Read gitonga Hoseya 5 Bible Online

Hoseya 5 - gitonga bible

Hoseya 5

¹Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

²Ndipo ŵakumba pasi ukongwa mbuna yaku Shitimu, kweni ndiŵarangenge wose.

³Ndimziŵa Efraimu, ndi Yisraele kuti ngwakubisika cha kwaku ine; pakuti sono iwe Efraimu, wachita ureŵi.

⁴Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

⁵Kujikuzga kwaku Yisraele kusimikizga pa maso pake; Efraimu waguŵenge mu kwananga kwake; Yuda nayo waguŵenge pamoza nayo.

⁶Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

⁷Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.

⁸Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

⁹Efraimu wasandukenge mahame mu zuŵa lakurangika kwake; ndiziŵiska mafumu gha ŵaYisraele cho chikaŵangako nadi mukati mwawo.

¹⁰Mafumu ghaku Yuda ghaŵa nge ndiwo ŵanderezga mphaka; ndipunguliyenge ukari wangu paku iwo nge ndi maji.

¹¹Efraimu wasuzgika ndi kupwetekeka mu cheruzgu, chifukwa wanguŵika mtima wake pa vyaŵakaŵaka.

¹²Chifukwa ichi nde nge ndi fufuzi kwaku Efraimu, ndi nge nchivuzi chakumira ku nyumba yaku Yuda.

¹³Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

¹⁴Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.

¹⁵Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,