Read gitonga Maŵerengedu 7 Bible Online

Maŵerengedu 7 - gitonga bible

Maŵerengedu 7

¹Ndipo kunguŵa pa zuŵa lo Mosese wangumaliya kumika chihema chakuwunganamo, ndi kuchitoweska ndi kuchipatuwa pamoza ndi vyakutataliyamo vyake, ndipo so wati watoweska ndi kupatuwa jochero la sembe ndi viyaŵi vyake vyose,

²ŵarongozgi ŵa ŵaYisraele ndi ŵara ŵa nyumba za auskeu, ŵarongozgi ŵa mafuko, wo wenga ŵakutufuliya wo ŵanguŵerengeka,

³ŵangupereka ndipo ŵanguza ndi mpasku yawo paurongo pa Ambuya, magareta ghakuvunikirika ghankhonde ndi limoza, ndi nkhuzi chumi ndi ziŵi, gareta limoza pa ŵarongozgi ŵaŵi, ndi nkhuzi yimoza pa murongozgi yumoza, ŵanguvipereka paurongo pa chihema chakupaturika.

⁴Ndipo Ambuya angunena ndi Mosese, anguti,

⁵“Vironde ivi kwaku wo alinga kuti viteŵete mu hema lakuwunganamo, uvipaske ku ŵina Levi, ku munthu yose kwakuyana ndi mlimu wake.”

⁶Viyo Mosese wanguto magareta ndi nkhuzi zo, wanguvipereka ku ŵina Levi.

⁷Magareta ghaŵi ndi nkhuzi zinayi wangupaska ŵina Gereshono kwakulingana ndi mlimu wawo;

⁸magareta ghanayi ndi nkhuzi zinkhonde ndi zitatu wangupaska ŵina Merari, kwakulingana ndi milimu yawo pasi paku Itamara mwana waku Aroni mzukuru.

⁹Kweni ku ŵina Kohati kuti wangupaskako nanga nkhamoza cha, chifukwa nchakuti mlimu wawo wenga wa vyakupaturika vyo wanyamuwanga pa phewa.

¹⁰Ndipo ŵarongozgi ŵangupereka mipasku yakupatuliya jochero la sembe pa zuŵa lo lingupakikiya; ŵangupereka mpasku wawo paurongo pa jochero la sembe.

¹¹Ndipo Ambuya anguti kwaku Mosese, “Wakaperekanga mipasku yawo, murongozgi we yose pa zuŵa laku Yija pa kupatuliya guŵa la sembe.”

¹²Yo wangupereka mpasku wake zuŵa lakudanga wenga Nahashoni mwana waku Aminadabu wa fuko laku Yuda;

¹³mpasku wake wenga, chiŵiya cha siliva chimoza cha uzitu wa mashekelo[2] machumi pe chumi pachanya machumi ghatatu (130), ndi mbali ya siliva yimoza ya uzitu wa mashekelo machumi ghankhonde ndi ghaŵi (70) kwakuyana ndi shekelo lamu nyumba yakupaturika, vyose viŵi vinguzaza ufwa wamampha wakusazgika ndi mafuta kuŵa mpasku wa ufwa;

¹⁴mbali yimoza ya golide ya mashekelo chumi, yakuzaza vya chema;

¹⁵kankhuzi kamoza, bira yumoza, kamberere kamoza ka chirimika chimoza kuŵa mpasku wakocha;

¹⁶kaphongo kamoza kuŵa mpasku wapa ulakwi;

¹⁷ndipo sembe ya mipasku ya chimangu, tunkhunda tuŵi, ŵabira ŵankhonde, ŵaphongo ŵankhonde, ndi twana mberere tunkhunde twa chirimika chimoza. Uwu wenga mpasku waku Nahashoni mwana waku Aminadaba.

