka po vyajumpha vimphunga vya phasulu.

²Ndiliriya kwaku Chiuta wapachanya limu, kwaku Chiuta yo watindifiskiya vyose.

³Watumenge kutuwa kuchanya ndi wanditaskenge, walengeskenge wo ŵatijitunthwiya paku ine. Chiuta wakatumanga chifundu chake ndi ukongorekwa wake!

⁴Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

⁵Mutumphuskike A Chiuta, pachanya mu machanya! Unkhankhu winu uŵe pachanya pa charu chose chapasi!

⁶Wanguthyiya chirepami chapu yangu; mzimu wangu ungukotama pasi. Wangukumba zenje munthowa yangu, kweni iwo ŵeneko ndiwo ŵawamo.

⁷Mtima wangu wakhozgeka, A Chiuta, mtima wangu wakhozgeka! Ndimbenge ndi ndikoŵerenge!

⁸Yuka, mzimu wangu! Yuka, wabangwi ndi kaligu we! Ndiyukenge ndi chivivivi!

⁹Ndiwongenge imwe, Ambuya, mukati mu ŵanthu; ndimbiyenge kwaku imwe marumbu mukati mu mitundu.

¹⁰Chifukwa nchikuru mpaka ku machanya chifundu chinu, kugomekezgeka kwinu kufika mpaka ku mitambo.

¹¹Mukwezgeke, A Chiuta, pachanya pamachanya! Unkhankhu winu uŵe pachanya pa charu chose chapasi!