Read gitonga Machitidu gha Ŵakutumika 6 Bible Online

Machitidu gha Ŵakutumika 6 - gitonga bible

Machitidu gha Ŵakutumika 6

¹Kweni mu mazuŵa yagha, ŵachiŵa ŵanandi ŵasambizi wo, kunguŵapo dinginiku la ŵaHeleniste pa ŵa Hebere, pakuti vyajowolekanga vyoko vya wo mu uteŵeti wa zuŵa ndi zuŵa.

²Kweni chumi ndi ŵaŵi wo, ŵanguti ŵadaniya pamoza urapasi wa ŵasambizi ŵanguti, “Kuti kuyiyamu ifwe cha kusiya mazu ghaku Chiuta kwachitieŵete magome.

³Viyo, mwa ŵabali, mwaku imwe penjanimo ŵanthurumi ŵankhonde ndi ŵaŵi, ŵakusimikizgika, ŵakuzazika Mzimu ndi zeru, ŵeniwo tingamikiya pa mlimu uwu;

⁴kweni ifwe tifwiririyengepo pa kuromba ndipa uteŵeti wa Mazu.”

⁵Ndipo mazu gho ghangukondweska urapasi wose wo: ndipo ŵangutondo Stefano, munthu wakuzara chivwanu ndi Mzimu Wakupaturika, ndi Filipu, ndi Prokhoro, ndi Nikanora, ndi Timona, ndi Permena, ndi Nikolau mkhozi waku Antioke.

⁶Wo ŵangumika paurongo pa ŵakutumika: ndipo ŵati ŵaromba, ŵanguŵika manja pakuwo.

⁷Ndipo mazu ghaku Chiuta ghawandanga; ndipo unandi wa ŵasambizi mu Yerusalemu ungwandana ukongwa; ndipo so ŵazukuru ŵanandi ŵavwiyanga ku chivwanu cho.

⁸Kweni Stefano, wakuzara wezi ndi nthazi, wachitanga minthondwi ndi visimikizgu vikuru mu khamu lo.

⁹Kweni ŵangusoka ŵanyake ŵaku sinagoge lakuzumbulika sinagoge la ŵaLibertini, ndi la ŵaKurene, ndi la ŵaAlekezandara ndi la ŵaku Kilikia ndi Asia, ŵakukweskana ndi Stefano.

¹⁰Ndipo ŵanguŵavi nthazi kumikirana ndi zeru ndi Mzimu mwenimo warongororenga.

¹¹Ndipo ŵangupangizga kwautesi wo ŵakambanga kuti, “Tamuvwa wachirongoro vyautokosi paku Mosese, ndi paku Chiuta iyo.”

¹²Ndipo ŵanguyuska khamu lo, ndi so ŵara, ndi ŵalembi, ndipo pakuziya pake ŵangumkwekwete nthazi ŵangumgumizgiya ku upu wo,

¹³ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu;

¹⁴chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.”

¹⁵Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.