Read gitonga Zekariya 5 Bible Online

Zekariya 5 - gitonga bible

Zekariya 5

¹Ndinguyunuska so maso ghangu, ndi kulereska, ndipo ndinguwona, kalata wakuzinga wakuwuluka!

²Ndipo wanguti kwaku ine, “Kumbi wawonanji?” Ndingwamuka, “Ndawona kalata wakuzinga; utali wake ndi mikono machumi ghaŵi (20) ndi usani mikono chumi.”

³Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo.

⁴Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

⁵Ndipo mungelo wa Ambuya yo wakambanga nane wangundere kufupi ndi wanguti kwaku ine, “Yinuska maso ghako, ndi wona nchine ichi chituwa.”

⁶Ndipo ndinguti, “Kumbi nchine?” Iyo wanguti, “Ichi ndi sokora yo yituwa.” Ndipo wanguti, “Uku ndiko kunanga mu charu chose.”

⁷Ndipo, ehe, chingutumphuka chibenekere cha ndolo, ndipo mwenga munthukazi, wanguja pasi mukati mu sokora!

⁸Ndipo wanguti, “Uwu mbuheni.” Wangumututuzgiya so mukati mu sokora, ndipo wanguwezgiyapo so chibenekere paku cho.

⁹Ndipo ndingulereska, ndipo ndinguwona, kungutuwa ŵanthukazi ŵaŵi ŵakuza kunthazi! Mphepo yenga mu mapapa ghawo; ŵenga ndi mapapa nge ngaku muswankhono, ndipo wangunyamuwa sokora pakati pa charu ndi machanya.

¹⁰Viyo ndinguti ku mungelo yo wakambanga nane, “Kumbi ŵatiya nayo pani sokora?”

¹¹Ndipo iyo wanguti, “Ku charu cha Shinara kwachiyizenge nyumba; asani yarongosoreka, ŵaŵikenge sokora pasi pa chimiko chake.”