Read gitonga Yoswa 15 Bible Online

Yoswa 15 - gitonga bible

Yoswa 15

¹Ndipo mphenduzga ya fuku laku Yuda kwakuyana ndi mbumba zawo yingufika kuchiri ku malaŵi ku mphaka ya Edomu, ku bozwa la Zini ku malaŵi iku.

²Mphaka yawo kuchiri ku malaŵi yituwa pa chigoti cha Nyanja ya Mche, kutuwa pa dowoko la lilereska kuchiri ku malaŵi;

³yiruta kubwalo kuchiri ku malaŵi ku chikwera chaku Akrabimu, yijumpha mpaka ku Zini, kukwere ku malaŵi kwa Kadeshbarnea, kwendichika mu Hezroni, kukwere ku Adara, kung'anamukiya ku Kara,

⁴kujumpha mpaka ku Azmono, kurutiliya kwenda mu msinji wa Egipiti, mpaka yimariya pa nyanja. Iyi yikaŵanga mphaka yinu ku malaŵi.

⁵Ndipo mphaka yaku vuma ndi Nyanja ya Mche, mpaka ku zaru ku Yordane, mphaka yaku nkhonde yituwa pa dowoko la nyanja pa zaru la Yordane.

⁶Yikwera mpaka ku Bete-hagla yijumpha ku nkhonde kwa Bete-araba; mphaka yirutiliya kukwere ku mwa waku Bohana mwana waku Rubene;

⁷ndipo yiruta yikwere ku Debiri kutuwa ku dambo la Akoro, kurata ku nkhonde, ying'anamukiya kuchiri ku Gilgala, yo walereskana ndi chikwera cha Adumimi, yo we kuchiri ku malaŵi kwadambo; mphaka yirutiliya mpaka ku maji gha Eneshemeshe, yimariya pa Ene-rogele;

⁸sono apa mphaka yikwera ndi dambo la mwana waku Hinomu kuchiri ku malawi ku ŵaYebusi (yo ndi Yerusalemu); ndipo mphaka yikwera pachanya pa phiri lo linyekezga ku dambo la Hinomu, ku zambwe, ku umari waku nkhonde wa dambo la Rafaimi;

⁹po mphaka yirutiliya kutuwa pachanya pa phiri mpaka ku chisima cha maji gha Nefetoa, ndipo kutuwa kuwa mpaka ku misumba yaku phiri la Efroni, po mphaka yizunguliya ku Bala (yo ndi Kiriata-jearimi);

¹⁰ndipo yizgomba ku zambwe kwa Bala ku phiri la Seiri, yirutiliya ku phiri Jearimi ku nkhonde (yo ndi Kesalono), yiruta ndi kusikiya ku Bete-shemeshe, ndi kujumpha pa Timina;

¹¹yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja.

¹²Ndipo mphaka yaku zambwe ndi Nyanja Yikuru ndi likumba lake. Iyi ndi mphaka ya kuzunguliya ŵaYuda kwakuyana ndi mbumba zawo.

¹³Kwakuyana ndi langulu la Ambuya kwaku Yoswa, wangupaska Kalebe mwana waku Yefuni chigaŵa mu ŵaYuda, Kiriata-araba, yo ndi Hebroni (Arba wenga wiske waku Anaki).

¹⁴Ndipo Kalebe wangudikiskamo ŵana ŵatatu ŵaku Anaki, Sheshai, Ahimana, ndi Talmai, ŵazukuru ŵaku Anaki.

¹⁵Ndipo kutuwa kuwa wangukwera kwachirimbana ndi ŵakuja mu Debiri; zina lakuti Debiri pakudanga lenga Kiriata-sefere.

¹⁶Kalebe wanguti, “Yose yo wangokoso Kiriata-sefere, ndi kuwupoka, ndi mupaskenge mwana wangu munthukazi Akisa kuŵa muwoli wake.”

¹⁷Ndipo Orniele mwana waku Kenaza, mbali waku Kalebem wanguwupoka; viyo wangumupaska Akisa mwana wake kuŵa muwoli wake.

¹⁸Wanguti waza kwaku iyo, Akisa wangumuchiska murumi wake kuti waŵapemphe awiske munda; ndipo wangusika pa mbunda yake, Kalebe wangunena nayo, “Ukhumbanji?”

