Read gitonga Sumu 91 Bible Online

Sumu 91 - gitonga bible

Sumu 91

¹Yose wakuja mu chakubisamamo cha Wapachanya Limu, wakujaririya mumduzi wa Wanthazi Zose,

²wakambenge ku Ambuya, “Ndimwe chakudingang'amo changu ndi linga langu; Chiuta wangu, mwaku mweniyo ndigomekezga.”

³Nadi wakusungenge umampha ku ma urwani ghose ghakubisika, ndi ku nthenda zose za kubaya.

⁴Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

⁵Kuti ukawopanga chakofya cha ndi usiku nanga nkhugundizgika kwakubuchizga ndi msana,

⁶ku videru vyo vikhazga mu mdima, pamwenga maurwani gho ghabaya ndimsana.

⁷Ŵakuwiyenge ŵanthu chikwi, vikwi chumi ŵakuzingirizgenge, kweni kuti ukapwetekekanga cha.

⁸Kweni ukawonanga ndikulereska mo ŵaheni ŵalangikiya.

⁹Chifukwa wato Ambuya kuŵa nguru yako, Wapachanya Limu waŵa muvikiriyi wako,

¹⁰palivi soka lo likakuŵiyanga, nanga nchiwawa kuti chifikenge pafupi ndi muzi wako cha.

¹¹Chiuta wakalanguliyanga ŵangelo ŵake paku iwe, kukusunga munthowa zako zose.

¹²Ŵakunyamuwenge ndi manja ghawo, vinu ungagunyuwa pa mwa marundi ghako.

¹³Ukandenge pa nkharamu ndinkhomi, nkharamu zakofya ndi njoka zikari.

¹⁴Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

¹⁵Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

¹⁶Ndikaŵapaskanga mphoto ya umoyo utali, ndipo kwakuneneska ndikaŵataskanga.”