Read gitonga Sumu 82 Bible Online

Sumu 82 - gitonga bible

Sumu 82

¹Sumu yaku Asafi Chiuta waja mu ungano wa ŵakuchanya; mukati mu ŵachiuta wapaska cheruzgu;

²“Mpaka zuŵanji mweruzgenge kwakubende, ndi kurumba ŵaheni mu milando Yawo?

³Vikiriyani urunji wa ŵakavu ndi ŵaranda; chitiyani umampha ŵasauchi ndi wakusuzgika.

⁴Pozomoskani ŵakusauka ndi ŵa umphaŵi ŵataskeni ku nthazi ya ŵanthu ŵaheni.”

⁵Kuti ŵaziŵa cha chingana nkhuwamo, ŵatenda-enda mu mdima, ndipo urunji wawara mu charu chapasi.

⁶Ine ndinguti, “Ndimwe ŵachiuta, mose imwe, mwe ŵana ŵa Wapachanya Limu;

⁷Kweni ndipuuli, mukafwanga nge mbanthu, umoyo winu ukagotanga nge ndimo ugote wa mafumu.”

⁸Zani, A Chiuta, muwusi charu; mitundu yose ya ŵanthu njinu.