Read gitonga Chitenje 4 Bible Online

Chitenje 4 - gitonga bible

Chitenje 4

¹Owe mo wagugiya golide, mo golide mweneko wang'anamukiya! Mya yakupaturika yala pasi kwakuparghanikana, pakuserere mu gurwi we yose.

²Ŵana ŵakuzirwa ŵa Zioni, ŵakuzirwa nge ndi golide wakwengeka, mo ŵang'anamukiya nge ndi viŵiya, nchitu ya janja la muumbi!

³Chingana mba kambwe ŵapaska be ndi konkheska ŵana ŵawo, kweni ŵanthu ŵangu ŵaŵa ŵakari, nge ndi makungundembo mu bozwa.

⁴Lilime la wakonkha likaniriya ku chavu cha mlomo wake, chifukwa cha nyota; ŵana wapempha kurgha, kweni palivi yo watuŵapaska.

⁵Wo ŵarghanga vyakunona ŵamariya mu miseu; wo ŵangulereke mu vyakuvwara sono mbakula pa viza.

⁶Chifukwa kulangika kwa ŵanthu ŵangu kwaŵa kukuru kwakuruska kulangika kwa Sodomo yo wangupasulika pa kanyengo kamanavi, pengavi janja lo linguchitapo kanthu.

⁷Mafumu ghawo ghangutowa kwakuruska nyankhuŵinda, ghatuŵa kwakuruska mukaka; maluŵavu ghawo ghangufyuŵara kwakuruska kabo, kunozga kwakawonekedu kawo kwenga uli ndi mwa wakuzirwa.

⁸Kweni chisku chawo chafipa kwakuruska ga, kuti ŵaziŵikwa cha mu ŵagurwi; khungu lawo likaniliya pa viwanga vyawo, laŵa lakumira nge ndi nkhuni.

⁹Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

¹⁰Chingana mbanthukazi ŵachitima ŵangubika ŵana ŵaŵeneko ndi, manja ghawo. Wanguŵa kurgha kwawo mu kwanangika.

¹¹Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

¹²Ŵakaronga ŵa charu chapasi kuti ŵanguvwana cha, pamwenga nanga njumoza wa ŵakuja mu charu chapasi, kuti murwani pamwenga wakupindikana wanguziŵa kusere pa malikomo gha Yerusalemu.

¹³Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

¹⁴Ŵanguyingayinga, ŵachiburumutiya, mu ŵagurwi, ŵakukazuzgika ndi ndopa, ndipo pengavi wakuti wangakwaska vivwaro vyawo.

¹⁵Ŵanthu ŵangubongo viyo paku iwo, “Tuwanipo! Mwaŵakukazuzgika! Tuwanipo, tuwanipo, mungakwaskanga cha!” Viyo ŵangusanduka ŵakuthaŵathaŵa ndi ŵakuyingayinga; ŵanthu ŵanguti mukati mu mitundu, “Kuti ŵakajanga so nafwe pamoza cha.”

¹⁶Ambuya ŵeneko aŵambininiska, kuti akaŵakhumbanga so cha; ulemu wengavi kupaskika ku ŵazukuru, ŵaraŵara kuti ŵanguŵaphwere cha.

¹⁷Maso ghidu ghatondeka talindizga chovyo nyengo yose kweni kwawaka; mu kulindizga kwidu tingulindizga, mtundu weniwo kuti unguziŵa kutaska cha.

¹⁸Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

¹⁹Wakutidondoloska wenga wamankharu kwakuruska makuŵi gha mude wangutidikiska pa mapiri; wangutikhazga mu mabozwa.

²⁰Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

²¹Sekere ndi kondwa iwe wa Edomu, wakuja mu charu chaku Uzu; kweni kwaku iwe nako chandi chikarutanga; ukaloŵenga ndipo ukajizuwanga kuja nkhuli.

²²Kulanga kwa utimbanizi winu kwafiskika, mwa ŵanthu ŵa Zioni, kuti wakakusunganinga so muuŵanda cha; kweni wakalanganga mwa ŵanthu ŵaku Edomu chifukwa cha utimbanizi winu, wakavumbuwanga mauheni ghinu.