Read gitonga Sumu 84 Bible Online

Sumu 84 - gitonga bible

Sumu 84

¹Ku wakumba mura; pa Gititi. Sumu ya ŵana ŵaku Kora Nako nkhutowa kwa chakujamo chinu, Ambuya ŵa maŵanja!

²Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

³Nanga mbakaŵizuŵizu ŵatijizenge nyumba, ŵakaŵeruŵeru nawo vivimbu vyawo; ŵasunga twana twawo pa majochero ghinu, Ambuya ŵa maŵanja, karonga wangu ndi Chiuta wangu.

⁴Mbakutumbikika wo ŵaja mu nyumba yinu, nyengu yose kumumbiyani rumbu!

⁵Ŵakutumbikika mbanthu wo nthazi zawo zituliya kwinu, wo mu mtima wawo mwe nthowa yaku Zioni.

⁶Ŵachiporota mu dambo liyumu la kuliya ŵatilisanduska malo gha visima; vuwa ya chizimwa-marufya yitilizaza ndi viziŵi vya maji.

⁷Ŵakuliya-ukuliya munthazi ŵachiruta; mu Zioni ŵakawonanga Chiuta wa ŵachiuta.

⁸Vwani kuromba kwangu, Ambuya mwe, Chiuta wanthazi zose; tegherezgani, mwa Chiuta waku Yakobe!

⁹Tumbikani karonga widu, A Chiuta, karonga yo imwe mukusankha!

¹⁰Kutandara zuŵa limoza mu nyumba yinu yakupaturika nkhwamampha, kwakuruska kutandara kunyake mazuŵa chikwi. Ine mphanyi ndinguwa wakuma pa likomo la nyumba yaku Chiuta kwakuruska kuja mu mahema gha ŵaheni.

¹¹Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

¹²Ambuya ŵa maŵanja, wakutumbikika ndi munthu yo wagomekezga mwaku imwe!