Read gitonga Maŵerengedu 26 Bible Online

Maŵerengedu 26 - gitonga bible

Maŵerengedu 26

¹Pavuli pa nthenda ya chideru Ambuya angurongoro ndi Mosese ndi Eleazara mwana waku Aroni mzukuru,

²“Muŵerenge wumba wose wa ŵaYisraele, kutuwa paŵa virimika machumi ghaŵi ndi kuruska po, mu nyumba za auskeu wose wo mbakwenere kuruta ku nkhondo mu Yisraele.”

³Ndipo Mosese ndi Eleazara mzukuru ŵangurongoro nawo mu madambo gha Moabu pafupi ndi Yordane pa Yeriko, kuti,

⁴“Ŵerengani ŵanthu kutuliya pa ŵavirimika machumi ghaŵi ndi kuruska po,” ulaka nge ndimo Ambuya angulanguliya Mosese. ŴaYisraele wo wangu tuwa mu Egipiti, ŵenga:

⁵Rubene, mwana wa umwali waku Yisraele; ŵana ŵanthurumi ŵaku Rubene, ndiwo Hanoki, mwaku mweniyo ndimu mukutuwa mbumba ya ŵaHanoki, mwaku Palu, ndimo mukutuwa mbumba ya ŵaPalu;

⁶mwaku Hezroni ndimu mukutuwa mbumba ya ŵaHezroni; mwaku Karmi, ndimu mukutuwa mbumba ya ŵaKarmi.

⁷Izi ndi mbumba za ŵina Rubene; ndipo unandi wawo wenga, vikwi machumi ghanayi ndi vitatu, machumi pe chumi ghankhonde ndi ghaŵi pachanya machumi ghatatu (43,730).

⁸Ndipo ŵana ŵaku Palu: Eliyabu.

⁹Ŵana ŵaku Eliyabu: Namele, Datani, ndi Abiramu. Yaŵa ndi Datani ndi Abiramu ŵangusankhika mu pingu, wo ungumikana ndi Mosese ndi Aroni mu liŵanja laku Kora, po ŵangususkana ndi Ambuya,

¹⁰ndipo charu chingujura mlomo wake chinguŵameza pamoza ndi Kora, linguti lafwa liŵanja liya, po moto ungocha ŵanthurumi machumi pe chumi ghaŵi, pachanya machumi ghankhonde (250); ndipo iwo ŵanguŵa chenjezgu.

¹¹Nanga kwenga viyo, ŵana, ŵaku Kora kuti ŵangufwa cha.

¹²Ŵana ŵaku Simeoni kwakulingana ndi mbumba zawo; mwaku Nemuele, ndimu mukutuwa mbumba ya ŵaNemuele; mwaku Jamini, ndimu mukutuwa mbumba ya ŵaYamini; mwaku Yakini, ndimu mukutuwa mbumba ya ŵaYakini;

¹³mwaku Zera, ndimu mukutuwa mbumba ya ŵaZera mwaku Shaulu, ndimu mukutuwa mbumba ya ŵaShaulu.

¹⁴Izi ndi mbumba za ŵina Simeoni, unandi wawo vikwi machumi ghaŵi ndi viŵi pachanya machumi pe chumi, ghaŵi (22,200).

¹⁵Ŵana ŵaku Gadi kwakuyana ndi mbumba zawo; mwaku Zefoni ndimu mukutuwa mbumba ya ŵaZefoni; mwaku Hagi mukutuwa ŵaHagi, mwaku Shuni, mukutuwa ŵaShuni;

¹⁶mwaku Ozini, mukutuwa ŵaOzini; mwaku Eri, mukutuwa ŵaEri;

¹⁷mwaku Arodo, mukutuwa ŵaArodo; mwaku Areli mukutuwa ŵaAreli.

¹⁸Izi ndi mbumba za ŵana ŵaku Gadi, unandi wawo, vikwi machumi ghanayi, pachanya machumi pe chumi ghankhonde (40,500).

¹⁹Ŵana ŵaku Yuda ŵenga Eri ndi Onani; ndipo Eri, ndi Onani ŵangufwiya mu Kanani.

²⁰Ŵana ŵaku Yuda mu mbumba zawo ŵenga mwaku Sheba, ndimu mukutuwa ŵaShela; mwaku Pereze, ndimu mukutuwa ŵaPereze; mwaku Zera, ndimu mukutuwa ŵaZera.

²¹Ndipo ŵana ŵaku Pereze ŵenga mwaku Hezroni, ndimu mukutuwa ŵaHezroni; mwaku Hamulu, ndimu mukutuwa ŵaHamulu.