¹⁹Wangunena nayo, “Undipaske chawanangwa, mo wandipaskiya charu chaku mwela, undipaske so visima vya maji.” Ndipo Kelebe wangumupaska visima vya kunena ndi visima vya kusika.

²⁰Ichi nchihara cha fuku la ŵaYuda kwakuyana ndi mbumba zawo.

²¹Misumba yaku umari ku malaŵi, kulazga ku mphaka ya Edomu yo yenga ya ŵaYuda, yenga Kabzale, Edere, Yaguru.

²²Kina, Dimona, Adadi,

²³Kedeshi, Hazoro, Itinani,

²⁴Zifi, Telene, Bealoti,

²⁵Hazoro, Hadeta, Kerioto-hezroni (yo ndi, Hazoro),

²⁶Amama, Shema, Molada,

²⁷Hazarogada, Heshimoni, Bete-pelete,

²⁸Hazara-shuala, Beresheba, Biziotia,

²⁹Bala, Imi, Ezeme,

³⁰Etolada, Kasili, Horma,

³¹Ziklaga, Madmana, Sausana,

³²Lebaoti, Shilhimi, Aini, ndi Rimoni: yose pamoza yenga machumi ghaŵi pachanya nkhonde ndi yinayi pamoza ndi mizi yake.

³³Mu charu cha chidika, Eshitaolo, Zora, Achizibi,

³⁴Zanoa, Enganimi, Tapua, Enama,

³⁵Yarmutu, Adulama, Soko, Azeka,

³⁶Sharaimi, Aditaimi, Gedera, Gederotaimi: Misumba chumi ndi yinayi ndi mizi yake.

³⁷Zenana, Hadasha, Migdatagada,

³⁸Dileana, Mizpa, Yoktele,

³⁹Lakishi, Bozokata, Eglono,

⁴⁰Kaboni, Lahama, Kitlishi,

⁴¹Gederoto, Betedagono, Nama, ndi Makeda, Misumba chumi pachanya nkhonde ndi umoza ndi mizi yake.

⁴²Libina, Etere, Ashana,

⁴³Ifta, Ashua, Nezi,

⁴⁴Keila Akazi ndi Maresha: Misumba nkhonde ndi yinayi ndi mizi yawo.

⁴⁵Ekroni Misumba yake ndi mizi yake;

⁴⁶kutuliya ku Ekroni kuya ku nyanja, yose yo yenga kuchiri ku Ashidodi, ndi mizi yawo.

⁴⁷Ashidodi misumba yake ndi mizi yake, Gaza misumba yake ndi mizi yake; kuya ku msinji wa Egipiti, ndi Nyanja Yikuru pamoza ndi likumba lake.

⁴⁸Ndi mu charu cha mitunthu, Shamiri, Yatiri, Soko,

⁴⁹Dani, Kiriata-sana (yo ndi Debiri),

⁵⁰Anaba, Eshitemo, Animi,

⁵¹Gosheni, Holono, ndi Gilo: misumba chumi ndi umoza ndi mizi yake.

⁵²Araba, Duma Eshena,

⁵³Yanimi, Bete-tapua, Afeka,

⁵⁴Humuta, Hiriata-arba (yo ndi Hebroni), ndi Zioro misumba nkhonde ndi yinayi ndi mizi yake.

⁵⁵Maono, Karmele. Zifi, Yuta,

⁵⁶Yezerele, Yokodeama, Zanoa,

⁵⁷Kayini, Gibea, ndi Timina; misumba chumi ndi mizi yake.

⁵⁸Halagulu, Betezeru, Gedoro,

⁵⁹Marata, Bete-anoti, ndi Eltekoni: misumba nkhonde ndi umoza ndi mizi yake.

⁶⁰Kiriata-bala (yo ndi Kiriata-jearimi), ndi Raba: misumba yiŵi ndi mizi yake.

⁶¹Mu bozwa, Bete-araba, Midoni, Sakaka,

⁶²Nibishana, msumba wa mche, ndi Engedi misumba nkhonde ndi umoza ndi mizi yake.

⁶³Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.