Read gitonga Yeremiya 28 Bible Online

Yeremiya 28 - gitonga bible

Yeremiya 28

¹Mu chirimika chenichiya, pa kwamba kuwusa Zedekiya karonga waku Yuda, mu mwezi wa chinkhonde, Hananiya mwana waku Azuru, mchimi waku Gibeoni, wangurongoro nane mu nyumba ya Ambuya, paurongo pa ŵazukuru ndi ŵanthu wose, wanguti,

²“Viyo atiti Ambuya ŵa maŵanja, Chiuta waku Yisraele: Ndafyo gori la karonga wa Babiloni.

³Pavuli pa virimika viŵi ndikawezgiyanga ku malo yagha viyaŵi vyose vya nyumba ya Ambuya, vyo Nebukadanezara karonga wa Babiloni wakuzachito mu malo yagha kunyamuliya ku Babiloni.

⁴Ndikawezgiyanga so Yekoniya mwana waku Yehoyakimu, karonga waku Yuda, ku malo yagha ndi ŵamikoli wose ŵakutuwa mwaku Yuda wo ŵanguruta ku Babiloni atiti Ambuya, pakuti ndikafyonga gori la karonga wa Babiloni.”

⁵Sono mchimi Yeremiya wangurongoro ndi Hananiya mchimi paurongo pa ŵazukuru ndi ŵanthu wose wo ŵanguma mu nyumba ya Ambuya,

⁶wanguti, “Ameni! Ambuya ŵachitedi viyo; Ambuya ŵachite kuti mazu gho wachima ghaŵe ghakuneneska, ndipo awezge kuno viyaŵi vya nyumba ya Ambuya, ndi ŵamikoli wose kutuwa ku Babiloni.

⁷Kweni ndipuuli ayivwa mazu gho ndirongorore mu makutu ghako ndimu makutu gha ŵanthu wose.

⁸Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.

⁹Viyo nge nkhu mchimi wakuchima chimangu, mazu gha mchimi yo ghachifiskika, po ndipo kukaziŵikwanga kuti Ambuya amutumadi mchimi yo.”

¹⁰Sono mchimi Hananiya wangutuzgapo gori pa khosi laku Yeremiya mchimi, ndi wangulifyo.

¹¹Ndipo Hananiya wangurongoro paurongo pa ŵanthu wose, wanguti, “Viyo atiti Ambuya: Viyo ndimu ndikafyoliyanga gori laku Nebukadanezara karonga wa Babiloni ku khosi la mitundu yose pa virimika viŵi.” Sono mchimi Yeremiya wangutuwapo wanguruta.

¹²Pavuli, Hananiya wanguti wafyo gori lo pa khosi laku Yeremiya mchimi, mazu gha Ambuya ghanguza kwaku Yeremiya:

¹³“Ruta, kamunene Hananiya, ‘Atiti Ambuya, Iwe wafyo magori gha muti, kweni mu malo ghawo ndikachitiyangamo magori gha chisulo.

¹⁴Pakuti atiti viyo Ambuya ŵa maŵanja, Chiuta waku Yisraele: Ine ndaŵika pakhosi la mitundu iyi yose gori la chisulo la uŵanda kwaku Nebukadanezara karonga wa Babiloni, ndipo ŵakamutataliyanga; ndamupaska so ndivinyama vya mu dondo.’ ”

¹⁵Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

¹⁶Chifukwa cho atiti Ambuya, ‘Ehe, ndikakutuzgangapo pa chisku cha charu. Chirimika chenichino ukafwanga, chifukwa warongoro gha kugarukiya Ambuya.’ ”

¹⁷Mu chirimika chenichiya, mu mwezi wa chinkhonde ndi chiŵi, mchimi Hananiya wangufwa.