¹⁸Pa zuŵa la chiŵi Natanele mwana waku Zuara, murongozgi wa ŵina Isakara;

¹⁹wangupereka mpasku wake chiŵiya chimoza cha siliva, cho uzitu wake wenga mashekelo machumi pe chumi pachanya machumi ghatatu (130), mbali yimoza ya siliva ya uzitu wa mashekelo machumi ghankhonde ndi ghaŵi (70), kwakuyana ndi shekelo lamu nyumba yakupaturika, vyose viŵi vyakuzaza ndi ufwa wamampha wakusazgika ndi mafuta kuŵa mpasku wa ufwa;

²⁰mbali ya golide yimoza ya mashekelo chumi, yakuzaza vya chema;

²¹kankhuzi kamoza, bira yumoza, kamberere kamoza ka chirimika chimoza, kuŵa mpasku wakocha;

²²kaphongo kamoza kuŵa mpasku wa ulakwi;

²³ndipo sembe ya mipasku ya chimangu, nkhuzi ziŵi, ŵabira ŵankhonde, ndi twana twa mberere tunkhonde twa chirimika chimoza, uwu wenga mpasku waku Netanele mwana waku Zuara.

²⁴Pa zuŵa la chitatu Eliaba mwana waku Heloni, murongozgi wa ŵina Zebuluni:

²⁵wangupereka mpasku wake wenga chiŵiya chimoza cha siliva, uzitu wake wanga mashekelo machumi pe chumi, pachanya machumi ghatatu (130), mbali yimoza ya siliva, uzitu wake wenga mashekelo machumi ghankhonde ndi ghaŵi (70), kwakuyana ndi shekelo lamu nyumba yakupaturika, vyose viŵi vyakuzaza ufwa wamampha wakusazgika ndi mafuta kuŵa mpasku wa ufwa;

²⁶mbali ya golide yimoza ya uzitu wa mashekelo chumi, yakuzaza vya chema;

²⁷kankhuzi kamoza, bira yumoza, mberere yumoza ya chirimika chimoza, kuŵa mpasku wakocha;

²⁸kaphongo kamoza kuŵa mpasku wa ulakwi;

²⁹ndipo sembe ya mpasku wa chimangu, nkhuzi ziŵi, ŵabira ŵankhonde, ndi twana twa mberere tunkhonde twa msinkhu wa chirimaka. Uwu wenga mpasku waku Eliaba mwana waku Heloni.

³⁰Pa zuŵa la chinayi Elizuru mwana waku Shedeuru, murongozgi wa ŵina Rubene:

³¹wangupereka mpasku wake chiŵiya cha siliva chimoza uzitu wake wenga mashekelo machumi pe chumi pachanya machumi ghatatu (130), mbali ya siliva yimoza ya uzitu wa mashelo machumi ghankhonde ndi ghaŵi (70), kwakuyana ndi mashekelo gha nyumba yakupaturika, vyose viŵi vyakuzaza ufwa wamampha wakusazgika ndi mafuta, kuŵa mpasku wa ufwa;

³²mbali ya golide yimoza ya mashekelo chumi, yakuzaza vya chema;

³³kankhuzi kamoza, bira yumoza, kamberere kamoza ka msinkhu wa chirimika, kuŵa mpasku wakocha;

³⁴kaphongo kamoza ka mpasku wapa ulakwi;

³⁵ndipo vya sembe ya mipasku ya chimangu, tunkhuzi tuŵi, ŵabara ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpasku waku Elizuru mwana waku Shedeuru.

³⁶Pa zuŵa la chinkhonde Shelumiele mwana waku Zurishadayi, murongozgi wa ŵina Simeoni:

³⁷wangupereka mpasku wake chiŵiya cha siliva chimoza, cha uzitu wa mashekelo machumi pe chumi pachanya machumi ghatatu (130), mbali ya siliva yimoza ya uzitu wa mashekelo machumi ghankhonde ndi ghaŵi (70), ghakuyana ndi shekelo lamu nyumba yakupaturika; vyose viŵi vyakuzaza ufwa wamampha wakusazgika ndi mafuta kuŵa mpasku wa ufwa;

³⁸mbali ya golide yimoza ya mashekelo chumi, yakuzaza vya chema;

³⁹kankhuzi kamoza, bira yumoza, kamberere kamoza ka chirimika chimoza, kuŵa mpasku wakocha;

⁴⁰kaphongo kamoza ka mpasku wapa ulakwi;

⁴¹ndipo vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa umoyo wa chirimika chimoza. Uwu wenga mpasku waku Shelumiele mwana waku Zurishadayi.

