Read gitonga Yona 2 Bible Online

Yona 2 - gitonga bible

Yona 2

¹Viyo Yona wanguromba ku Ambuya Chiuta wake mu nthumbo ya chisomba,

²wanguti, “Ndinguriya ku Ambuya, pa chifukwa cha suzgu yangu, ndipo iwo angudivwa; mukati mu nthombo ya chisomba ndinguriya, ndipo munguvwa nkhuta yangu.

³Pakuti mungundipong'a mu ndimba, mukati mu zinyanja, unandi wa maji ungundizingirizga; mayigha ghinu ghose, ndi mweza winu vingundikwetere.

⁴Viyo ndinguti, ‘Ndatuzgikapo pa maso ghinu, ndilereskenge so uli pa kasopi winu wakupaturika?’

⁵Maji ghangundizingirizga, ndimba yingundijara kwakuzunguriya, khochi linguburumutizga mutu wangu,

⁶kusi ku mapiri. Ndingusikiya ku charu cho mipiringizgu yake yingundijariya ine kwa muyaya; ndipuuli imwe munguwutuzgamo mzimu wangu kutuliya ku wanangiko, Ambuya Chiuta wangu.

⁷Penipo mzimu wangu ungufundamiya mukati mwangu, ndingukumbuka Ambuya; ndipo rombo langu lingufika kwaku imwe, ku kasopi winu wakupaturika.

⁸Wo ŵaphwere vyangoza vya utesi, ŵataya kujithereska kwawo kwakuneneska.

⁹Kweni ine nkhaperekanga sembe kwinu ndi mazu ghakuwonga, nkhaperekanga cho ndajirapizga nacho. Utaski ngwa Ambuya!”

¹⁰Ndipo Ambuya angukamba ku somba, ndi yingumuwukuwa Yona pa mtunda uyumu.