Read gitonga Yoswa 20 Bible Online

Yoswa 20 - gitonga bible

Yoswa 20

¹Pavuli Ambuya angunena ndi Yoswa,

²“Kamba ndi ŵaYisraele, ‘Tondoni misumba yakupozomokiyamo, yeniyo ndingukunene mwaku Mosese,

³kuti mubaya-munthu yo wabaya munthu we yose kwambura kuziŵa pamwenga mwa soka wangathaŵiyako; yikaŵanga kwaku imwe malo ghakujamo munthu wakuthaŵa thayu la ndopa.

⁴Wakathaŵiyanga ku umoza wa misumba iyi ndipo wakamanga pakuserere pa likomo la msumba ndi kikonkhoska mlando wake ku ŵara ŵa msumba wuwa; pavuli ŵakamuserezganga mu msumba, ŵakampaskanga malo, ndipo wakajanga nawo.

⁵Ndipo asani muwezge thayu ndopa, watimudikiska, kuti ŵakaperekanga mubaya yo mu janja lake cha; chifukwa wangubaya mwanasi wake kwambura kuziŵa, po wengavi kuŵa nayo ndi mawongo mu nyengo zaruta.

⁶Ndipo wakajanga mu msumba muwa mpaka po wama paurongo pa mpingo kweruzgika, mpaka penipo mzukuru mura wa panyengo yeniyo wafwa; po ndipo mubaya yo wakaweriyanga ku msumba wake ku muzi wake, ku msumba weniwo wanguthaŵako.’ ”

⁷Viyo wangupatuwa kedeshi mu Galile mu charu cha mtunthu chaku Naftali, ndi Shekemu mu charu cha mtunthu chaku Efraimu, ndi Kiriataarba (yo ndi Hebroni) mu charu cha mtunthu chaku Yuda.

⁸Ndipo kusirgha ku Yordane ku vuma kwa Yeriko, ŵangusankha Bezere mu bozwa pa charu cha chidika, kutuwa ku fuku laku Rubene, ndi Ramoti mu Gileada, kutuwa ku fuku laku Gadi, ndi Golani mu Bashani, kutuwa mu fuku laku Manase.

⁹Iyi yenga misumba yeniyo yingusankhikiya ŵaYisraele wose, ndi mlendo wakuja mukati mwawo, kuti yose yo wangubaya munthu kwambura kumufinga wanguziŵa kuthaŵiyako, alinga kuti wareke kufwa ku janja la wakuwezge thayu ndopa mpaka po wanguma paurongo pa mpingo.