Read gitonga Yesaya 4 Bible Online

Yesaya 4 - gitonga bible

Yesaya 4

¹Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

²Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

³Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu,

⁴penipo Ambuya asuka lisiru la ŵanthu ŵaku Zioni ndi kutozga mudonthu wa ndopa za Yerusalemu kutuwa mukati mwake ndi mzimu wa cheruzgu ndi mzimu wakocha.

⁵Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.

⁶Chikaŵanga chakupaska mduzi ku chifundizi ndi msana, chakudingang'amo ndi chakuvikiriya ku lirondo ndi vuwa.