Read gitonga Ezekiele 2 Bible Online

Ezekiele 2 - gitonga bible

Ezekiele 2

¹Wangunena nane, “Mwana wa munthu, soka, ndirongoro nawe.”

²Ndipo wachirongoronane, Mzimu ungusere mwangu ndikundimika jo; ndinguvwa wachirongoro nane.

³Wanguti, “Mwana wa munthu, nditikutuma ku ŵaYisraele, ku mtundu wa ŵachigaruka, wo ŵandigarukiya ine; iwo ndi auskeu ŵandinangiya ine mpaka zuŵa lino.

⁴Mbanthu ŵakujikuzga ndi ŵakhosi linonono: nditukutuma kwaku iwo; ukaŵanene kuti, ‘Viyo atiti Ambuya Chiuta.’

⁵Manyi ŵamkuvwa pamwenga ŵamkana kuvwa (pakuti ndi nyumba ya chigaruka) ŵakaziŵanga kuti mwenga mchimi mukati mwawo.

⁶Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

⁷Mazu ghangu ndigho ukambenge kwaku iwo, manyi ŵatuvwa pamwenga ŵakana kuvwa, pakuti ndiwo nyumba ya chigaruka.

⁸“Kweni iwe, mwana wa munthu, yivwa cho ndikamba nawe; ungagarukanga nge ndi nyumba ya chigaruka yiya cha; jura mlomo wako, yirgha cho nditikupaska.”

⁹Ndipopo ndingulereska, wonani, janja lingunyoroke kwangu, ndipo, ehe, buku lakuzinga lakulembeka lenga mwenimo;

¹⁰ndipo wangujuriya pa maso pangu; lingulembeka mukati ndi kubwaro, mungulembeka mazu gha kutenje, kuliya, ndi soka.