Read gitonga Sumu 80 Bible Online

Sumu 80 - gitonga bible

Sumu 80

¹Ku wakumba mura; ku Shoshanimu Eduti. Sumu yaku Asafi Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

²vumbuwani chanju chinu ku mafuku ghaku Efraimu, Benjamini, ndi Manase! Tirongoni nthazi zinu; zaninga mutitaske!

³Tiwezgeni, A Chiuta! Mutirongo chanju chinu, ndipo tikataskikanga!

⁴Ambuya Chiuta wanthazizose, mpaka zuŵanji mukwiyenge ndi marombo gha ŵanthu ŵinu?

⁵Mwatirghiska chiŵande cha masozi, chandi chikuru chakuzaza masozi mwatimweska.

⁶Mwatisanduska chakulimbirana cha ŵakuzengezgana nafwe; ndipo ŵarwani ŵidu ŵatitiseka.

⁷Tiwezgeni, A Chiuta wanthazi zose! Mutirongo chanju chinu, alinga kuti titaskike!

⁸Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

⁹Munguyinozge malo kuti yikuwenge; nkhorozo zake zingusere pasi, ndipo yinguthaza charu chose.

¹⁰Miduzi yake yingubenekere mapiri, milanji yanthazi yingukukika ndi mphanda zake.

¹¹Yingutambaruwa mphanda zake mpaka ku Nyanja, ndi kurutiliya mpaka ku msinji Efrate.

¹²Kumbi mukupasuliyanji malisitu ghake? Sono yose yo wajumphapo waziŵa kuba vipasi vyake.

¹³Nguruŵi zamdondo zitiyiphwatiya pasi, ndipo nyama zose za mudondo zitiyirgha.

¹⁴A Chiuta wa maŵanja, weni ni! Kuchanya ko tilereskeni; zaninga ndi mutaske mphereska yinu!

¹⁵Zani, taskani mphereska iyi yo imwe mwaŵeni mungupanda, yenga yimana imwe munguyikuzga ndi nthazi!

¹⁶Ŵamawongo ŵidu ŵayocha ndi moto ndi kudumuliya pasi; muŵalereske ndi ukari ndipo muŵaparghang'e!

¹⁷Ŵanthu wo mwasankha muŵakhozge ndi kuŵavikiriya, mtundu wo mukuwukuzga ndi nthazi!

¹⁸Kwinu kuti tikatuwangako so cha; tisisipuskeni, ndipo tikatumbikanga imwe.

¹⁹Tiwezgeni, Ambuya Chiuta wanthazi zose! Tirongoni chanju chinu, alinga kuti titaskike!