²²Izi ndi mbumba zaku Yuda unandi wawo, vikwi machumi ghankhonde ndi ghaŵi ndi vinkhonde ndi chimoza pachanya machumi pe chumi ghankhonde (76,500).

²³Ŵana ŵaku Isakara kwakulingana ndi mbumba zawo: mwaku Tola, ndimu mukutuwa ŵaTola, mwaku Puva ndimu mukutuwa ŵaPuva;

²⁴mwaku Jasu, ndimu mukutuwa waJasu; mwaku Shimirono ndimu mukutuwa waShimirono.

²⁵Izi ndi mbumba zaku Isakara kwakuyana ndi unandi wawo, vikwi machumi ghankhonde ndi limoza ndi vinayi pachanya machumi pe chumi ghatatu (50,580).

²⁶Ŵana ŵaku Zebuluni, mu mbumba zawo; mwaku Serede, ndimu mukutuwa ŵaSerede; mwaku Eloni, ndimu mukutuwa ŵaEloni, mwaku Jahalele, ndimu nukutuwa ŵaJahalele.

²⁷Izi ndi mbumba za ŵaZebuluni, unandi wawo, vikwi machumi ghankhonde ndi limoza, pachanya machumi pe chumi ghankhonde (60,500).

²⁸Ŵana ŵaku Yosefe mu mbumba zawo: Manase ndi Efraimu.

²⁹Ŵana waku Manase mwaku Makiri, ndimu mukutuwa ŵaMakiri, ndipo Makiri ndiyo wenga wiske waku Gileada; kwaku Gileada, ndimu mukutuwa ŵaGileada.

³⁰Yaŵa ndiwo ŵana ŵaku Gileada: mwaku Yezere ndimu mutuwa ŵaYezere; mwaku Heleke, ndimu mukutuwa ŵaHeleke;

³¹ndi mwaku Asariele, ndimu mukutuwa ŵaAsariele; mwaku Shekemu ndimu mukutuwa ŵaShekemu;

³²mwaku Shemida, ndimu mukutuwa ŵaShemida; ndipo mwaku Hefere, ndimu mukutuwa ŵaHefere.

³³Kweni Zolofehada mwana waku Hefere wengavi ŵana ŵanthurumi, wenga ndi ŵanthukazi pe, mazina ghawo ghenga yagha! Mahala, Nowa, Hogola, Milka ndi Tirza.

³⁴Izi ndi mbumba zaku Manase; unandi wawo wenga vikwi machumi ghankhonde ndi viŵi; pachanya machumi pe chumi ghankhonde ndi ghaŵi (52,700).

³⁵Yaŵa mbana ŵaku Efraimu mu mbumba zawo: mwaku Shutela, ndimu mukutuwa ŵaShutela; mwaku Bekere, ndimu mukutuwa ŵaBekere; mwaku Tahana ndimu mukutuwa ŵaTahana.

³⁶Ndipo yaŵa mbana ŵaku Shutela: mwaku Erana, ndimu mukutuwa ŵaErana.

³⁷Izi ndi mbumba za ŵana ŵaku Efraimu, unandi wawo, vikwi machumi ghatatu ndi viŵi, pachanya machumi pe chumi ghankhonde (32,500). Yaŵa mbana, ŵaku Yosefe mu mbumba zawo.

³⁸Ŵana ŵaku Benjamini mu mbumba zawo: mwaku Bela, ndimu mukutuwa ŵaBela; mwaku Ashebele, ndimu mukutuwa ŵaAshabele; mwaku Ahiramu, ndimu mukutuwa ŵaAhiramu;

³⁹mwaku Shefufamu, ndimu mukutuwa ŵaShefufamu; mwaku Hufamu, ndimo mukutuwa waHufamu.

⁴⁰Ŵana ŵaku Bela ŵenga Ardi ndi Namani: mwaku Ardi, ndimu mukutuwa ŵaArdi; mwaku Namani, ndimu mukutuwa ŵaNamani.

⁴¹Yaŵa mbana ŵaku Benjamini mu mbumba zawo; unandi wawo wenga vikwi machumi ghanayi ndi vinkhonde pachanya machumi pe chumi ghankhonde ndi limoza (45,600).

⁴²Yaŵa mbana ŵaku Dani, mu mbumba zawo: mwaku Shuhamu, ndimu mungutuwa ŵaShuhamu: Izi ndi mbumba zaku Dani kwakulingana ndi mbumba zawo.

⁴³Mbumba zose za ŵaShuhamu, unandi wawo wenga vikwi machumi ghankhonde ndi limoza ndi vinayi pachanya machumi pe chumi ghanayi (64,400).

