Read gitonga ŴaHebere 2 Bible Online

ŴaHebere 2 - gitonga bible

ŴaHebere 2

¹Chifukwa chenichi kutenere kwakuruska kuphwere vyo vinguvwika, vinu tingadeukako.

²Chifukwa asani mazu gho ghangukambika ndi ŵangelo ghanguŵa ghakukho, ndipo ubudi wose ndi mtafu unguronde chilambula mphotu chakurunjika;

³tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

⁴Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

⁵Chifukwa kuti nkhu ŵangelo cha kuti wanguthereska ujazi wo utuza, vyaku weniwo tikamba.

⁶Kweni yumoza wasimikizga pakuti, “Nkhane munthu, kuti mumkumbuke? Pamwenga mwana wa munthu kuti mumlingizga?

⁷Mwamchefyako kamanavi ku ŵangelo; mwamvwalika unkhankhu ndi thamu, ndipo mwamjarika pachanya pa nchitu za manja ghinu:

⁸nwaŵika vyose kusi ku marundi ghake.” Chifukwa mukuŵika vinthu vyose pasi paku iyo, walive kusiyapo kanthu kambura kuŵikika pasi pake. Kweni ndasono tindawone vyose kuŵikika pasi pake.

⁹Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

¹⁰Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

¹¹Chifukwa yo wapatuwa ndiso ŵeniwo mbakupaturika wose mba ku yumoza. Chifukwa chenichi kuti walenga soni cha kuŵatamula ŵabali,

¹²wakuti, “Nditauliyenge zina linu ku ŵabali ŵangu, mukati mu mpingu ndimurumbeninge.”

¹³Ndipo so, “Ine nkhaŵanga wakugomezga mwaku iyo.” Ndipo so, “Awonani, ine ndi ŵana ŵeniwo Chiuta wandipaska.”

¹⁴Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

¹⁵ndi wangadomo wose ŵeniwo mu chopu cha nyifwa mu umoyo wawo wose ŵanguŵa ŵakuzighirika ku uŵanda.

¹⁶Chifukwa nadi kuti watovyako ŵangelo cha, kweni watovya mbeu yaku Abrahamu.

¹⁷Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.

¹⁸Chifukwa po wakomwe pakweseka, ngwanthazi kuwovya wo ŵateseka.