⁴²Pa zuŵa la chinkhonde ndi chimoza Eliasafa mwana waku Deuele, murongozgi wa ŵina Gadi:

⁴³wangupereka mpasku wake chiŵiya cha siliva chimoza cha uzitu wa mashekelo machumi pe chumi pachanya machumi ghatatu (130), mbali ya siliva ya uzitu wa mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzaza ufwa wamampha wakusazgika mafuta kuŵa mpasku wa ufwa;

⁴⁴mbali ya golide ya uzitu wa mashekelo chumi yakuzaza vya chema;

⁴⁵kankhuzi kamoza, bira yumoza, kamberere ka msinkhu wa chirimika, kuŵa mpasku wakocha;

⁴⁶kaphongo kamoza kuŵa mpasku wapa ulakwi;

⁴⁷ndipo vya sembe ya mipasku ya chimangu, nkhuzi ziŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpasku waku Eliasafa mwana waku Deuele.

⁴⁸Pa zuŵa la chinkhonde ndi chiŵi Elishama mwana waku Amihudu, murongozgi wa ŵina Efraimu:

⁴⁹wangupereka mpasku wake, chiŵiya cha siliva chimoza cha uzitu wa mashekelo machumi pe chumi pachanya machumi ghatatu (130), mbali ya siliva yimoza ya uzitu wa mashekelo machumi ghankhonde ndi ghaŵi (70), kuyana ndi mashekelo gha nyumba yakupaturika, vyose viŵi vyakuzaza ufwa wamampha wakusazgika ndi mafuta kuŵa mpasku; wa ufwa;

⁵⁰mbali yimoza ya golide ya mashekelo chumi, yakuzaza vya chema;

⁵¹kankhuzi kamoza, bira yumoza, kamberere ka chirimika chimoza kuŵa mpasku wakocha;

⁵²kaphongo kamoza ka mpasku wa ulakwi;

⁵³pa sembe ya mipasku ya chimangu nkhuzi ziŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpasku waku Elishama mwana waku Amihudu.

⁵⁴Pa zuŵa la chinkhonde ndi chitatu, Gamaliele mwana waku Pedazuru, murongozgi wa ŵina Manase:

⁵⁵wangupereka mpasku wake, chiŵiya cha siliva, cha uzitu wa mashekelo machumi pe chumi pa chanya machumi ghatatu (130), mbali ya siliva ya uzitu wa mashekelo machumi ghankhonde ndi ghaŵi (70), kuyana ndi shekelo la nyumba yakupaturika, vyose viŵi vyakuzaza ufwa wamampha wakusazgika mafuta kuŵa mpasku wa ufwa;

⁵⁶mbali ya golide ya uzitu wa mashekelo chumi, yakuzaza vya chema;

⁵⁷kankhuzi kamoza, bira yumoza, kamberere kamoza ka chirimika chimoza kuŵa mpasku wakocha;

⁵⁸kaphongo kamoza, kuŵa mpasku wa ulakwi;

⁵⁹vya mipasku ya sembe ya chimangu, tunkhuzi tuŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpaski waku Gamaliele mwana waku Padazuru.

⁶⁰Pa zuŵa la chinkhonde ndi chinayi Abidana mwana waku Gideoni murongozgi wa ŵina Benjamini:

⁶¹mpasku wake wenga chiŵiya cha siliva, cha uzitu wa mashekelo machumi pe chumi, pachanya machumi ghatatu (130), mbali ya siliva ya mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzazika ufwa wamampha wakusazgika mafuta kuŵa mpasku wa ufwa;

⁶²mbali ya golide ya mashekelo chumi, yakuzaza vya chema;

⁶³kankhuzi kamoza, bira yumoza, kamberere kamoza ka chirimika chimoza kuŵa mpasku wakocha;

⁶⁴kaphongo kamoza kuŵa mpasku wapa ulakwi;

⁶⁵ndipo vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde, twana twa mberere tunkhonde twa chirimika chimoza. Uwu wenga mpasku waku Abidana mwana waku Gideoni.

