Read gitonga Sumu ya Zisumu 7 Bible Online

Sumu ya Zisumu 7 - gitonga bible

Sumu ya Zisumu 7

¹Nako nkhunozga kwa marundi ghako mu viyato, owe fumukazi mwali we! Marunga gha muvigha vyako ghayana ndi vyakujeduka, nchitu ya manja gha ng'ombwa yako.

²Mumbwela wako wenge ndi chandi cha kuwurungikana chenicho kuti chikavuka vinyo wakusanganizgika cha. Lufu lako ndi muru wa trigu, wakuzingirizgika ndi maluŵa ghakuŵala.

³Maŵe ghako ghaŵi ghayana ndi twana tuŵi twa mbaŵa, twa muwoli twa mphoyo.

⁴Khosi lako likozgana ndi chitanthali cha munyanga wa njovu. Maso ghako ndi visima mu Heshiboni, pafupi ndi chipata cha Batarabimi. Mphunu yako yikozgana ndi chitanthali cha Lebanoni, yo walereska pa Damasko

⁵Mutu wako utukufuka iwe nge ndi Karmele: ndipo kunyoroka kwa sisi lako lenge ndi saru yakufyuŵara; karonga wamangika mwaku lo nge ndi muŵanda.

⁶Wakutowa ndi wakunozga ndiwe, owe nkhwanjiwa, mwali wakukondweska!

⁷Msinkhu wako ulaka nge ndi kanchindu, ndipo maŵe ghako ghayana ulaka ndi makhoroza ghake.

⁸Ndititi ndikakweranga mu muti wa kanchindu ndi kuko mphanda zake. Owe mphanyi maŵe ghako ghanguwa nge ndi makhoroza gha mphereska, ndi fungu la mvuchi wako nge ndi vipasi vya mbuwa,

⁹ndi mifyofyontho yako yenge ndi vinyo wamampha kwakuruska, mweniyo pakumumwa mu mlomo ndi mu minyu wanozga wachisika pa khosi.

¹⁰Ine ndine wankhwanjiwa wangu, ndipo kumbo lake le mwangu.

¹¹Zanga, wakwanjiwa wangu, tiye tirutenge ku minda, ndi kugona mu mizi;

¹²ticherere ndi mlenjilenji ku minda ya mphereska, tikawone vinu mphereska zayamba kupasa, vinu vipasi vyatuzga maluŵa, ndi ŵazobala vinu ŵachita maluŵa. Kwenikuwa ndamkukupaska chanju changu.

¹³Mandimu ghapereka fungu lake, ndipo pabwalo pa nyumba yidu pe vipasi vyose vyakusankhika, vya kale ndi vyasono, vyo ndakuŵikiya, wakwanjiwa wangu iwe.