Read gitonga Nthanthi 18 Bible Online

Nthanthi 18 - gitonga bible

Nthanthi 18

¹Mweniyo wakana ŵanasi wapenja kafukwa kakusosomolana, kurwana ndi cheruzgu chose chakurunjika.

²Wakupusa waghanaghanako ndikuwamo cha, kweni kuŵereŵeta makhumbu ghake pe.

³Asani mphulupulu yituza kunyoza nako kubulika; ndipo pamoza ndi kuyeya patuza chilengesku.

⁴Mazu ghamu mlomo wa munthu ndi maji gha ndimba, chisima cha zeru nkhamsinje kakupopoma.

⁵Kuti nchamampha cha kuŵa wakususka kumanavi wamphulupulu, pamwenga kumuzgerera cheruzgu chamampha wakurunjika.

⁶Milomo ya wakupusa yituza ndi ndeu, ndipo mlomo wake udana vikoti.

⁷Mlomo wa wakupusa ndi phasulo lake, ndipo milomo yake viŵana ku mweneko yija.

⁸Mazu gha wakutokotezga ghachitauli nkhurgha kwakusamuka; ghasere mu viŵaru vya mukati vya liŵavu.

⁹Mweniyo ngwakudembeleka munchitu yake ndi mwana munyake waku yo waparghang'a.

¹⁰Zina la Ambuya ndi sonjo wakurama; munthu murunji wachimbiriya mwenimo wabisama.

¹¹Uromba wa musambasi ndi msumba wake wakukho, ndipo we uli nchimati chitali chakumuvikiriya.

¹²Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

¹³Asani munthu watamuka wenga wandavwe, nkhupusa kwake ndi soni.

¹⁴Mzimu wamunthu ukunthiyengepo matenda; kweni mzimu wakusweka njani wanganyamuwa?

¹⁵Muwongo wa chinjeru upenja zeru, ndipo gutu la wazeru lipenja chinjeru.

¹⁶Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

¹⁷Mweniyo wadanga kukonkhoska makani ghake waoneka uli warunjika mpaka penipo munyake watuza ndi wafumbana nayo.

¹⁸Mphenduzga yimara suskanu ndipo yiteruzga pakati pa ŵakupindana ŵanthazi.

¹⁹Mwana munyako yo waovyeka weuli ndi msumba wakukho, kweni kubayana kwe uli ndi mphandu za linga.

²⁰Munthu wakhorwa ndi chipasi chakutuwa mu mlomo wake, wakhorwa ndi vyo milomo yasaniya.

²¹Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

²²Mweniyo wasaniya muwoli wasaniya chinthu chamampha, ndipo waronde mwaŵi ku Ambuya.

²³Wakusauka warombaromba, kweni muromba watumukiya phuzu.

²⁴Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.