Read gitonga Amosi 2 Bible Online

Amosi 2 - gitonga bible

Amosi 2

¹Viyo atiti Ambuya: “Chifukwa cha maulakwi ghatatu ghaku Moabu, ndi wachinayi, kuti ndiwezgenge kulangika kwake cha, chifukwa wanguwocha viwanga vya karonga waku Edomu kuti viŵi utoto.

²Viyo nditumenge moto paku Moabu, ndi ukawochanga malinga ghaku Kerioti, ndipo Moabu wakafwanga mukati mu mphomu, mukati mu chiwawa, ndikumba kwa mbata;

³nkhawiskanga mweruzgi mukati mwake, ndipo ndibayenge mafumu ghake ghose pamoza ndi iyo,” atiti Ambuya.

⁴Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

⁵Viyo nditumenge moto paku Yuda, ndi ukawochanga malinga ghaku Yerusalemu.”

⁶Viyo atiti Ambuya: “Chifukwa cha maulakwi ghatatu ghaku Yisraele, ndi wachinayi, kuti ndiwezgenge kulangika kwake cha; chifukwa waguliska murunji ndi siliva, ndi mkavu ndi skapatu ziŵi.

⁷Ŵeniwo ŵakandirizga mutuwa mkavu pa fuvu la pasi; ndi kupetuskiya kunyake nthowa ya wakusuzgika; mwana ndi wiske ŵasere mu mwali yumoza, viyo zina langu lituŵa lanangika;

⁸ŵagona pasi pafupi ndi jochero lose, pa vyakuvwara vya chikoli; ndi ŵatumwiya mu nyumba yaku Chiuta wawo, vinyo waku wo ŵalipiskika.

⁹“Kweni ndinguparghang'a Amori pamaso pawo wo utali wawo we nge mbutali wa milanji, ndipo yo wenga wanthazi nge ndi miti ya kankhandi; ndingupuluwa vipasi vyake kuchanya, ndi kuzuwa misisi yake kusi.

¹⁰Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

¹¹Ndipo ndinguyuska ŵanyake ŵa ŵana ŵinu kuŵa ŵamchimi, ndi ŵanyake ŵa ŵanyamata ŵinu kuŵa ŵaNaziri.[1] Kumbi kuti kweviyo cha mwa ŵa Yisraele mwe?” atiti Ambuya.

¹²“Kweni ŵaNaziri munguŵamweska vinyo; ndi mungulanguliya ŵamchimu kuti, ‘Mungachimanga cha.’

¹³“Wonani, ndikunyekezgeninge mumalo ghinu, nge ndimo gareta lakuzazika ndi katundu linyekezge.

¹⁴Kutaskika kwamutondeka kwaku yo ndi mupusu, ndipo wanthazi kuti wakachinthiskanga nthazi zake cha, chingana nchinkhara nacho kuti chamutaska umoyo wake cha;

¹⁵yo wako uta kuti wakachinthanga cha, ndipo yo ndi mupusu kuchimbiya kuti wakajitaskanga cha, chingana ndi yo wakwera pa kavalo kuti wataskenge umoyo wake cha.

¹⁶Ndi yo ngwakukhwima mtima mukati mu vinkhara wamuthaŵa nkhuli mu zuŵa lo,” atiti Ambuya.