Read gitonga Amosi 8 Bible Online

Amosi 8 - gitonga bible

Amosi 8

¹Ambuya Chiuta wangundiwoneska viyo; wonani sokora ya vipasi vya chihanya,

²ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

³Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

⁴Vwani ichi, imwe mukandirizga ŵasauchi, ndi mumara ŵakavuŵamu charu,

⁵mutiti, “Mwezi uwu waŵalikaukabilanga zukwanji, ndi sabata, mwakuti tiguliskenge trigu mwakuti tichepeske mweso ndi kukuzga shekelo,[2] ndi kusanduska vipimukuŵa vyakupusika,

⁶mwakuti tiguli ŵakavu ndi siliva ndi ŵakusauka ndi skapatu ziŵi, ndi kuguliska gaga wa trigu?”

⁷Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

⁸Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

⁹“Ndipo pazuŵa liya,” atiti Ambuya Chiuta, “nkhaserezganga dazi ndi msanapakati ndi kufipiska charu mu ukweru wa msana pakati.

¹⁰Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

¹¹“Wonani, mazuŵa ghakazanga,” atiti Ambuya Chiuta, “penipo nkhatumanga nja mu charu; kuti ndi nja ya sima cha, pamwenga nyota ya maji; kweni yakuvwiya mazu gha Ambuya.

¹²Ŵakayinganga kutuwa ku nyanja mpaka ku nyanja yinyake, kutuwa ku nkhonde mpaka ku vuma; ŵakachimbiyanga uku ndi uku, kupenja mazu gha Ambuya, kweni kuti ŵakaghasaniyanga cha.

¹³“Mu zuŵa lenilo ŵamwali ŵakutowa ndi ŵanyamata ŵamukufwa msara ndi nyota.

¹⁴Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”