⁶⁶Pa zuŵa la chumi Ahiezere mwana waku Amishadai, murongozgi wa ŵina Dani:

⁶⁷mpasku wake wenga chiŵiya cha siliva, cha uzitu wa mashekelo machumi pe chumi, pachanya machumi ghatatu (130), mbali ya siliva ya uzitu wa mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzaza ufwa wamampha wakusazgika mafuta kuŵa mpasku wa uheni;

⁶⁸mbali ya golide ya mashekelo chumi, yakuzaza vya chema;

⁶⁹kankhuzi kamoza, bira yumoza, kamberere kamoza ka chirimika chimoza, kuŵa mpasku wakocha;

⁷⁰kaphongo kamoza ka mpasku wapa ulakwi;

⁷¹vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpasku waku Ahiezere mwana waku Amishadai.

⁷²Pa zuŵa la chumi ndi limoza Pagiele mwana waku Okorana, murongozgi wa ŵina Ashere:

⁷³mpasku wake wenga chiŵiya cha siliva, cha uzitu wa mashekelo machumi pe chumi, pachanya machumi ghatatu (130), mbali ya siliva ya mashekelo machumi ghankhonde ndi ghaŵi (70), kuyana ndi shekelo la nyumba yakupaturika; vyose viŵi vyakuzaza ufwa wamampha wakusazgika mafuta kuŵa mpasku wapa ulakwi;

⁷⁴mbali ya golide ya mashekelo chumi, yakuzaza vya chema;

⁷⁵kankhuzi kamoza, bira yumoza, kamberere kamoza ka chirimika chimoza kuŵa mpasku wa ulakwi;

⁷⁶kaphongo kamoza ka mpasku wapa ulakwi;

⁷⁷vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde twana twa mberere tunkhonde twa chirimika chimoza. Uwu ndi mpasku waku Paigiele mwana waku Okorana.

⁷⁸Pa zuŵa la chumi ndi ghaŵi Ahira mwana waku Anana, murongozgi wa ŵina Naftali:

⁷⁹mpasku wake wenga chiŵiya cha siliva, cha uzitu wa mashekelo machumi pe chumi pachanya machumi ghatatu (130), mbali ya siliva ya mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzaza ndi ufwa wamampha wakusazgika mafuta, kuŵa mpasku wa ufwa;

⁸⁰mbali ya golide ya mashekelo chumi, yakuzaza vya chema;

⁸¹kankhuzi kamoza, bira yumoza, kamberere kamoza ka chirimika chimoza, kuŵa mpasku wakocha;

⁸²kaphongo kamoza ka mpasku wapa ulakwi;

⁸³vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu ndimpaski waku Ahira mwana waku Enana.

⁸⁴Murongozgi wa ŵaYisraele wangupereka ivi pakupatuwa jochero la sembe, pa zuŵa lo lingupaskika; viŵiya vya siliva chumi ndi viŵi, mbali za siliva chumi ndiziŵi, mbali za golide chumi ndi ziŵi,

⁸⁵chiŵiya chose cha siliva uzitu wake wenga mashekelo machumi pe chumi pachanya machumi ghatatu (130), mbali ye yose uzitu wenga mashekelo machumi ghankhonde ndi ghaŵi (70), viyaŵi vyose vya siliva mashekelo vikwi viŵi, pachanya machumi pe chumi ghanayi (2,400), ghakuyana ndi shekelo la nyumba yakupaturika,

⁸⁶mbali za golide zenga chumi ndi ziŵi, zakuzazika ndi vya chema uzitu wa mbali yimoza mashekelo chumi, kuyana ndi uzitu wa shekelo la nyumba yakupaturika, golide yose wa mbali zo wenga mashekelo machumi pe chumi, pachanya ghaŵi (120);

⁸⁷ng'ombe zose za mpasku wakocha, zenga chumi ndi ziŵi, ŵabira chumi ndi ŵaŵi, tumberere twa chirimika chimoza chumi ndi tuŵi, pamoza ndi mpasku waku vyo vya ufwa; ndi twaphongo chumi ndi tuŵi twa mpasku wapa ulakwi;

⁸⁸ndipo ng'ombe zose za sembe ya mipasku ya chimangu zenga machumi ghaŵi pachanya zinayi (24), ŵabira machumi ghankhonde ndi limoza (60), ŵaphongo machumi ghankhonde ndi limoza (60), tumberere twa chirimika chimoza machumi ghankhonde ndi limoza (60). Ivi vyenga sembe ya kupatuliya jochero la sembe, po ŵangulipaka.

⁸⁹Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.