⁴⁴Ŵana ŵaku Ashere mu mbumba zawo: mwaku Imina, ndimu mukutuwa ŵaImina; mwaku Ishivi, ndimu mkutuwa ŵaIshivi; mwaku Beria, ndimu mukutuwa ŵaBeria.

⁴⁵Mu ŵana ŵaku Beria; mwaku Hebere, ndi mu mukutuwa ŵaHebere; mwaku Malkiele, ndimu mukutuwa ŵaMalkiele.

⁴⁶Ndipo zina la mwana munthukazi waku Ashere lenga Sera.

⁴⁷Izi ndi mbumba za ŵana ŵaku Ashere, unandi wawo wenga vikwi machumi ghankhonde ndi vitatu, pachanya machumi pe chumi ghanayi (53,400).

⁴⁸Ŵana ŵaku Naftali mu mbumba zawo; mwaku Yazele ndimu mukutuwa ŵaYazele; mwaku Guni, ndimo mukutuwa ŵaGuni;

⁴⁹mwaku Yezeri, ndimu mukutuwa ŵaYezeri; mwaku Shilemu, ndimu ŵakutuwa ŵaShilemu.

⁵⁰Izi ndi mbumba zaku Naftali kuyana ndi mbumba zawo: unandi wawo wenga vikwi machumi ghanayi ndi vinkhonde, pachanya machumi pe chumi ghanayi (45,400).

⁵¹Unandi wa ŵaYisraele, wenga vikwi machumi pe chumi ghankhonde ndi limoza ndi chimoza, pachanya machumi pe chumi ghankhonde ndi ghaŵi ndi machumi ghatatu (601,730).

⁵²Ndipo Ambuya angunena ndi Mosese:

⁵³“Charu chikagaŵikanga kwakuyana nge nchihara kwakulingana ndi unandi wa mazina.

⁵⁴Mu fuko lo mbanandi ukaŵapaskanga chihara chikuru, ndipo mu fuko lo mbamana ukaŵapaskanga chihara chimana; fuko le lose likapaskikanga chihara kwakuyana ndi unandi wake.

⁵⁵Kweni charu chikagaŵikanga ndi mphenduzga; kwakuyana ndi mazina gha mafuko gha auskeu ŵakachiharanga.

⁵⁶Kwakulingana ndi mphenduzga ndimu chigaŵikiyenge chihara chawo pakati pa ŵana ndi ŵamana.”

⁵⁷Yaŵa mbina Levi mo ŵanguŵerengeke mu mbumba zawo: mwaku Gershoni, ndimu mungutuwa ŵaGershoni; mwaku Kohati, ndimu mungutuwa ŵaKohati, mwaku Merari, ndimu mungutuwa ŵaMerari.

⁵⁸Izi ndi mbumba zaku Levi: mbumba za ŵaLibina mbumba za ŵaHebroni, mbumba za ŵaMahata, mbumba za ŵaMushi, mbumba za ŵaKohati, Kohati wenga wiske waku Amramu.

⁵⁹Muwoli waku Amramu wenga Yakobede mwana waku Levi, yo wangupapikiya mu Egipiti; wangumupapiya Amramu, Aroni ndi Mosese ndi Miriamu mzichi wawo.

⁶⁰Ndipo Aroni wangupapa Nadabu, Abihu, Eleazara ndi Itmara.

⁶¹Kweni Nadabu ndi Abihu ŵangufwa pakupereka moto wambura kupaturika pa maso pa Ambuya.

⁶²Unandi wawo wenga vikwi machumi ghaŵi ndi vitatu (23,000) munthurumi yose wa msinkhu wa mwezi umoza ndi kuruska po, pakuti kuti ŵanguŵerengeka pamoza ndi ŵaYisraele cha, chifukwa ŵengavi kupaskika chihara mukati mu ŵaYisraele.

⁶³Yaŵa ndiwo ŵanguŵerengeka ndi Mosese ndi Eleazara mzukuru yo wanguŵerenga ŵaYisraele mu madambo gha Moabu pafupi ndi Yordane pa Yeriko.

⁶⁴Ndipo mukati mwaku yaŵa mwengavi yumoza yo wanguŵerengeka ndi Mosese ndi Aroni mzukuru, wo wanguwerenga ŵaYisraele mu bozwa la Sinai.

⁶⁵Chifukwa Ambuya angukamba vya paku iwo kuti, “Wakafwiyanga mu bozwa.” Pengavi yumoza waku wo wangujapo kweni Kalebe pe mwana waku Yefune ndi Yoswa mwana waku Nuni.