Read gitonga Yakobe 5 Bible Online

Yakobe 5 - gitonga bible

Yakobe 5

¹Ekwe, aimwe, mwaŵasambasi, liriyani ndi kulalatiya pa mausokwa ghinu gho ghatuza.

²Usambasi winu wavunda ndipo minjirira yinu yaliwa ndi tuwungu.

³Golide linu ndi siliva linu vyachita mbili, ndipo mroso wawo uŵiyenge imwe uli nchisimikizgu, ndipo urghenge nyama yinu nge ndi moto. Mwaronga mbiku mu mazuŵa yagha ghaumari.

⁴Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

⁵Mwaja mu charu mu maulakalaka ndi mu malikondwa mwatutuvyiya mitima yinu uli nkhu zuŵa la chibaya.

⁶Mwamsuska, mwambaya murunji; kuti wamikisana namwe cha.

⁷Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

⁸Namwe so kunthiyanipo; khozgani mitima yinu: pakuti uzi wo wa Ambuya waŵandika.

⁹Mwa ŵabali, mungadinginikirananga yumoza pa munyake cha, alinga mureke kweruzgika: alereni, cheruzga yo watuma pa makhomu.

¹⁰Mwa ŵabali, muwatole nge nchandiru cha kuvwiyapo uheni ndi cha kukunthiyapo, ŵamchimi ŵeniwo ŵangukamba mu zina la Ambuya.

¹¹Awonani, tiwapima ŵamwaŵi wo ŵangukunthiyapo. Nwavwa ndi unkhunthiya wo waku Yobu, ndipo mwaona mo Ambuya wanguufiskiya, pakuti Ambuya mbachitima ukongwa ndi wachifundu.

¹²Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.

¹³Kumbi yumoza wamwaku imwe wavwiyapo uheni? Warombe. Kumbi yumoza wasangaruka? Wambenge sumu.

¹⁴Kumbi watama yumoza wamwaku imwe? Wajidaniye ŵara wo wa mpingu ndipo warombiyepo paku iyo, ndi kumtukutizga ndi mafuta mu zina la Ambuya.

¹⁵Ndipo rombo lo la chivwanu limtaskenge murwali yo, ndipo Ambuya akamyuskanga; ndipo asani wachita vilakwa, vireke kiyengeko kwaku iyo.

¹⁶Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

¹⁷Eliya wenga munthu wakusankhwa ngendifwe, ndipo wanguromba rombo lakuti kureke kung'apovuwa; ndipo kuti kungung'apo vuwa pa charu cha virimika vitatu ndi myezi yinkhonde ndi umoza.

¹⁸Ndipo wanguromba so; ndipo kuchanya kungupaska vuwa, ndipo charu chinguwaliska chipasi chake.

¹⁹Mwa ŵabali ŵangu, yumoza wa mwaku imwe wangarandizgika ku uneneska ndipo yumoza wangamunyongo;

²⁰waziwi kuti mweniyo wang'anamuwako mulakwi ku urandizgi wa nthowa yake, wataskengeko mzimu ku nyifwa, ndipo waundenge muru wa vilakwa.